1 Juan 2:19 - Táurinakene máechejiriruwa’i ema Viya tikaijare

¹⁹ Ena tikatianakana ema Cristo náuchure'i eta viye'e. Wá'isera viúmuriwaina'ini ena, taicha te viúmuriwaina'ini, nanasi'ichu'ini eta viye'e, náerajiruwaipa'isera eta viye'e. Tási'a, vímatipa eta wa'i viúmuriwaina'ini.

Ignaciano

¹⁹ Ena ticatia­nacana ema Cristo náuchurehi eta viyehe. Váhisera viúmuri­vai­nahini éna. Taicha te viúmuri­vai­nahini, nanasi­ri­chuhini eta viyehe. Náeraji­ru­vai­pa­hisera eta viyehe. Tásiha, vímatipa eta vahi viúmuri­vai­nahini.

1 Juan 2:19 ပူးပေါင်းရင်းမြစ်များ

San Mateo 24:24

Taicha titekapanaya ena tímikutichawanayare profetana, tási'a tímikutichawanayarewa ema Cristo. Naichaya eta ichapeana tiáramikareana, tási'a étapa eta ekutiarareanayare. Kamurianayaré ena nawayuaruanayare, enaipa ena manerejiruana'i ema Viya, nawayuakayarewa.

Marcos 13:22

Tási'asera titekapanaya ena tímikutichawanayare profetana, tási'a tímikutichawanayarewa ema Cristo. Naichaya eta ichapeana tiáramikareana, tási'a étapa eta ekutiarareanayare. Kamurianayaré ena nawayuaruanayare, enaipa ena manerejiruana'i ema Viya, nawayuakayarewa.

San Lucas 8:13

Natiari'iware ena apamuriana achaneana, nakuti'i eta máteji máripa'i, te nasamararaka eta echéjirirukawa, natupiruwane'i nasuapa, wá'isera nárata'a'ini yatupina'íni, wa'i nakuti'íni eta ewaraki tiúpare, ánipichu eta náe'isira'i, tínajikawanawane taicha eta natajiwaira'i.

San Juan 15:2

Ema máechuka eta má'irikere'i tatawa. Máepachiakaware eta apana tatawana eta tika'irisi, apaesa taka'ipana.

San Juan 4:14

Nákanisera téranayare eta une níjararuyare'i nuti, waipa tiápechawanaima'i timauneana. Máichekuarakirenapa eta náitaresira.

Hechos 15:24

Visamairika'i eta nayanira'i ena tiási'ana'i ani te juka, tiáwajiririka'eanapa, nawara'a'i na'apapikayare eta epanereruana, tikamesa'eana'i ítauchayare eta mawanairipiana ema Moisés eta tikutiaracha'eanayare, wá'isera viwaneruina'ini eta viye'e eta náimitusira'e'i eta juka.

Hechos 20:30

Énaipa ena vichamuriana te etaraku, natiari'iyare ena tímiturekanaya na'apapikayare témejekapawachanaya ena nákani apamuriana vichamuriana, nawarairaina'i é'ikayare eta napanereruana.

Romanos 9:6

Wá'isera étaina'ini táicha'ini eta mamaitauchira'i eta maechejiriruwa ema Viya, naye'e ena juriyuana, etachucha eta wa'i namutu'ini yatupina'ini namairiekenena'ini ena tikawasana taye'e eta awasare Israel.

1 Corintios 11:19

Páure'esami eta íputsimuriawairakaka'i. Étainapasera ekaecheraiyaya eti yátupikeneana'i machanerana'i ema Viya, énapa ena wa'i machaneranaina'ini.

2 Timoteo 2:10

Nukamicha'isera tamutu eta náichiranu'i, nuwaraira'i nasuapa'ini nákani máichu'akeneánayarepa'i ema Viákenu Jesucristo, apaesa náuchuku'a'ini ena apanawa, náitujikawa'ini nasiapa taye'e eta táurikakarekene máwasa, máichekuarakirenapa eta vikachaneraya ema.

2 Timoteo 2:19

Vitiari'isera viti vímiyanawa'i vé'ika'i ema Viya. Taicha muraka eta vikasiñawaira'i, ema tímati'avi'i eta machaneraira'avi'i. Yátupiware visuapa eta juka máechejiriruwa, ani taka'e'i: “Náinajikayare'i eta tamaurikeneana namutu ena tiámana'i eta máijare ema Nuchicha Jesucristo.”

2 Timoteo 3:9

Wá'isera timiyanawanaima'icha, taicha ena achaneana náimatiakawaneyare'i eta náepiya'iraiwana súnsurupiana'i eta, takutiyare'i eta náimatiasirawaka'i akane ena achaneana ena nani apina iápemareana tiákapaemachanaini'i ema Moiséini.

Hebreo 10:39

Vítisera wa'i wákutima'i ena tichawakuejechawana'i, énajiwaya tímitaekene'awanayare. Vítisera viti vímiyanawana'i eta vikasiñawaira me Viya, vikuchuku'ayare'i eta viáchanewana.

2 Juan 1:7

Narari'i te juka apake'e te viávi'a'i ena nawara'a'i tikaetema'eanaya, ena nani, wa'i náwara'a'ini náimikaecheracha'ini eta máuchusira'i yátupikenera'i achane ema Jesucristo. Ena nani, tiwayuara'iana'i, tikatianakana'iware ema Cristo emapa ema anticristo.

San Judas 1:1

Nuti Judas mawanara ema Jesucristo, maparapenuware ema Santiago, néchejika'ewaka emutu eti maichu'akene'i maemunaruana ema Tata Viya, taicha tetavikawa'i eta majaneasira'e'i ema Jesucristo.

San Judas 1:19

Ena'i ena nakana ena tiviuchana'i eta nawaraira'i náiputsikawaka ena vichamuriana; étachucha natanuka'i eta najamuraraiwana, taicha wa'i mawa'aka'ini eta machanewa ema Viya.