1 Corintios 9:5 - Táurinakene máechejiriruwa’i ema Viya tikaijare

⁵ tási'a éneichuware tituparaka'e'i ítati'iwareni te sutiari'ina'ini esu esena nuyenaina'ini, súkani nukutikene'i tisuapajira'i, tákuti'ini eta ítatirawaka'i ena esenana nayenana'i ena apamuriana apústuleana, émaipa ema Pedro, énapa ena maparapenaveana'i ema Viákenu.

Ignaciano

⁵ Éneri­chuvare titupa­ra­cahehi ítáti­hi­varéni te sutiari­hi­nahini esu esena nuyenai­nahini, súcani nucuti­quenehi tisuapa­jirahi. Tácutihini eta ítáti­ra­vacahi ena esenana nayenanahi ena apamuriana apóstoleana, émaripa ema Pedro, énapa ena mapara­pe­na­veanahi ema Viáquenu.

1 Corintios 9:5 ပူးပေါင်းရင်းမြစ်များ

San Mateo 13:55

¿Wa'i émaina ema maka machicha ema José, ema carpintero, vímatiware esu maena María? ¿Wa'i émaina ema maparape ema Santiago, ema José, ema Simón, émapa ema Judas,

San Mateo 8:14

Ema Jesús tiyanawarepa te mapena ema Pedro, machimapaine'i esu máimase ema Pedro, tiveka'i te suachawara'i, tikajuma'i eta muraka fiebre.

Marcos 1:30

Esu máimase ema Simón tiveka'i te suachawara'i, tikajuma'i eta muraka fiebre. Nametakapa ema Jesús,

Marcos 6:3

¿Wa'i émaina ema maka, ema carpintero suchicha esu María, maparape ema Santiago, ema José, ema Judas émapa ema Simón? ¿Tási'a wa'i ánina navi'a ena esenana maparapenaveana, tikawasana'i eta ani viye'e? Tási'a wa'i nasuapa'i ema.

San Lucas 6:15

ema Mateo, ema Tomás, émapa Santiago, machicha ema Alfeo, émapa ema apanaware Simón, ema naimijarechakene'i, celote,

San Lucas 8:20

Natiari'i'i ena timetapanana'i ema Jesús: –Esu pena, énapa ena piparapenaveana narari'i ani te aneka, nawara'a'i tíma'aviana.

San Juan 1:42

Taka'e, ema Andrés mámapa ema Simón te mávi'a'i ema Jesús, te máima'apa ema Jesús máichapa: –Piti Simón, machicha ema Juan, nútisera nítsiwachaya eta píjare, níjarechaviya Cefas eta (taechejiriruwa: Pedro).

San Juan 2:12

Te táekenepa eta juka, viyanawarepa te apana awasare tikaijare Cafarnaúm. Namutupaipa, esu maena, ena maparapenaveana, enapa ena máimitureana. Nanasipa jákani sácheana eta ánaki. Napaenumawapa tiyanana te Jerusalén.

Hechos 1:14

Namutu ena maparapenaveana ema Jesús, ésupa esu maena María, énapa ena apamuriana esenana tiurujikawana'i tamutu sacheana eta nayujarasira'i.

Romanos 16:1

Nutuparaka'e emutu échapajirisinanu eta suítekapauchira'eyare esu apana vichamuri Febe. Taicha esu, tétavikawa'i eta suítatirawaka'i ena vichamuriana te awasare Cencreas.

1 Corintios 1:12

Nuwara'a nimikaecheracha'e, natiari'ira'i eye'e eti ena tika'eana: “Víti viúripana'i viti vé'ikana'i ema Pablo”, ena apamuriana éneichuware naka'e'i: “Vítira viúripana'i viti vé'ikana'i ema Apolo”; ena apamuriana éneichuwareji naka'e'i: “Jé'ewaresera víti viúripana'i viti vé'ikana'i ema Cefas”, ena apamurianaware naka'ewa: “Vítira viápajupanawa'i viúripana'i viti vé'ikana'i ema Cristo.”

1 Corintios 7:15

Té'esera mákani wicha'a vichamurina suíma'i esu vichamuri'i mawara'apuka máinajika esu mayena, suísapaine máinajika. Ema Viya wa'i makawanairipi eta suíchejirika'ini ema, mayanaine. Taicha ema Viya mawara'a'i tauri eta vipanereruana. Éneichuware súkani esena wicha'a vichamurina'i mayena'i mákani vichamuri, te suwara'apuka suínajika ema suima, éneichuware máisapaineware suyana.

1 Corintios 7:39

Esu esena tikaima tatuparaka'i suítauchayare eta suíjarasirawa'i tikaima. Tiámainukawa te táitekapapa eta máitaviraya ema suima, tiúchuku'apa esu. Ésupa téchinawa eta suítaresirayare. Tísapakarepa eta suápechawa sukaima. Takamunu'isera mákani vikutikene'i tisuapajira'i me Viya.

1 Corintios 7:7

Nuwara'a'inéni ákutinu'ini nuti eta mayénarenuira'i. Víjarakasipachusera me Viya eta vítaresiraya. Narari'i ena ajairana máyenareana eta náitaresira. Narari'iware ena esenana máimaruana eta náitaresira. Narari'iware ena apamuriana máijararuichu ema Viya tikaimana.

1 Corintios 7:8

Énaipa ena nákara máyenareanacha'a, énapa ena máimaruanacha'a, énapa ena tépenaimana, tiúripana nánasi'ini máimaruanaina'ini; nákutinu'ini nuti.

Gálatas 1:19

Émapa ema Santiago, maparape ema Viákenu, ema níma'akene'iware, énasera ena apamuriana apústuleana, nájina níma'awaka'ini.

1 Timoteo 3:2

Takamunu'isera mákani tikawakureya, tájina matapirawainaya eta máitaresira'i, takuija nakuyunaka ena achaneana. Mákani ésunaichu'i esu mayena, mákani tikapika'u'i. Mákani tijaneakawa'i eta máitaresira, mákani achanesamure tijakapara'i naye'e nákani tichimarachanaya. Mákani máituka tímitureka;

1 Timoteo 4:3

Ena nani achaneana nayurukainapaipa ena vichamuriana eta wa'i nakutanuka esu nayenaina wa'iware nakunika eta tajiparakana tinikakareana eta maepiyaru'i ema Viya, ema maepiyaka'i tamutu apaesa ena machanerana ema Viakenu enapa ena timatiana eta yátupikenana nanikayare'i, na'asulupayachayare'i ema Viya.

1 Timoteo 5:2

Éneichuware ena vénara'ana ichavikapanana'i piye'e, te náejekapawapuka, pechejirikawaka tauri tákuti eta péchejisira esu tikachichavi. Énapa ena amaperuana esenana, pechejirikawaka tauri tákuti eta péchejisira ena pichukikeneana. Tátupiruwa eta péchejirisirawakaina ena.

Tito 1:6

Emasera ema tikawakureyare naye'e ena vichamuriana nakamunuyare nakuija matapirawaina te maitaresira. Mákani, ésunarichu'i esu mayena. Tisuapajira'iana'iware ena machichanaveana, apaesa nakuija nakuechejisi'a eta namasuapajiraiwaina.

Hebreo 13:4

Ámutu epikauchakaka eti ekaparapekenepa, eti esenana, étipa eti ajairana. Taicha máima'a tiuri ema Viya eta eve'akakaira'i. Taicha ema Viya máikuñakayare'i nákani tive'akakana'i wa'i nakuchapa'ini náitauchawa'ini, énapa ena tikayepekakana'i.