1 Juan 3:23 - Táurinakene máechejiriruwa’i ema Viya tikaijare

²³ Eta juka mawanairipiana'i, étara eta visuapayare'i maye'e ema Machicha Jesucristo, tási'a vinunayare'i vemunakakayare'i, vitauchayare'i eta mawanairipi'i ema.

Ignaciano

²³ Eta juca mavanai­ri­pianahi: “Ecasiña ema Nuchicha Jesucristo, éneri­chuvare émunacaca”. Tacahehi eta mavanairipi viyehe.

1 Juan 3:23 ပူးပေါင်းရင်းမြစ်များ

San Mateo 22:39

Jarari'iware eta táe'iru'i eta juka apana wanairipi, taka'e'i: ‘Pémunaka ema piparaepiya, tákuti eta pémunasirawa'i piti.’

Marcos 9:7

Temuna'irikawapa tiuchuka'i eta úkaji táepakumuri'a'i ena. Tási'a nasamawarepa eta ma'u ema Viya, taye'e eta úkaji ani maka'e'i: “Ema maka, ema Nuchicha némunarukene'i: ema esamayare.”

San Juan 1:12

Énasera nákani tijachapana'i, tási'a nasuapa'i ema, maijaraka'i, maimikacheracha'i eta yátupikene'i machichanaveana'i ema Viya.

San Juan 13:34

Puiti nunakikayare eta juka Arairu nuwanairipi eta eye'e. Émunakakayare'i etijikaka. Ekutinuyare'i eta némunasira'e'i nuti. Ene eka'eyare eti apanaware.

San Juan 14:1

“Wa'i ekueñamawa eti. Ákasiñawa eta me Viya, éneichuware ákasiñawaware eta nuye'e.

San Juan 15:12

Nápecha'e numetaka'e eta juka nuwanairipi eta eye'e: Yátupina eta émunasirakakaina. Ákutinu eta némunasira'e'i nuti.

San Juan 17:3

Níjarakayare eta náitaresirayare máichekuarakireyare, ena píjararunuanayare apaesa náimativi, piti Tata pikarichu yátupikenevi'i Viya, nútipa nuti Jesucristo, nuti piwanerunu'i te juka apake'e.

San Juan 2:23

Eta manasiraicha'a'i ema Jesús te Jerusalén, te Páskuamu'u, kamuri'i eta tiáramikareana máichakeneana'i. Kamuriana'iware ena achaneana tíma'ana'i.

San Juan 3:18

“Nákani tikasiñanayare ema Machicha ema Viya, wa'i tikaikuñanaima'i; nákanisera wa'i nakasiña'ini ema, táimikuñakawakayare'i eta naviurewana'i, taicha wa'i nasuapa'ini ema machicha makarichukene Viya.

San Juan 6:29

Ema Jesús májikapawakapa: –Eta mawara'akeneana'i ema Viya íchakeneyare, esuapanuyare nuti mawanerunu'i.

Hechos 16:31

Ena najikapapa: –Pákasiña ema Viákenu Jesucristo, tási'a ema tikuchuku'aviyare píti, tási'a énapa ena pichichanaveana.

Efesios 5:2

Émunajirikakayare eta ítaresiraya. Ekutiyare ema Cristo eta máemunasira'avi'i. Ema, makurisamurechaipa ema Maiya eta máimijararesirawa'i víchavene'i víti, makuti'i eta uvesa nakaparu'i, eta námawa'u'i me Viya.

1 Tesalonicenses 4:9

Puiti tájinapa, waipa néñamawa eta eye'e eta émunasirakaka'i, taicha ema Viya tíjaraka'eipa eta émunasirakaka'i.

1 Timoteo 1:15

Nuwara'a námutu'ini ena achaneana nasuapa eta vé'iru'i taicha yátupi'i eta juka vímiturapiana: Ema Viákenu Jesucristo tímiteka'i te juka apake'e makuchuku'awakayare'i ena tikapekaturara'iana.

1 Pedro 1:22

Puiti tipachinaipa eta iáchanewana táichavene'i eta esuapira'i eta yátupikene máimiturapiana ema Jesucristo. Eta taka'e, ímerekawainapa puiti yátupina eta émunasirakaka'i naye'e ena echamuriana. Ewapinawaware eta te esamureana eta émunasirakakaira'i.

1 Pedro 4:8

Tiápajukawayare'isera eta émunajirisirakakaya eti. Te yátupi'i eta émunajirisirakaka'i, máejerareya eta ejapanukakairaya eta jákani éjekapirawana.

1 Juan 2:7

Nuparapenaveana, eta juka wanairipi nijararu'ekene'i wa'i arairuina'ini: etaichu'ineni eta ejachapakene'e eti kape te taepaninewapa. Eta juka wanairipi tainapure'i etara eta maechejiriruwa ema Viya eta esamakene'i.

1 Juan 3:11

Étara, eta juka vimetaka'e'i, te tépanawainapa eta ekasiñaira'i ema Viya, eta mawaraira'i eta vémunasirakakayare.

1 Juan 4:15

Namutu nákani timatiana eta émaira'i ema Viákenu Jesús, eta emaira'i ema machicha ema Viya, tási'a, tímatikareana'i ena, máwa'aruana'i ema Viya, étapa eta náwa'asira'i ema.

1 Juan 4:21

Eta juka eta mawanairipi'i viye'e ema viákenu Jesucristo: ema temunaka'i ema Viya, éneichuware maemunakayare ena machamuriana.

1 Juan 5:13

Nukajure'e eta juka eti esuapana maye'e ema machicha ema Viya, apaesa echa eta maichekuarakirenapa eta itaresira tiuri.