1 Juan 2:28 - Táurinakene máechejiriruwa’i ema Viya tikaijare

²⁸ Puítisera, nuchichanaveana, ímiyanawa eta iáwa'asiraina eti ema Jesucristo apaesa túmesamure'eina eti, wa'i ekutsiri'a maye'e eta te machawa.

Ignaciano

²⁸ Puítisera, nuchicha­naveana, ímiyanava eta iávahá­siraina éti ema Jesucristo apaesa túmesa­mu­rehéina éti, vahi ecutsiriha mayehe eta te machava.

1 Juan 2:28 ပူးပေါင်းရင်းမြစ်များ

San Mateo 16:27

Taicha ema Machicha ema Ajaira, tichawayare'i, mámainapaipa eta majaraiwa ema Tata, makachanéwakayare ena ángeleana. Te jena sácheyare, tíjarakawakainapa eta náikuchiana'i ena machanerana, jákani náemataneanapachu'i.

San Mateo 16:28

Nutupiruwa numetaka'e, eti etiari'ikeneana'i puiti, enerejikawayare, wa'i épenawanema'i, íma'anumaya eta makatupara'airayare ema Machicha ema Ajaira.

Marcos 8:38

Énaipa nákani timitsiri'anuana'ipuka eta náe'isiranu'i, étapa eta nímiturapiana, te namira'u ena achaneana tikapekaturara'iana, eneichuware ema Machicha ema Ajaira titsiri'ayarewa. Te jena sácheyare, námainapaipa eta nujaraiwa, étapa eta majaraiwa ema Tata. Nukachanénapaipa ena Santuana ángeleana.

San Lucas 17:30

Ene taka'eyare eta machavirayare ema machicha ema achane.

Romanos 9:33

eta taichakene'i eta Takapika'ukene Ajureka: “Puiti néwatakaya ema Nuchicha naye'e ena israelítana níma'aya nája'apuka tikatianakanaya ema, nákanisera tikasiñawanayare eta maye'e ema, wa'i máinajiakawakaima'i.”

1 Corintios 1:7

Tamutuipa tíjaraka'e'i ema Viya, tájinapa iátajiwaina'ini eta ítupajijiasirawaipa'i. Étanecha ekuchapayare eta jena sacheyare machavirayare ema Viákenu Jesucristo.

1 Corintios 15:23

Táejarurewa'i eta juka. Tínapuka'i ema Cristo téchepuka. Ema ekutiarare'i viye'e. Tási'a, te mápechawaware máiteka te juka apake'e, énainapa téchepukanayare ena náepenakeneanaipa machanerana'i.

Efesios 3:12

Tási'a puiti, tájina táeñamawakareima'i eta vipauchira ema Viya. Vikasiñawa'i eta maye'e, taicha ema Jesucristo éma'i ema vikasiñasarekene'i.

Colosenses 3:4

Té'esera te machawa ema Viákenu Jesucristo, máitsiwachainapa eta iáke'eanayare. Tási'a ekachanenapaipa ema, tétavikawaya eta viúrikakarewaya vimutu máicha.

1 Tesalonicenses 2:19

Véñamawa'i víti eta eye'e taicha viwara'a'i tánasi'ini eta iúriwa eta machimapira'eya eta machaviraya ema Viákenu Jesucristo.

1 Tesalonicenses 3:13

Máijaraka'éni táuriwaina eta esamureana takuija etapirawaina, máepachinacha'ini eta iáchanewana apaesa ekurisamurecha ema Tata Vikaiyakene te jena sácheyare machaviraya ema Viákenu Jesucristo, mási'airaya te anuma, mámirayarepa'i ena apamuriana manerejiruana'i.

1 Tesalonicenses 5:23

Tiuri puiti, máijaraka'eni ema Viya táuriwaina eta epanereruana, yátupina'ini takuija'ini ekuichirawaina eta iáwa'ásira'i ema, majaneasina'e'ini eta iáchanewana, eta iáke'eana, takuija eta etapirawaina'ini te machawapa ema Viákenu Jesucristo.

1 Timoteo 6:14

pítauchayare píti tamutu eta juka nuwanairipiana'i taicha tási'akeneana'i me Viákenu, wa'i pi'apapikaima'i, apaesa takuija táimikajachavi maye'e, tauri eta machimapiravina ema Viákenu Jesucristo te máitekapa te táitauchawapa te jena sácheyare máikutiara'i ema Tata Vikaiyakene.

2 Timoteo 4:8

Puiti etanecha nukuchapa'i eta jena sácheyare eta máijarasiranuyare eta níjarakasiya me Viákenu, taicha eta né'isira'i yátupi. Ema, máitauchayare'i eta máijarasiranuyare eta níkuchi'i maye'e. Wá'iwaresera nákarichuima'i nuti nukaijarakasiyare. Éneichuwa máijarakayarewa namutu nákani tikuchapana'i eta machaviraya.

Tito 2:13

Tási'a, vikunewainapa eta machavirayare ema Viákenu Jesucristo, ema Makatiura'ikene'i viye'e. Eta máitesiraya mámayarepa'i eta tapachinakene majaraiwa.

Hebreo 9:28

éneichuware ema Cristo, éta'eichu'i eta máepenira'i makaepa'airayare eta vipekaturana viti kamurikeneana achaneana. Yátupisera tiápechawaya tímerekawa, wáipasera étaima'i tímiteka mawachachaya eta pekatuana. Eta tímitekayare ema, tépana'aviyarepa viti vé'ikana'i vikuchapana'i ema eta makuchukuira'aviyare'i.

1 Pedro 1:7

Ema Viya máisapa'i eta juka ekatajiwairana, mawaraira'i ímereuchawayare eta yátupikene'i eta ekasiñawaira'i eta maye'e. Ekutiyare eta uru te nakaitsamaraji te yuku te yátupi'ipuka étakene'i. Étisera étaviviriaka'i eta tatumewa eta uru, taicha eta uru títawayare'i, témitiakayare'i. Te wa'i ekainajiruwa eta ekasiñawaira'i maye'e ema Viákenu, tétavikawayare eta ekunachakarewayare'i maye'e ema eta machimapira'eyare te machawa.

1 Pedro 5:4

Taka'e te machawapa ema yátupikene Pastor eta viye'e, tétavikawaya eta makunachira'eya. Tíjaraka'enapa eta íkuchi'i, máitawakakainapa eta ekachaneraya ema te mávi'a'i eta te majaraiwa'i.

1 Juan 2:1

Nuchichachichana, nukajure'e'i eta júkana taicha nuwara'a wa'i ekukapekaturaini. Té'esera íchapuka eta pekatu, marari'i ema tikatajira'i viye'e te mamira'u ema Tata Vikaiyakene, tikaijare Jesucristo ema tikatajika'avira'i, ema, matapiraware; tétavikawa eta máuriwa.

1 Juan 3:2

Nuparapenaveana némunarukeneana, machicha'avipa ema Viya. Vuícha'asera tímecha'avi ema eta viúriwayare. Véchaipasare eta vikutirayare ema Jesucristo eta te machawa. Taicha víma'ayare eta máima'ikene ema.

1 Juan 3:21

Nuparapenaveana nemunarukeneana, te wa'ipuka tipikakarakawa eta visamure, je'ewarepa eta vikasiñawaira eta me Viya;

1 Juan 4:17

Vétaviuchaya eta vémunasiraya ena vichamuriana taicha eta viáwa'asira'i ema Viya, tási'a, wa'i vipikaima'i eta jena sácheyare te viyanapa te mamira'u ema Viya, wa'i vipikaima'i taicha machicha'avi'i ema Viya, vikuti'i ema Jesús eta makachichaira'i ema Maiya, tayanapanepuka vítarekaicha'a te juka apake'e.

1 Juan 5:14

Tási'a, tájina táeñamawakare'ini eta viyasearuana'i ema Viya, taicha vécha'i víti eta masamira'avi'i, taicha eta viyasearapiana tási'akeneana'i eta vímatiekene'aira'i eta mawara'akene'i ema Viya.

Apocalipsis 1:7

¡Íma'a, márajapainapa ema Cristo támayarepa'i eta úkaji! Namutuyare nanekapa ena achaneana te juka apake'e, tási'a, tipikanainapa ena tijarachana'i; tási'a namutu ena tiavi'ana'i te apake'e tíya'a'akawanainapa eta naimairayare. Eta taka'eyare eta juka, amén.