1 Juan 2:25 - Táurinakene máechejiriruwa’i ema Viya tikaijare

²⁵ Eta'i eta juka máikure'avi'i ema Viakenu Jesucristo, tíjaraka'aviya máichekuarakirenapa eta vítaresira.

Ignaciano

²⁵ Taicha tíjara­cavahi ema Jesucristo tíjara­ca­haviya eta vítaresira máichecua­ra­qui­rénapa.

1 Juan 2:25 ပူးပေါင်းရင်းမြစ်များ

San Lucas 18:30

najachapayare eta taitsiwayare te juka apake'e. Tási'a te táitekapapa te apana víitaresira tavetijinapa, máichekuarakirenapa.

San Juan 10:28

Níjarakawakayaresera nuti eta máichekuarakireyare eta naitaresira. Wá'ikene náima'a'ini eta náikuñayareni. Nájinaware tiverejikanuanaima'i ena nujanearuana'i.

San Juan 12:50

Taicha necha'i eta mawanairipi ema Tata maichekuarakirenapa eta naitaresira. Wa'i nu'apapikaima'i eta maechejiriruwa, nutupiruwa'i numetaka'e eta mametarunu'i ema Tata.”

San Juan 3:15

Eta níchararakawayare apaesa nukuchuku'apa'i namutu ena nákani tikasiñanuanayarepa'i. Tási'a, máichekuarakirenapa eta náitaresira.

San Juan 5:39

Eti, tamapuruji eta ekarawa'uira'i eta Taka'ukene Ajureka. Ímijachaipapuka eta tikaitareka'eyare'i. Wá'isera ímatiekene'a'ini, wá'iware ákaikutiara'ini eta nútira'i táechejisi'a'i máichekuarakirenapa eta naitaresira.

San Juan 6:27

Wa'isera ekukaeñamarakawa eta etánusira eta enikakenerepi taicha títawayare'i, tatuparaka'isera etanukayare eta tinikakare tikaitareka'eyare'i, máichekuarakiraya eta naitaresira. Etara eta juka níjararu'eyare'i nuti Manerejirunu'i ema Viya, ema Tata manaka'i eta tímereuchanu'i eta yátupira'i nuwanekasiwa'i eta maye'e ema.

San Juan 6:40

Taicha eta mawara'akene ema Tata, nákaini tima'ana'i ema Machicha ema Viya, tási'a nasuapa'i ema, máichekuarakirenapa eta naitaresira, tási'a nuti nukaechepukainapa te táitekapapa eta sache népanirawakayare nuti.

San Juan 6:47

Nutupiruwa'i numetaka'e, nákani tisuapajira'iana, najachapayare eta máichekuarakirayare eta naitaresira.

San Juan 6:54

Nákani tinikanayare eta neche, téranayarewa eta nítine, ena máichekuarakireyare eta náitaresira. Tási'a, nuti nukaechepukawakayare te náekariana.

San Juan 6:68

Ema Simón Pedro majikapapa: –Tata maestro, távi'apuka wakaiju'e'ini, eta péchejiriruwana tétavikawa'i eta máichekuarakire eta vitaresira.

Romanos 2:7

Ema maíjarakawakainapa, máichekuarakireyare eta naítaresiraya, ena tikuchapawanaya eta nasiapiraya eta te majaraiwa'i ema Viya, ena tepiyakana'i eta taurikene;

Romanos 5:21

Taka'e, eta pekatu, ichape eta támaparauchira'avi'i taye'e eta vépenira. Étasera eta majapanuira'avi ema Viya tiámaparaucha'avipa'iware eta vijakapakarewa'i maye'e. Tási'a, píjaraka'avinawarepa eta vítaresiraya máichekuarakireyare máichavene'i ema Viákenu Jesucristo.

Romanos 6:23

Eta tawacha eta vichira'i eta pekatu etachucha vijachapa eta ekuñaraki, emasera ema Viya mawara'a tijarakasicha'aviyare eta vitaresirayare maichekuarakirenapa taichavene eta visuapira ema Viákenu Jesucristo.

Gálatas 6:8

Te icha eta tájiparakana tawara'akeneana'i eta iáke'eana, étaichu'i tikamitiekene'a'eyare eta ítaresirana, tímikuñaka'eyarewa, té'esera icha eta táurikeneana mawara'akeneana'i ema Machanewa Viya, yátupina táurina eta ítaresira. Íma'ayarewa eta iúchukuiraya, máichekuarakirenapa eta iúrikakarewaya.

1 Timoteo 1:16

Émasera ema Viákenu Jesucristo tijapanunu'i, táitusiawa tíchu'anu'i nuti. Taicha mawara'a'i máimerekayare ichape eta majapanuiranu'i eta nuye'e. Nuwayurewakenéni'i eta nukapekaturaráiwaini'i, eta taka'e, nukaikutiarapa eta majakapirayarewa namutu ena tisuapanayare, máichekuarakirenapa eta náitaresiraya máicha.

1 Timoteo 6:12

Pétumechawachucha eta pikaemataneasira'i ema Viákenu, murakaina eta pikasiñawaira maye'e, wa'i pikuyakujiekene'awa eta pikuchapira'i eta pítaresiraya máichekuarakireyare, taicha máichu'akenevirichu'i ema Viya, wa'i pikuemepurureka eta péchejiriruwana'i te namuri ena vichamuriana, te píjarakawainapa eta pé'isirayare ema Viya.

1 Timoteo 6:19

Te yátupina naitaucha eta juka, tatiari'i eta sácheyare najakapiraya eta apanayare náima'akeneanayare te anuma, ena, tikaijarakasianainapa eta nápechirawaya títarekana, taicha ena yátupi'i eta náimikataraiwa'i eta náitaresira'i te apake'e, máichekuarakirenapa eta náurikakarewaya.

Tito 1:2

etara eta juka vikuchapakene'i taicha eta vitaresira maichekuarakirenapa. Taicha ema Viya wa'i maepiya'ira'ini.

Tito 3:7

etasera te taekenapa eta majakapira'avi'i tijaraka'avipa eta tauriwayare eta vitaresira etapa eta vijachapirayare eta vikuchi'i maichekuarakirenapa eta vitaresira.

1 Juan 1:2

Ema, matiari'i'i akane, manasikeneipa'i maye'e ema Maiya. Tiúkupaikapasera eta viye'e. Víti vímatipa eta achánekenera'i ema. Tási'a, puiti vimetaka'e eta juka víma'akene'i étapa eta visamakene'i.

1 Juan 5:20

Vítisera vécha'i eta máitesira'i eta te juka apake'e ema Machicha ema Viya, ema tímitupana'avi'i, émavene'i témesenika'avi'i maye'e ema Maiya ema yátupikene'i Viya. Máichavene ema Machicha Jesucristo, viáwa'akaipa víti ema yátupikene'i Viya, émara ema makarichukene'i yátupikene'i Viya, ema, tíjaraka'aviya eta vítaresiraya máichekuarakirenapa.

San Judas 1:21

Tauri eta ítaresira, wa'i ekuemitisikawa'ini eta táetaviuchirawa'i eta máemunasira'e'i ema Viya, tási'a ekuchapa eta jena sácheyare táepanirawaya eta vítaresira, máitawakakayare eta vítaresiraya, taicha eta majapanuira'avi'i ema Viákenu Jesucristo.