1 Juan 2:14 - Táurinakene máechejiriruwa’i ema Viya tikaijare

¹⁴ Eti átinaveana, éneichuware nímiajureka'e'i taicha tanasi'ichu iúnaka'i te esamureana eta máechajiriruwa ema Tata. Nímiajureka'e'i eti naiyanaveana taichavene eta ímatiraipa ema mainapure'i te taepaninewa'i eta juka apake'e. Étipa amaperuana nímiajureka'eware taichavene eta étumechirawa'i ejakapira'i eta máechejiriruwa ema Viya, eta te esamureana tási'a étapa eta ekapakechira ena ereanana.

1 Juan 2:14 ပူးပေါင်းရင်းမြစ်များ

San Juan 15:7

“Ímiyanawa yátupina eta iúrujiasiranu. Yátupinaware eta ítauchiraina eta nímiturapiana. Tási'a, te eyaseakanupuka jákani ewara'akeneana'i, nuti níjaraka'eya.

San Juan 5:38

eti wa'i esuapanu'ini nuti mawaneru'i ema. Eta tímereucha'e'i eta wá'iware iúnaka'ini eta máechejiriruwana te esamureana.

San Juan 8:31

Taka'e, ema Jesús máichawakapa ena tisuapanaipa'i: –Te ímiyanawa ekaratakawa eta esuapira'i eta nímiturapiana, eti yátupikene'e nímiture'e'i;

San Juan 8:37

Nécha'iware nuti eta mámariekene'era'i ema iáchukaini Abraham. Epanerechaichuchasera ekapakanu, taicha ekaticha'i eta nímiturapiana'i.

Efesios 6:10

Puiti nutuparaka'eware, nuparapenaveana, ekasiñawa yátupina maye'e ema Viákenu apaesa máijaraka'e ema eta matumewa étapa eta máitupajijiasirawa.

Filipenses 4:13

Nurata'a'i nukamicha tamutu, taicha ema Cristo ema tétumechanu'i.

Colosenses 1:11

Énerichuware viyaseaka'i ema Viya máijaraka'eni eta ichapekene máitupajijiasirawa apaesa ekamicha'ini tamutu eta ekatajiwairana, apaesa ekamicha'ini muraka, iúrisamurereakawachuchaini

Colosenses 3:16

Étaviucha'ini eta iúnasiraina te esamureana eta máechejiriruwana ema Cristo. Étumechakaka'ini eta ímitusirakakaya eta échemaraiwayare, ewapinawa'ini te esamureana eta ejiraira te iúrujisirawana, ejirayare eta majiria'uana ema Viya, eta e'asulupayachirayare'i ema.

2 Timoteo 2:1

Pítisera némunarukene nuchicha Timoteo, nuwara'a yátupina máetumechavini ema Viákenu Jesucristo.

Hebreo 8:10

Eta nukaejasiraya eta nechejiriruwa naye'e ena israelítana te jena sácheyare, etayare eta juka, maka'epa ema Viya: nunakachutichayare te nachutiana eta nuwanairipiana najirikainapa te nasamureana. Je'ewarenapa nuti nakaiyakeneyare tási'a ena, je'ewarenapa nuchichanavekeneanainapa.

1 Juan 1:1

Vímiajureka'e eta eye'e. Viwara'a vimetaka'e eti, eta véchakene'i maye'e ema Jesucristo, ema tíjaraka'avi eta echéjirirukawa tikaitarekara'i. Ema, matiari'i'i akane te tépanawapa tamutu. Taka'e, tiúkupaika'i, tímerekawa'i eta viye'e. Visamapa eta máechejiriruwa. Kamuri eta sácheana eta vímararasira'i ema te viúki'a. Vémama'aka'i te viwa'u.

1 Juan 1:10

Té'esera vika'e'ipuka tájina vipekaturaina, vépiyaekene'a'i ema Viya, vímikutijirikapa ema maepiya'ira'ini, wa'i tátupiruwa'isni eta vijachapiraina'ini eta máechejiriruwa.

1 Juan 2:13

Nukajure'e eti naiyanaveana, taicha eti imatipa'i ema mainapure'i te taepaninewapa eta juka apake'e etipa eti amaperuana, nimiajureka'e taichavene eta erata'aira'i ekanara ena ereanana, emapa ema wínaraji.

2 Juan 1:2

Viti vémunaka'e taicha vikutikaka'i eta visuapira eta yátupikene máechejiriruwa ema Viya. Máichekuarakirenapa eta visuapiraya.

3 Juan 1:3

Tétavikawa'i eta núrisamurewa'i, te títekapanapa ena vichamuriana, taicha timetakanuanapa eta pisuapira'i, pé'isira'i eta yátupikeneana echéjirirukawana maye'e ema Cristo.

Apocalipsis 2:3

Nímati'e eta ekamichira'i tamutu eta iátajiwana'i táichavene'i eta ekaemataneasiranu'i. Wa'i eyakuji'ini.

Apocalipsis 2:7

¡Ema Machanewa Viya tímituka'eyare eta juka mametarapiana eti nuchanerana'i! Emutu eti ekamichana'i, ímiyanawa'i eta é'isiranu'i, nukasiapa'eyare te paraíso íkumuna'i me Tata. Nénika'eyare eta ta'i, eta yukuki tiama'i eta táurikakarewayare eta ítaresira.