1 Corintios 9:1 - Táurinakene máechejiriruwa’i ema Viya tikaijare

¹ Nuti, nájina nákenuina'ini te juka apake'e, yátupi apústulenu'i maye'enu'i ema Viákenu Jesucristo. Nukutinasiwaka'i eta náwakure'i naye'e ena apamuriana apústuleana, taicha níma'akene'i ema Viákenu Jesús, tási'a etipa etupiruwa'i esuapanu eta nímitusira'e'i, eta tímereuchanu'i eta táuriwa'i eta nukaemataneasira'i ema Viákenu.

Ignaciano

¹ Núti, nájina náquenui­nahini te juca apaquehe. Yátupi apóstolenuhi mayehenuhi ema Viáquenu Jesucristo. Nucuti­na­si­vacahi eta návacurehi nayehe ena apamuriana apóstoleana taicha nímaha­quenehi ema Viáquenu Jesús. Étiripa, etupi­ruvahi esuapanu eta nímitu­si­rahehi. Éta tímereu­chanuhi eta táurivahi eta nucaema­ta­nea­sirahi ema Viáquenu.

1 Corintios 9:1 ပူးပေါင်းရင်းမြစ်များ

Hechos 13:2

eta jena sache, tiyujarakana'i, maye'e ema Viya, náicha'iware eta ayuna. Taka'e, máechejikawakapa ema Machanewa ema Viya. Máichapa: “Ema Bernabé émapa ema Saulo, natupara'aichu'i tikametarairuanaya taicha nunerejiruana'i ena.”

Hechos 14:14

Étasera te nasamairikapa ena apústuleana eta náichirayare'i, ichape eta náeñamirawa. Tiúchukanapa, nasiapamuri'apa ena achaneana, tipiarakanapaipa:

Hechos 14:4

Tási'a, típutsimuri'awanapa ena achaneana tikawasana'i taye'e, ena apamuriana náe'ikapa ena israelítana masuapajiraira'ana, ena apamuriana náe'ikapa ena apústuleana.

Hechos 23:11

Tási'a, te jena yátikene'i máechejikapa ema Viya ema Pablo, máichapa: “Túmevinachucha, Pablo. Taicha tiúri'i eta péchejisi'aira'i eta níjare te juka Jerusalén. Puiti piyanayare eta te Roma, éneyareichu taka'eyare eta péchejisiraya.”

Hechos 9:15

Émasera ema Jesús máichapa: “Piyanachucha, taicha ema maka achane, nunerejiruichu'i, nuwanarayare'i ema, nuwanekayare makametarairu eta níjare naye'e ena achaneana apawasana te apanana awasareana étapa eta naye'e ena vijaneanana israelítana. Étapa naye'e ena ichapekeneana akenukana reyeana.

Hechos 9:17

Taka'e, masuapa'i ema Ananías, tiyanapa taye'e eta peti mávi'a'i ema Saulo. Tisiapapa, máechejikapa, manakapa eta mawa'u te mápusi, tási'a máichapa: –Nuparape Saulo, ema Viákenu Jesús tímerekawa'i eta piye'e te achene te pítekainapa, ema tiwanekanu'i níteka eta piye'e, mawara'a'i tichawayare eta pímairisira, mawara'aware tiáwa'akaviya ema Machanewa Viya.

Hechos 9:3

Taka'e, te tiáne'ipa títekapa te awasare Damasco, tiáramikarepa eta majaraiwa ema Viya tiási'a te anuma, tamikauchapa ema.

Hechos 9:5

Ema Saulo, mayaserekapa: “¿Nája'avi piti Tata?” Majikapapa: “Nuti Jesús, nuti pikatianaru'i, eta pipanajirisirawaka ena té'ikanuana'i.

Romanos 1:1

Nuti Pablo, mawanaranu'i ema Viákenu Jesucristo, manerejirunu'iware eta maye'enuyare'i apústule, tituparakanu'i eta nukametarairuirayare eta mapanerechira'i ema Viya eta mawaraira'i makuchuku'aya namutu ena tikasiñawanaya maye'e ema Machicha.

Romanos 1:5

Puiti ema Viákenu Jesucristo tijapanunu'i eta matuparasiranu'i eta nuyaniraya nupaikaya te tamutu awasareana, nukametarairuyare'i eta najakapakarewayare'i me Viya namutu ena tisuapanayare ema.

Romanos 11:13

Németeaka ímatinu'i nuti eta nukatupara'airapa eta nímitusira'eyare eti apawasana. Táitusiawa puiti tétavikawa'i eta nukunachirawa'i eta nukaemataneasira'e'i.

1 Corintios 1:1

Nuti Pablo, maye'enu'i apústule ema Jesucristo, níchuarekasiwaichu'i maye'e, manerejirunuichu'i ema Tata Vikaiyakene, mawaraira'i nímitukaya eta náechejiriruwana ema. Puiti nukajure'e nuti émapa ema vichamuri Sóstenes,

1 Corintios 10:29

Eti, émitisikapuka eta epikauchira'i eta nasiñarajiana. Émasera ema echamuri, wicha'a máemitisika'ini. Tási'a, nuwara'a takuija ta'apapika'ini eta mapanereruana icha eti.

1 Corintios 10:30

Te nuti nu'asulupayacha ema Viya eta nunikakeneana'i, ¿taja'asika takayema eta tipanararauchanuanayare eta nunisira'i?

1 Corintios 11:16

Te natiari'inapuka nákani wa'i nawara'a nasama eta juka nímiturapi'i, takamunu'i napanerechinawayare tatiwaina. Tájina vímatiya'ini eta apaye'erepi. Énaipa namutu ena vichamuriana, tájina apanaina naye'erepina'ini.

1 Corintios 3:6

Yátupi nuti nínapuka'i nímisama'e'i eta máechejiriruwa ema Viya, te nékenepa, títekapaucha'epa ema Apolo, émapa timituka'e'i tamutu. Émasera ema Viya, ema tikajurusina'e'i eta esuapirayare'i yatupi ema Cristo.

1 Corintios 9:19

Nájina'ineni te juka apake'e napamikanu'ini eta nukaemataneasiraina'ini. Nútisera níjarakawa'i nítauchayare'i tamutu eta nukamunukarewa'i naye'e ena achaneana, apaesa étaina'ipukaini níturusi'awaka'ini ena nasimutuwakeneana, machaneranaina'ini ema Cristo.

2 Corintios 10:7

Eti ímijachaipapuka tájinakenenu'i nítupajijiasirawaina'ini, eta ímairanu'i. Németeakaware natiari'i ena tikunachawana'i machanerana'i ema Cristo. Nuwara'asera náimatinu'ini eta machanerairanu'i nuti apanawa.

2 Corintios 11:5

Nuti németeaka wa'i tikachurikanuanaima'i eta nukametarairuira, ena tímijachawana'i apústulekeneana tikametarairura'iana'i náichawa.

2 Corintios 6:1

Tási'a, viti mawanara'avi'i ema Viya, viyaseaka'eyare ímiyanawa tauri eta é'isira'i ema. Wa'i ekuemepurureka eta máemunasira'e'i, majakapira'e'iware.

Gálatas 1:1

Nuti Pablo, yátupikenenu'i maye'enu apústule ema Jesucristo taicha manerejirunu'i, ema Tata Vikaiyakene tikuti'i eta mapanereru'i ema Machicha eta máichuiranu'i, puíticha émakene'i ema Jesucristo tinakanu'i, émaparakichu'i ema Tata Viya tikaechepuka'i te maekari ema Jesús.

Gálatas 5:1

Puiti nuwara'a yátupina ákaikutiara eta makatiuchira'e'i ema Cristo. Eta waipa étaparakainayare ítaucha eta wanairipiana, étumechawapa, wáipaware ekuisapawa ákuti ena musuana taichavenena eta wanairipi.

1 Tesalonicenses 2:6

Wa'i vipanerecha'ini náetserajika'avi'ini ena achaneana, éti'ipa, virata'a'ineni vímereka eta vitupara'akene'i maye'e ema Viákenu Jesucristo, wá'isera wáwara'a'ini vímerekawa wakuti'ini mákani achane tikamusura.

1 Timoteo 2:7

Eta taka'e'i, manerejirunuichu'i maye'enu'i apústule, nukametarairuyare tamutu awasareana, nímitukayare'i ena apawasana eta nasuapiraina ena eta yátupikeneana máechejiriruwana ema Viya, nutupiruwa'i nuti eta juka néchejisira'i, wa'i népiya'ira'iwaina'i.

2 Timoteo 1:11

Ema Viya tituparakanu'i nukametarairuyare eta juka Arairu maechejiriruwa. Ema tinakanu'i apústulenu'i, nímitukayare'i ena apawasana.