1 Corintios 7:34 - Táurinakene máechejiriruwa’i ema Viya tikaijare

³⁴ ene naka'e'i ena esenana. Wa'i tákutikaka eta napanereruana suye'e esu esena sukaimakene ésupa esu esena máimarucha'a. Taicha súkani máimaru'i ta'apasamurecha'i eta suítatiraya ema Viákenu, suwaraira'i suítauchaya eta mawara'akeneana, suíjarakayare'i eta suáchanewa étapa eta suáke'e. Ésusera esu esena sukaimakenepa ta'apasamurechapa eta suítatiraya ema suima.

Ignaciano

³⁴ Ene nacahehi ena esenana. Vahi tácuticaca eta napane­reruana suyehe esu esena sucaimaquene ésupa esu esena máimaruchaha. Taicha súcani máimaruhi tahapa­sa­mu­rechahi eta suítátiraya ema Viáquenu, suvarairahi suítauchaya eta mavara­ha­queneana. Suíjara­ca­yarehi ema Viya eta suáchaneva étapa eta suáquehe. Ésusera esu esena sucaima­quenepa tahapa­sa­mu­rechapa eta suítátiraya ema suima, suvarairahi sucuri­sa­mu­rechaya éma.

1 Corintios 7:34 ပူးပေါင်းရင်းမြစ်များ

San Juan 10:13

Ema maka achane wa'i téñamawaima'i taye'e eta uvesa. Étachuchasera makune'i eta mawacha.

Romanos 6:13

Waipa ekuisapa eta pekatu te iake'e, tímikutijirikawainapa épenakene, waipa échaima'i eta pekatu. Ítarekainapasera maye'e ema Viya, íjararekainapa eta iáke'eana maye'e.

1 Corintios 6:20

Taicha mawachareru'e'i ema Viya. Ichapemuri'i eta makatajiwaira'i íchavene'i eti. Taka'e puiti, ejaneakawapa eta ítaresirana'i te namira'u ena achaneana, apaesa namutu nakunachaya ema Viya.

1 Corintios 7:33

mákanisera achane te sutiari'ipa esu mayena, tikañamarakawainapa taicha eta máitatirayare esu mayena, mawaraira'i makurisamurechaya esu,

1 Corintios 7:35

Eta júkana numetarapiana'i eye'e, nuwara'a eta táuriwaina eta ícharakawaya. Wa'i nuwara'a nupamika'e taye'e eta takajerakeneana. Nuwara'asera takuija'ini eta ti'apapika'e eta ítatirayare ema Viákenu.

2 Corintios 11:28

Tayanapaneinesera eta nukatajiwaira'i ichape, nímiyanawa'isera eta néñamirawa'i ícha emutu eti nuchamuriana te tamutu awasareana, nuwaraira'i takuija'ini ta'apapirika'e'ini taye'e eta é'isira'i ema Viakenu.

2 Corintios 8:16

Nu'asulupayacha'i ema Viya eta manakasamurechira'i ema Tito máeñamirawa'i eta eye'e, takuti'i eta nusamure néñamirawa'i eta eye'e.

Filipenses 1:20

Nuti, ichape eta nuwaraira'i wá'ini nukutsiri'aini, nuwara'a nuwapinawa eta nímiyanirawa nukasiñawaya maye'e ema Cristo eta majaneasiranu'i apaesa náimati'ini ena achaneana eta yátupira'i eta makasiñakarewa'i ema Cristo, tájina wa'i nupikakawa'ini eta náimikatichiranu'ipuka, táimikapakanupuka.

1 Tesalonicenses 5:23

Tiuri puiti, máijaraka'eni ema Viya táuriwaina eta epanereruana, yátupina'ini takuija'ini ekuichirawaina eta iáwa'ásira'i ema, majaneasina'e'ini eta iáchanewana, eta iáke'eana, takuija eta etapirawaina'ini te machawapa ema Viákenu Jesucristo.

1 Timoteo 3:5

wa'i tisiapaima'i mákani achane wa'i máituka'i tikawanairipi te mapena. Tavetijipapuka eta juka ewakureka, waipa náitukaima'i eta naechejirisiraina ena vichamuriana.

1 Timoteo 5:5

Súkani tépenaima'i sukarichu'ipuka, nájina suchichaina'i, nájinaware suviyawa'i. Sukuchapainapa eta tási'akeneya maye'e ema Viya, taicha suíjararuwaipa yátupi eta maye'e. Tiyujarakainapa te sacheana, te'epa yátiana.

Tito 3:8

Etasera eta juka yátupikene'i tasuapakarewa eta juka vímitukasiwa'i, eta juka néchejisi'akeneana'i puiti, nuwara'a pímitukayare tamutu sácheana apaesa náimiyanawa naicha eta táurikeneana ena vikutikeneana tisuapajira'iana me Viya. Tétavikawa'i táuriwa eta vímiturapiana, tájina táichirawaina, taicha eta juka tíjarakara'i eta náuriwaya naye'e namutu ena achaneana.