1 Juan 2:18 - Táurinakene máechejiriruwa’i ema Viya tikaijare

¹⁸ Nuchichanavechichana, puiti tiáne'inapa eta táichekuiraya, títawainapa tamutu. Vimetaka'eipa eta máitesirayare ema anticristo, puítipa narari'ipa ena anticristuana. Eta taka'e véchainapa eta tiáne'inapa eta táichekuiraya tamutu.

Ignaciano

¹⁸ Nuchicha­naveana, puiti tiánehinapa eta táichecuiraya, títavainapa tamutu. Vimeta­ca­heripa eta máitesi­rayare ema maca achane ticaijare Ánticristo, ema ticatia­na­cayare ema Viáquenu. Puítiripa nararihipa ena ticatia­na­canahi ema Cristo, navarahaipa máitecavane ema Ánticristo. Tásiha, véchainapa eta tiánehinapa eta táichecuiraya tamutu.

1 Juan 2:18 ပူးပေါင်းရင်းမြစ်များ

San Mateo 24:11

Natiari'inawarepa nákani tépiyakawanayare profetana, tási'a kamurianayare ena achaneana nawayuaruanayare.

San Mateo 24:24

Taicha titekapanaya ena tímikutichawanayare profetana, tási'a tímikutichawanayarewa ema Cristo. Naichaya eta ichapeana tiáramikareana, tási'a étapa eta ekutiarareanayare. Kamurianayaré ena nawayuaruanayare, enaipa ena manerejiruana'i ema Viya, nawayuakayarewa.

San Mateo 24:5

Taicha nárajapayare ena tépiyakawanayarepa'i tímiwasichawana nuye'e. Naka'enapa: ‘Nútipa ema Cristo’, nasapi'a nawayuakayare ena kamuriana achaneana.

Marcos 13:6

Taicha nárajapayare ena tépiyakawanayarepa'i tímiwasichawana nuye'e. Naka'enapa: ‘Nútipa ema Cristo’, nasapi'a nawayuakayare ena kamuriana achaneana.

San Juan 21:5

Ema Jesús mayaserekawakapa: –Nuchichanaveana ¿Tájinaicha'a íturewaina eta jima? Ena najikapapa: –Tájinaicha'a.

Romanos 13:11

Eta taka'eyare eta ítaresirayare. Waipa véjekaracha eta sácheana. Wa'i vímakakarakawaima'i. Vitsekawayare'isera taicha viáne'ipaicha eta jena sácheyare eta máitekapiraya ema vé'iru'i.

Romanos 13:12

Eta vikuchapiraipa eta machavirayare ema Viákenu, takuti'i te vikuchapaipa te jena yati eta tijarara'i. Puiti víma'apa eta tajara'ikene. Tási'a, ínajikapa eta íchakeneanaini te timapiku. Puiti tiápajukawasera eta iúriwana, étapa eta íchakeneanaina te tijara'i.

Hebreo 1:2

Puítisera viti vítareruana'i puiti juka añuana, ema Viya mawaneka'i ema Machicha eta viye'e, títametaka'aviya eta mapanereruana. Ema maka Jesucristo, machicha'i ema Viya. Akane éma'i tépiyaka'i eta apake'e, eta anuma, étapa eta víma'akeneana'i puiti.

1 Pedro 1:20

Akane te tépanawainapa eta apake'e ema Viákenu Jesucristo tikatupara'aipa taka'eyare'i eta máepeniraya. Wá'isera táitauchawawane'ini. Tapaenumawapa puiti, títauchawa'i étavenepa eta iúchukuirayare'i eti.

1 Pedro 1:5

Puítisera, tétavikawa'i eta máitupajijiasirawa'i ema Viya eta majaneasira'e'i, táichavene'i eta ekasiñawaira'i maye'e. Taicha mawara'a tikuchuku'a'eyare te jena sache táepanirawayare eta viúritaresiraya.

1 Pedro 4:7

Tiáne'ipa eta táitavirayare tamutu eta juka. Eta taka'e, ekaratakawa eta epanereruana apaesa táuriwaina eta eyujarasiranaya.

2 Pedro 2:1

Akane natiari'i'i ena tépiya'ira'iana tímijachawana'i profetana te namuri ena náchukanaveanaini israelítana. Natiari'iyarewa ena tépiya'ira'ianaya, tépiyakawanaya pastoreana eye'e, ena típichasika'eanayare, témejekapawacha'eanaya, apanaya eta náimiturapiana, wa'i émaima'i náechejisi'a ema Viákenu, énajiwa'i tíchawana'i natanuka'i eta náikuñayare, táija'uchirawayare'i eta náemitiekene'airayare.

2 Pedro 3:3

Tínapukayare nuwara'a némecha'eyare eta juka: Te jena sache táne'ipa eta táitavirayare, tímerekawainapa ena achaneana tikaeka'ira'iana taye'e eta juka yátupikeneana vikuchapakeneana'i víti, eta náitaresira'i ena, apanachucha eta ti'apapirikawaka'i eta náichira'i eta tamaurikeneana najamurachakeneana'i

1 Juan 2:22

¿Naja'asika ema tepuya'ira'i? Emara ema tika'e, ema Jesús wa'i émaina'ini ema Viakenu Jesucristo. Je'ewarepa puiti emapa ema anticristo, taicha wa'i masuapa'ini ema Tata Viya, émapa ema Machicha ema Viya.

1 Juan 4:1

Némunakasareana nuparapenaveana, ekuneuchawa naye'e ena tépiyakawana tikametarairuana. Taicha puiti narari'i ena, wa'i mawaneruanaina ema Viya, wá'iware máwa'aruanaina ema Machanewa Viya, tási'a, te náitekapaucha'epuka ena náwara'a tímituka'eana, eti eyaseresinawaya te yátupipuka wanairukana me Viya, esamayare te étaichupuka eta vímiturapiana'i víti.

1 Juan 4:3

Énasera ena apamuriana, te náñaucha'ipuka eta yátupira'i achane ema Jesucristo, wa'i mawaneruanaina ema Viya. Enapa tikaye'eana ema machanewa ema anticristo, taicha eti echaipa eta maitesirayare. Tiuri, puítiichu narari'ipa ani viye'e.

2 Juan 1:7

Narari'i te juka apake'e te viávi'a'i ena nawara'a'i tikaetema'eanaya, ena nani, wa'i náwara'a'ini náimikaecheracha'ini eta máuchusira'i yátupikenera'i achane ema Jesucristo. Ena nani, tiwayuara'iana'i, tikatianakana'iware ema Cristo emapa ema anticristo.

San Judas 1:18

naicha'ineni: “Eta taitekapiraya eta juka añuana, natiari'inapa ena achaneana, kaeka'ira'ianaya eta naitaresiraya napanerechaya eta nae'isiraya eta tamaurikeneana.”