1 Juan 3:24 - Táurinakene máechejiriruwa’i ema Viya tikaijare

²⁴ Te visuapa eta mawanairipiana, viáwa'aka'i ema, énerichuware ema tiáwa'aka'aviya, vécha'i eta matiari'ira'i ema Viya eta viye'e, máicha ema Machanewa Viya mawaneru'i ema.

Ignaciano

²⁴ Te visuapa eta mavanai­ripiana, viávahácahi éma, éneri­chuvare éma tiávahá­ca­haviya. Véchahi eta matiari­hirahi ema Viya eta viyehe, máicha ema Espíritu Santo mavaneruhi éma.

1 Juan 3:24 ပူးပေါင်းရင်းမြစ်များ

San Juan 10:38

Etasera te nitaucha'i eta mawanairipiana, tayanapane wa'i ekusuapanu nuti, étapaseraini esuapa'ini eta tiáramikareana níchakeneana'i, apaesa enewanepa echa tamutu, taicha ema Tata tiawa'akanu'i éneichuware nuti nawa'asira'i ema Tata.

San Juan 14:17

Ema tímituka'eyare, máitametakayare tamutu eta yátupikeneana'i, tási'akeneana eta me Tata. Énasera ena achaneana, wa'i tikaijarakasianaima'i, taicha wa'i náwara'a'ini najakapa'ini ema. Étisera ímatiyare ema, taicha máitawakakayare eta máwa'asira'eyare.

San Juan 17:21

Nuyaseakaviware wá'ini takuitawa'ini eta náurujiasirakakayare ena. Pakutini piti, Tata eta piawa'asiranu'i nuti, tási'a nuti eta piye'e, eneichuware ena nakachane'avi'ini viti, apaesa ena achaneana te juka apake'e náimati'ini yátupina eta piwanesiranu'i.

1 Corintios 3:16

¿Échaichu'i eti eta máwa'asira'e'i ema Machanewa Viya, eti maye'e'i templo ema Viya?

1 Corintios 6:19

¿Échaichu'iware eti eta máwa'asira'eipa ema Machanewa Viya eta te iáke'eana, taicha mawaneruichu'i ema Viya eta máwa'asira'eyare'i ema Machanewa Viya? Waipa étina'ini echa eta iáke'eana.

2 Corintios 6:16

Éneichuware, tiáwa'aka'avipa ema Viya, émaipa ema Vikaiyakene. Eta taka'e, wa'i táurika'ini eta vikasiapirawa'ini eta naye'e ena wa'i machaneranaina'ini ema Viya, taicha apana'i ema nasiñaraji. Taicha ani maka'e'i: “Náwa'akawakaya ena té'ikanuana'i; nuti naye'enu'i Viya taicha ena yátupikeneana'i nuchanerana'i.”

1 Tesalonicenses 4:8

Taka'e, ema mákani tépuru'i eta juka vímiturapiana'i, máepuru'iware ema Viya; taicha mawanairipiana'i eta juka, vimetakasiwa'i víti maye'e ema Machanewa Viya.

2 Timoteo 1:14

Piúnakaicha yátupina eta juka máechejiriruwana ema Viákenu, te natiari'ipuka náwara'a na'apapika eta vímiturapiana, wa'i pikuisapawa, máima'avinesera ema Machanewa Viya, ema tiáwa'aka'avi'i, ema tímikatakaviyare.

1 Juan 2:24

Tási'a, ekapanereruyarechucha eti, eta máechejiriruwa, tamutu eta esamakeneanaipa'i te tépanawainapa eta ekasiñaira'i ema Jesucristo. Eta ekapanereruira eta júkana, iáwa'akayare ema Tata émapa ema Machicha.

1 Juan 2:3

Tiúri puiti, vikasiñawa'i eta vímatira'i ema Viya, taicha visuapa'i eta mawanairipiana.

1 Juan 2:5

Étasera eta visuapira'i víti eta mawanairipiana tímecha'avi'i eta viáwa'asira'i ema Viya, yátupi'i eta vémunasira'i ema Viya, je'ewarepa yatupipa eta mawa'asiraavi'i ema.

1 Juan 2:6

Ema tika'eana viti viáwa'aka ema Viya, tási'a, takamunu'i eta táuri'ini eta naitaresiraina'ini tákuti'ini eta táuriwa'i eta máitaresira'i ema Jesucristo.

1 Juan 3:22

Taka'e ema tijaraka'avinapa tamutu eta viyasearapiana, taichavene eta visuapira'i eta mawanairipiana etapa eta vichira eta mawara'akeneana.

1 Juan 4:7

Nuparapenaveana némunakasareana, takamunu eta vémunakaka wámutu, taicha ema Viya tímituka'avi'i eta vémunasirakakaya. Vimutu viti vémunakaka'i, étapa tímereucha'avi'i eta makachichaira'avi'i ema Viya, yátupi'i eta vímatira'i ema.