1 Juan 2:27 - Táurinakene máechejiriruwa’i ema Viya tikaijare

²⁷ Eti, máwa'aru'eipa ema Machanewa Viya, mawaneru'i ema Jesucristo. Tási'a, nájina apanaina ákamunu'ini náimituka'e'ini, taicha tímituka'e'i tamutu ema Machanewa Viya. Ema, yátupikene'i eta máechejiriruwa. Ánasichu iáwa'aka'i ema Jesucristo.

Ignaciano

²⁷ Éti, mávahá­ru­heripa ema Espíritu Santo mavaneruhi ema Jesucristo. Tásiha, nájina apanaina ácamu­nuhini máimitu­ca­hehini, taicha tímitu­cahehi tamutu ema Espíritu Santo. Éma, yátupi­quenehi eta máechaji­riruva. Éma, vahi tépiya­hirahi. Timeta­cahehi éma: “Ánasirichu iávahácahi ema Jesucristo”.

1 Juan 2:27 ပူးပေါင်းရင်းမြစ်များ

San Mateo 13:11

Ema Jesús májikapawakapa: “Émasera ema Viya timimaticha'e eti, eta juka maeñaure'i te mawasa ema Viya akenuka te anuma, énasera ena apamuriana achaneana wa'i maitametakawakaima'i.

San Juan 14:16

Tási'a, nuti nuyaseakainapa ema Tata máewataka ema Machanewa Viya. Ema tímikataka'eyare, wa'i tínajiaka'ema'i.

San Juan 14:17

Ema tímituka'eyare, máitametakayare tamutu eta yátupikeneana'i, tási'akeneana eta me Tata. Énasera ena achaneana, wa'i tikaijarakasianaima'i, taicha wa'i náwara'a'ini najakapa'ini ema. Étisera ímatiyare ema, taicha máitawakakayare eta máwa'asira'eyare.

San Juan 14:26

émasera ema katiura'i Machanewa Viya, mawaneruyare ema Tata te níjare nuti, ema tímikataka'eyare, tikurisamurecha'eyarewa. Éneichu tímituka'eyare, témecha'eyare tamutu eta juka numetarapiana eye'e.

San Juan 16:13

Te máitekapapa ema Machanewa Viya, émainapa timimaticha'eyare eta yátupikeneana, wa'i tasi'akenema'i te machuti eta maechejiriruwaya, ema timetaka'eyare tamutu eta masamakenaeana'i, émainapa timinekapa'eyare tamutu eta taiparakana étapa eta íchawakenewanayare.

San Juan 4:14

Nákanisera téranayare eta une níjararuyare'i nuti, waipa tiápechawanaima'i timauneana. Máichekuarakirenapa eta náitaresira.

San Juan 6:45

Taicha taka'e'i eta nájure'i ena profetanaini, ani taka'e'i: ‘Náimitukasiwayareichu'i me Viya namutu ena achaneana’ Taka'e, namutu ena tisamana ema Tata tási'a tikarawauana'i maye'e, énara tipauchanuanayare nuti.

1 Corintios 2:12

Víti, tájina wa'i vítijiwaina'ini vímipanerechawa'ini maye'e ema Viya. Émasera ema Machanewa Viya tímituka'avi'i tamutu eta títukakareana tási'akeneana'i me Viya.

1 Corintios 2:13

Eta taka'e, eta juka vímiturapiana'i tási'akeneana'i maye'e ema Machanewa Viya. Wa'i tási'akenena'ini te vipanereruana. Táitusiawa, ena vímitureana'i natupiruwa'i najakapa taicha máwa'aruana'i ema Machanewa Viya.

2 Corintios 1:21

Émaipa ema Viya témurakacha'avi'i eta viúrujiasira'i ema Cristo, víti étipa eti. Taicha machicha'avi'i, ema manerejiru'avi'i.

Efesios 4:21

Taicha németeaka yátupi'i esamararaka'i eta maímitusira'e'i. Ímatipa'i eta táurikeneana'i yátupikeneana'i tási'akeneana'i maye'e ema Jesucristo.

Colosenses 2:6

Taka'e puiti eta e'isira'i ema Viakenu Jesucristo émaipa'i iákenu'i, tawara'asera itauchayare eta mawanairipiana takaechera eta é'isira,

1 Tesalonicenses 2:13

Eta taka'e, vi'asulupayachaparaka ema Viya eta táuriwa'i esama eta máechejiriruwa. Eti, etupiruwa'i ejákapa eta vimetasira'e'i, taicha eta esamira'i yátupikene'i, tási'akene'i ema Viya. Wa'i vipanereruinachuchaini víti, émainapukaini mákani apana achane. Eta juka eta tiúricha'e'i eti esuapana'i.

1 Tesalonicenses 4:9

Puiti tájinapa, waipa néñamawa eta eye'e eta émunasirakaka'i, taicha ema Viya tíjaraka'eipa eta émunasirakaka'i.

1 Timoteo 2:7

Eta taka'e'i, manerejirunuichu'i maye'enu'i apústule, nukametarairuyare tamutu awasareana, nímitukayare'i ena apawasana eta nasuapiraina ena eta yátupikeneana máechejiriruwana ema Viya, nutupiruwa'i nuti eta juka néchejisira'i, wa'i népiya'ira'iwaina'i.

1 Pedro 1:23

Kape juka, eta ítaresira'i, tájina wa'i íturuekene'a'ini eta iúchukuiraya. Puítipasera machicha'eipa'i ema Viya. Ítsiwachaipa'i eta ítaresiraini'i eta esuapira'i eta máechejiriruwa. Eta tikaitareka'eyare'i; jé'eware eta máitawakaka'i.

1 Juan 2:28

Puítisera, nuchichanaveana, ímiyanawa eta iáwa'asiraina eti ema Jesucristo apaesa túmesamure'eina eti, wa'i ekutsiri'a maye'e eta te machawa.

1 Juan 3:24

Te visuapa eta mawanairipiana, viáwa'aka'i ema, énerichuware ema tiáwa'aka'aviya, vécha'i eta matiari'ira'i ema Viya eta viye'e, máicha ema Machanewa Viya mawaneru'i ema.

2 Juan 1:2

Viti vémunaka'e taicha vikutikaka'i eta visuapira eta yátupikene máechejiriruwa ema Viya. Máichekuarakirenapa eta visuapiraya.