1 Corintios 9:12 - Táurinakene máechejiriruwa’i ema Viya tikaijare

¹² Ena apamuriana tikasiñawana'i eta eye'e. Tási'a eti, tiúri'i eta ítatira'i. Vivetijipa víti vítatikare'i. Wa'isera wáwara'a'ini vikasiñawa'ini víti eta eye'e, viyaseaka'e'ini eta ítatira'avina'ini. Vikamicha'i tamutu, vimawaraira'i tatiari'ina'ini jákani apanaina'ini ta'apapirika'ini eta esamirayare'i eta máechejiriruwa ema Cristo.

Ignaciano

¹² Ena apamuriana ticasi­ña­vanahi eta eyehe. Tásiha éti, tiúrihi eta ítátirahi. Vivetijipa víti vítáti­carehi eta eyehe. Váhisera vávara­hahini vicasi­ña­vahini víti eta eyehe, viyasea­ca­hehini eta ítáti­ra­ha­vi­nahini. Vicamichahi tamutu, vimava­rairahi tatiari­hi­nahini jácani apanai­nahini tahapa­pi­ri­cahini eta esami­ra­yarehi eta máechaji­riruva ema Cristo.

1 Corintios 9:12 ပူးပေါင်းရင်းမြစ်များ

San Lucas 11:52

“¡Páure'esami eti, escriwánuana!, tamapurujipa eta ímatiekene'aira'i. Étina'ipukaini ítujikawa'ini esiapa'ini, wa'iware isapa'ini nasiapa'ini nákani tiwara'ana'i tichana.”

Hechos 18:3

tási'a énapa máwayechawaka'i, tikutikakana'i eta náematanerepiana tálabarteroana, tímikatakakanapa eta nakaematanera'i.

Romanos 15:22

Takaimamaru'i eta juka, wa'i nitujikawa'ini nima'apana'e'ini, ichapemuri'i eta nuwaraira'i nima'a'e, puitisera nétumechawainapa.

1 Corintios 13:7

Te yátupi'i vémunara'i, vikamichayare tamutu, enewane visuapayare tamutu, vikuchapa tamutu, wa'i víja'uchawaima'i vínajikawa.

1 Corintios 6:7

Wa'i táurika'ini ícha'ini eta juka, étijikaka'ini eta echamurikaka'i ewara'apa ejararekaka. ¿Wa'ipuka tiuripana ekamicha eta naichira'e ekatajiwaira naicha ena? ¿Tayanapaneine nameyecha'e naimikatajiwacha'e?

1 Corintios 9:14

Ene taka'e'i eta mawanairipi'i ema Viákenu eta viye'e viti vikametarairuana'i eta tapachinakene máechejiriruwa, tituparaka'avi'i vijakapayare'i eta vinikakene taicha eta vikametarairuira'i.

1 Corintios 9:15

Nútisera tájina nímatiya'ini nuyaseaka'e'ini eta ítatiranuina'ini. Étaipa puiti te juka najureana'i, wá'iware nuyaseaka'e íjarakanu'ini, nukamicha'i tamutu. ¡Tiúripanapukaini népenawane'ini, machu tachimarakanukaru táitawa eta juka núrisamurewa'i nuti tamajinaira'i nuyaseaka'e'ini!

1 Corintios 9:16

Nuti wa'i étaparakaina nukasiñawa'ini eta nukametarairuira'i. Nutupara'aichu'i eta juka. ¡Páurechichanusami te némuna'akawa nínajika eta juka nukametarairuira'i!

1 Corintios 9:18

Ichapesera eta nuwaraira'i eta nukametarairu, tamajinaira'iware nuyaseaka'e'ini eye'e eti. Wa'i nupamika'e'ini eta ítatiranuina'ini táichavenena'ini eta nukatupara'aira'i eta apústulenuira'i.

1 Corintios 9:2

Tayanapane wa'i nakusuapanu eta apústulenuira'i ena apamuriana, étisera esuapanuyare'i, taicha etiari'i eti nímitureana'i, étira ímereuchanu'i eta yátupira'i apústulenuira'i maye'e ema Viákenu.

2 Corintios 11:12

Énesera nuka'eyare, wá'ikene nuyaseaka'ema'i. Nímiyanawaya eta nujaneasirawa, apaesa takuija naviya eta taviuchanu naye'e ena tímijachawana'i tímitura'iana. Taicha nawara'a'i tikunachakareanayare'i, tímikutichawanayare'i eta nukunachakarewa'i nuti;

2 Corintios 11:20

ekamicha'iware tamutu eta napamisira'e ítaucha eta tivitakareana wanairipiana. Tiverejika'eana'i eta ekaye'ekeneana. Tasapi'apa eti ekamicha'i tamutu eta juka.

2 Corintios 2:12

Nuti te nítekapapa te awasare Tróde, nepanawainapa eta nukametarairuyare'i eta Arairu maechejiriruwa ema Cristo, enewanesera tijachapanuana'i eta nukaemataneasirayare'i ema Tata.

2 Corintios 6:3

Nuti nuwara'a nakuija nakaeka'ini eta vématanerepi viti. Eta taka'e, nupamikawa'i nuti tiúriyare eta nuye'erepiana.