1 Juan 2:10 - Táurinakene máechejiriruwa’i ema Viya tikaijare

¹⁰ Nákanisera náemunaka'i ena naparapenaveana, nanasi'ichu'i navi'a'i te majaraiwa ema Viya, tási'a, tiúri'i eta napaisira'i, najina taimiakipaika'ini.

Ignaciano

¹⁰ Nácanisera náemunacahi ena nachamuriana, nanasi­richuhi te majaraiva ema Viya. Tásiha, tiúrihi eta napaisirahi, apaesa vahi náejeca­pa­vahini.

1 Juan 2:10 ပူးပေါင်းရင်းမြစ်များ

San Mateo 13:21

wá'isera nárata'a'ini yátupina'íni, wa'i nakuti'íni eta ewaraki tiúpare, ánipichu eta náe'isira'i, wá'iware túmesamureanaina'ini eta nakatichaira ena achaneana.

San Mateo 18:7

¡Yátupi wa'i téjiakawaima'i eta tímiakipaikaya ena achaneana taye'e eta pekatu! ¡Ichapepanayasera eta náikuñayare nákani achaneana tikatapirawana'i eta náimiakipaisira'i ena achaneana taye'e eta pekatu!

San Juan 11:9

Ema Jesús máechejisi'a'i eta mawanekasiwa'i máichawakapa: –Wa'i táeñamawakare'ini, yátupi eta sache tikaye'e duce ura, te vipaika te sachemu'u, wa'i vikáyutetuima'i taicha vímairirika'i taye'e eta tijara'i;

San Juan 12:35

Ema Jesús máichawakapa: –Ekamapurawa esamararakanu mapurare nutiari'icha'a eta eye'e, numikaucha'echa'a taicha ánipine eta juka ímairanuyare, apaesa wa'i ekukayutete taye'e eta timapiku.

San Juan 8:31

Taka'e, ema Jesús máichawakapa ena tisuapanaipa'i: –Te ímiyanawa ekaratakawa eta esuapira'i eta nímiturapiana, eti yátupikene'e nímiture'e'i;

Romanos 14:13

Eta taka'e waipa vipanararauchakakaima'i. Waipa vikukicha, machu ímiakipaikawaka ena echamuriana eta nakasiñawaira'i maye'e ema Viya.

Filipenses 1:10

taicha nuwara'a tápajukawa'ini eta iúriwaina eta ítaresirana, tájina téchipejika'ema'i. Matapiraware'eyare, tiúriyarepa eta machimapira'eyare te machawa ema Jesucristo;

2 Pedro 1:10

Étisera, eti nuparapenaveana, nuwara'a échawa'ini eta máichuira'e'i ema Viya, manerejisira'e'i, epamikawa'ini eta ímeresira'i yátupi eta machicha'era'i, eta ímiyanirawa'i eta ekarawa'uira eta juka néchejisi'akeneana'i, jé'esare, tájinapa tímiakipaika'ema'i.

1 Juan 2:11

Énasera ena nákani nakaticha'i ena naparapenaveana, nanasi'ichu'i ena te timapiku, wa'i náecha'ini eta napaisirayare eta náitaresira, taicha eta timapiku wa'i táisapa'ini náimairirika'ini.

1 Juan 3:14

Víti vécha'i, te táekeneraya eta vépeniraya. Vikaiju'enapa eta vítaresiraya máichekuarakireya. Vécha'i eta juka, táichavene'i eta vémunasira'i ena vichamuriana. Énasera ena wa'i náemunaka'ini ena nachamuriana, nanasi'ichu. Wa'i tiúchuku'anaima'i eta náepenira.