1 Corintios 8:9 - Táurinakene máechejiriruwa’i ema Viya tikaijare

⁹ Eta taka'e, ekuneuchawa yátupina, machu émejekapawacha ena apamuriana vichamuriana wicha'a náimatiekene'a'ini eta júkana.

Ignaciano

⁹ Eta tacahe, ecauneuchava yátupina machu émeje­ca­pavacha ena apamuriana vichamuriana vuíchaha náimatie­que­ne­hahini eta júcana.

1 Corintios 8:9 ပူးပေါင်းရင်းမြစ်များ

San Mateo 18:10

“Wa'i ekuepuru ena amaperuana. Numetaka'ewane: Narari'i ena ángeleana tijaneakawaka'i, ena tikapika'uana'i te mamira'u ema Viya.

Romanos 15:1

Taka'e, viti vímatiana'i eta táuriwa'i eta vinisira'i eta jákani tinikakareana, tituparaka'avi'ipa véchapajirikawakaya ena vichamuriana tímijachana'i wa'i táuri'ini eta nanisirapuka. Wákaye'e pakamichawa naye'e. Waipa vipanerecha'ini étachucha vikurisamurechirawa vítijirikawa.

1 Corintios 10:24

Wa'i ákarichuima'i eti iúrichawayare'i; éneichuware etánukayare'i eta táurichirawakayare'i ena apamuriana.

1 Corintios 10:28

Té'esera natiari'inapuka nákani tinekapaekene'ana'i, te nametaka'epuka: “Eta nayujarauchira'i te tamira'u eta nasiñaraji”, tiúripana wa'i ekunika, apaesa takuija ta'apasamurecha eta mapanereru ema timetaka'e'i.

1 Corintios 10:29

Eti, émitisikapuka eta epikauchira'i eta nasiñarajiana. Émasera ema echamuri, wicha'a máemitisika'ini. Tási'a, nuwara'a takuija ta'apapika'ini eta mapanereruana icha eti.

1 Corintios 10:32

Jé'esare, nájinapa émejekapawaruima'i, énaipa ena israelítana, énaipa ena apawasana, navetijipa ena vichamuriana'i, taicha vikutikaka'i eta machichaira'avi'i ema Viya.

1 Corintios 8:10

Étisera eti ímatiekene'anaipa, te ísapawayare'ipuka enika eta tinikakare nayujaraureana'i te tamira'u eta nasiñarajiana; taka'e, te máima'a'epuka ema echamuri, éneichuware tísapawayare'i tinika. Táitsiwa'isera tipikakarakawa'i jákani te masamure.

1 Corintios 8:12

Eti, te e'apapikapuka eta táuriwa'i eta napanereruana ena echamuriana, eti ekapekaturaipa eta maye'e ema Cristo, taicha eta émejekapawachira'i ena echamuriana.

1 Corintios 9:22

Te nukainunapuka ena vichamuriana nákani wícha'a'i náimatiekene'a'ini yatupina eta nakasiñairawaya maye'e ema Viya, wá'iware nukaeka'iwaka eta namaimatiekene'aira'icha'a, nímikatakawakapa, nuwaraira'i náimatiekene'apaini yátupina'ini eta vé'iru'i. Namutu ena achaneana, nujapanuwaka'i. Nutanuka'i eta nukajimuyasi'ayare eta nasamureana apaesa nauchuku'a nanerejikawa.

2 Corintios 11:21

Tétavikawa'i eta nutsiri'a'i náka'e'ini. Te ímijacha'ipuka tiúri'i tamutu eta juka náichira'e'i. Ena nani tikunachawana'i eta náuriwa'i. Nuti apanawa núri'a eta nukunachirawayare'i, tayanapane ímijachanupuka máurishinu'i.

2 Corintios 11:29

Te etiari'ipuka eti wa'i túme'ena'ini eta é'isira'i ema Viákenu, ichapeine'i eta néñamirawa'i nuti. Takutikene te etiari'ipuka eti náimiakipairu'e'i, tétavikawa'i eta nutsirira'iware, nusemasamureware.

2 Corintios 6:3

Nuti nuwara'a nakuija nakaeka'ini eta vématanerepi viti. Eta taka'e, nupamikawa'i nuti tiúriyare eta nuye'erepiana.

Gálatas 5:13

Taicha eti nuparapenaveana, wa'i étaina tímichu'a'e'i maye'e ema Viya eta é'ikayare eta mawanairipiana ema Moiséini, wá'iwaresera étijirikawaima'i íchayare'i eta ewara'akeneana'i tamaurikeneana, ema Viya tíchu'a'e'i, mawaraira'i étijiwaya ítatijirikakayare'i taicha eta émunasirakakaina'i.

Colosenses 2:8

Échapawayaresera: taicha narari'i ena nawara'ayare tiyuruka'eana, nawarairaya é'ika eta napanereruana, etapa eta naimiturapiana namaurikeneana, taicha ena wa'i nakasiña'ini ema Cristo, etachucha nae'ika eta naye'erepiana ena achaneana, enapa ena machanera ema techa'i eta juka apake'e.

1 Pedro 2:16

Yátupi'i waipa tapamiru'ena'i eti eta esuapira'i eta wanairipianaini. Wá'isera ekuyunaka eta wa'i tapamisira'ena'ini, táetseraruina icha eta tamaurikeneana. Esapi'asera ímerekawayare yátupi'i eta mawanara'era'i ema Viya.

2 Pedro 2:19

Ena tijarakawana eta naijarasirayare eta nauriwayare nauchukuirayare, éna'ineni natiwawaika'i tamusurana'i eta tamaurikeneana; taicha namutu achaneana tamusura'i eta tamaurikeneana eta tawayuasira'i eta taiñema'ikeneana.

Apocalipsis 2:14

Jukari'isera eta juka piviurewa'i nuye'e: taicha písapawaichucha natiari'i'i ena nanerejiruwana ena echamuriana wa'i náwara'a'ini náinajika eta maimiturapiana ema Balaam, ema maimitukawaka'i ema Balac eta maimiakipaisirayare ena israelitana mawanekaware nanika eta nayujaraure'i te tamira'u eta nasiñarajiana, etapa eta nainajisirawaina eta nae'isiraina ema Viya.