1 Corintios 7:9 - Táurinakene máechejiriruwa’i ema Viya tikaijare

⁹ Étasera te wa'i nárata'a'i tikaratakawana, takamunuichu'i tikaimanayare, apaesa wa'i nakuepujukichawa taye'e eta pekatu.

Ignaciano

⁹ Étasera te vahi náratahahi ticara­ta­cavana, tacamu­nuichuhi ticaima­nayare, apaesa vahi nacuepu­ju­quichava tayehe eta pecatu.

1 Corintios 7:9 ပူးပေါင်းရင်းမြစ်များ

Hechos 19:36

Nájina tépuruina eta juka. Ésamirikawachucha, wa'i ekuijaja'uchawa. Epanerechinawa te tiúriyarepuka.

1 Corintios 7:2

Táichavenesera eta tawayuaraiwa'i eta pekatu, tikamunukare'i ena ajairana nayenapachuina, éna-ipa ena esenana tikamunukare'iware náimapachuina.

1 Corintios 7:28

Mákanisera makaparapekenepa, tájinachucha pekatuina eta mavira'i esu esena. Ésuipa súkani amaperu esena, te tatupiruwa'i eta sukaimaira, tájinachuchaware pekatuina eta sukaimaira'i, táitsiwasera ichapeyare eta nakatajiwairaya eta náitátirakakaya, tavetijipa te natiari'inapa ena nachichanaveanaya, eta taka'e, nuwara'a numetaka'e apaesa wa'i ekukatajiwa'ini.

1 Corintios 7:36

Mákani achane te sutiari'ipuka esu machicha esena máimarucha'a. Maimachayare esu machicha, táichavene'i eta suítana'asiraipa. Tatupiruwayaresera eta sukaparaperayare. Tájinachucha táimanena; wá'iware pekatuina.

1 Corintios 7:39

Esu esena tikaima tatuparaka'i suítauchayare eta suíjarasirawa'i tikaima. Tiámainukawa te táitekapapa eta máitaviraya ema suima, tiúchuku'apa esu. Ésupa téchinawa eta suítaresirayare. Tísapakarepa eta suápechawa sukaima. Takamunu'isera mákani vikutikene'i tisuapajira'i me Viya.

1 Tesalonicenses 4:4

nakuchapa eta náitauchirawaina yátupina te mamira'u ema Viya, emutu eti, yátupina eta émunasiraina ena eyenanaveana,

1 Timoteo 5:11

Énasera ena tépenaimana'i amaperuanaicha'a, wa'i piajukunachaima'i. Tijurikati tiakipaikawana, taicha tawayuakawakaicha'a eta tájiparakana, natanukaicha'a ema ajaira, nawara'aicha'a tiápechawanayare'i tikaimana. Tijurikati tikainajiruana eta náe'isira'i ema Cristo

1 Timoteo 5:14

Eta taka'e, ena tépenaimana'i amaperuanaicha'a, nuwara'a nápechawa nakaimaware, nakachicha, apaesa nakaenakare'i te napena, takuija nakukayema ena tikunera'iana.