1 Juan 2:24 - Táurinakene máechejiriruwa’i ema Viya tikaijare

²⁴ Tási'a, ekapanereruyarechucha eti, eta máechejiriruwa, tamutu eta esamakeneanaipa'i te tépanawainapa eta ekasiñaira'i ema Jesucristo. Eta ekapanereruira eta júkana, iáwa'akayare ema Tata émapa ema Machicha.

Ignaciano

²⁴ Tásiha, ecapa­ne­re­ru­ya­réchucha éti eta máechaji­riruva, tamutu eta esama­que­nea­na­ripahi eta te tépana­vainapa eta ecasi­ñairahi ema Jesucristo. Eta ecapa­ne­reruira eta júcana, iávahá­cayare ema Tata Vicaiyaquene émapa ema Machicha.

1 Juan 2:24 ပူးပေါင်းရင်းမြစ်များ

San Lucas 1:2

Tamutu eta nájuekene'aira'i, taicha tamutu'i nukayasesereru naye'e ena tinekapaekene'ana'i, tíma'ana'i eta apaikape te táepanirawa'i eta máitaresira'i ema Viákenu.

San Lucas 9:44

–Esama eta juka numetaru'eya, wa'i ekuemitisika: Nuti Machichanu ema achane, járajapainapa eta sácheyare tíjararekanuyare mákani achane naye'e ena tikatianakanuana'i.

San Juan 14:23

Ema Jesús májikapapa: –Nákani témunakanuana, nasuapayare eta nuwanairipiana'i. Tási'a, ema Tata, tétavikawayare'i eta máemunasirawakaya. Tási'a, vítijapainapa viáwa'akawakayare ena.

San Juan 15:7

“Ímiyanawa yátupina eta iúrujiasiranu. Yátupinaware eta ítauchiraina eta nímiturapiana. Tási'a, te eyaseakanupuka jákani ewara'akeneana'i, nuti níjaraka'eya.

San Juan 6:56

Nákani tinikanayare eta neche, téranayarewa eta nítine, ena tiáwa'akanuanayare'i nuti. Tási'a nuti náwa'akawakayarewa ena.

San Juan 8:25

Taka'e, nayaserekapa ena: –¿Nája'avisika píti? Ema Jesús máichawarepa: –Áya'epapuka numetaka'e ¿Tajina taicha nechejirikawa eye'e?

Filipenses 4:15

Te nasi'ainapa eta te Macedonia, te nepanawainapa nukametarairu eta maechejiriruwa ema Viya, eti'i, eti ekawasana te Filipos, ekarichu'i eti ímikatakanu'i najina apanaina'ini naimikatakanu'ini.

Colosenses 3:16

Étaviucha'ini eta iúnasiraina te esamureana eta máechejiriruwana ema Cristo. Étumechakaka'ini eta ímitusirakakaya eta échemaraiwayare, ewapinawa'ini te esamureana eta ejiraira te iúrujisirawana, ejirayare eta majiria'uana ema Viya, eta e'asulupayachirayare'i ema.

Hebreo 2:1

Eta taka'e, tituparaka'e yátupina eta ekarawa'uiraya eta ímitukasikeneana'i, machu émitisika, machu étaina taviucha'e eta iuchukuiraina.

Hebreo 3:14

Taicha viti machamuri'aviana'i ema Cristo, vijakapainasarepa eta víkuchi'i maye'e ema, te vímiyanawa'i eta vikasiñairawa maye'e, vétumechirawaina eta vé'isira'i takutichu te tepanawapa.

1 Juan 1:3

Vimetaka'e taicha viwara'a iúrujikawa'ini eta viye'e. Taicha víti viúrujikawa'i maye'e ema Tata Vikaiyakene émapa ema Machicha Jesucristo.

1 Juan 1:7

Té'esera yátupina eta visuapira eta mawanairipiana, vinasi'ichu'i eta te majaraiwa'i ema Viya, takuti'i eta manasiraichu'i ema eta te majaraiwa'i. Tási'a, eta vinasiraichu'i eta te majaraiwa'i, viúritarekayare'i eta viúrujiusirakaka naye'e ena vichamuriana. Éneichuware máepachinachayare tamutu eta vipekaturana, taicha te tépenapa ema Jesucristo Machicha ema Viya, máepusaika'i eta máitine eta máepachinachira'aviyare'i.

1 Juan 2:7

Nuparapenaveana, eta juka wanairipi nijararu'ekene'i wa'i arairuina'ini: etaichu'ineni eta ejachapakene'e eti kape te taepaninewapa. Eta juka wanairipi tainapure'i etara eta maechejiriruwa ema Viya eta esamakene'i.

1 Juan 3:24

Te visuapa eta mawanairipiana, viáwa'aka'i ema, énerichuware ema tiáwa'aka'aviya, vécha'i eta matiari'ira'i ema Viya eta viye'e, máicha ema Machanewa Viya mawaneru'i ema.

1 Juan 4:13

Puiti, viti viáwa'aka'i ema Viya, éneichuware tiáwa'aka'avi'i ema, vécha'i eta máwa'asira'avi'i ema Viya, máichavene'i ema Machanewa Viya mawaneru'i eta viye'e.

1 Juan 4:15

Namutu nákani timatiana eta émaira'i ema Viákenu Jesús, eta emaira'i ema machicha ema Viya, tási'a, tímatikareana'i ena, máwa'aruana'i ema Viya, étapa eta náwa'asira'i ema.

1 Juan 4:16

Víti vécha'i eta yátupira'i máemunasira'avi'i ema Viya. Ema Viya emakene temunara'i, ema yatupikene temunara'i, timatikare'i eta mawa'asira'i ema Viya, tási'a ema Viya mawa'aka'iware ema.

2 Juan 1:2

Viti vémunaka'e taicha vikutikaka'i eta visuapira eta yátupikene máechejiriruwa ema Viya. Máichekuarakirenapa eta visuapiraya.

2 Juan 1:9

Viti visuapa'i eta máimiturapiana ema Cristo, viti viáwa'aka'i ema Tata Vikaiyakene émapa ema Machicha, wá'isera náwa'akaima'i ema Viya nákani wa'i náwara'a'ini nasuapa eta máimiturapiana ema Cristo. Tasapi'apa, náimituka'i eta naye'echirawaihu eta napanereruana.

3 Juan 1:3

Tétavikawa'i eta núrisamurewa'i, te títekapanapa ena vichamuriana, taicha timetakanuanapa eta pisuapira'i, pé'isira'i eta yátupikeneana echéjirirukawana maye'e ema Cristo.

Apocalipsis 3:11

Tiáne'ipa eta nuchaviraya. Petumechawaya eta pé'isira'i, machu pémepurureka pijakapirayare eta píkuchi'i.

Apocalipsis 3:3

Péchawayare tamutu eta pímitukasiwana'i. Te wa'i pikuetupirika eta pipanereruana, nútijapaya tíja'uchawayare eta nítekapirayare nukutiyare eta maitekapira ema tiamera'i.