1 Corintios 7:21 - Táurinakene máechejiriruwa’i ema Viya tikaijare

²¹ Te ekakenu'ipuka eti te tíchu'a'enapa ema Viya, wa'i ekueñamawa eta ekakenuira'i. Té'esera íma'a eta iuchukuiraina, tájinachucha táichawa.

Ignaciano

²¹ Te ecaque­nu­hipuca éti te tíchuha­henapa ema Viya, vahi ecueñamava eta ecaque­nuirahi. Téhesera ímaha eta iúchucuiraina, tájinachucha táichava.

1 Corintios 7:21 ပူးပေါင်းရင်းမြစ်များ

Colosenses 3:11

Tayanapane apawasananaji'avi'i viti vé'ikana'i ema Viákenu, émasera ti'etamuricha'avipa viti israelítana, étipa eti apawasanana, énapa ena máikachasianana, te mamira'u ema Cristo, waipa apawasananaji'avina'ini, étanainepa eta víma'i maicha ema, tayanapane tájina ikutiaraina te iáke'eana, wá'isera tikachuriaka'eanaima'i ena tinakana'i eta naikutiarana te nake'e, tayanapaneware ekakenu'ipuka, wá'iwaresera vikachuriaka'ema'i viti wa'i musu'avina, ema Cristo tiáwa'aka'avi'i vimutu.

1 Corintios 12:13

Taka'e, wa'i étaparakaina te israelita'avipuka, te apawasajueku'avipuka, étaipa te mákenure'avipuka. Té'esera te vikaikachasipa eta vé'isirapa ema Viákenu, étanainepa eta víma'i maicha ema Machanewa Viya.

San Lucas 12:29

Eta taka'e, wa'i ekupanererereka eta enikakenerepiana, étaipa te échuriakapuka eta une érayare.

1 Pedro 5:7

Te tatiari'ipuka eta éñamirawana, emetaka tamutu ema Viya. Ema, tikanaraka'eyare, taicha tétavikawa'i eta máeñamirawa'i eta eye'e.

Hebreo 13:5

Wá'isera takuwayuaka'e eta plata. Tarataichu takurisamurecha'e jákani íturewa'i ekaye'ekene'i, taicha ema Viya ani maka'e'i eta máechejiriruwa'i: “Wa'i nujunijikavima'i, wá'iware némitisikavima'i.”

Filipenses 4:11

Wa'i táichavenena'ini jákani nuwayuchirawaina'ini eta nukamunuirawa. Núrisamureichucha, nítukasami'i nuti eta nítatirawa'i taye'e jákani tatiari'ikene'i.

Filipenses 4:6

Wa'i ekueñamawa, te tatiari'inapapuka eta íchawa, ekasiñawasera eta eyaseasira ema Viya te eyujarasirana. E'asulupayachaware taye'e jákani máijararu'eana'i.

Gálatas 3:28

Tayanapane apawasasajiana'e eti, tayanapane'iware ekasirikikíji'i eti ajairana, ena esenana, tayanapane'iware músuanapuka, wa'inenipuka musuanaina, té'esera te mamira'u ema Viya, étanaichu'i eta víma'i.

San Lucas 21:34

“Échapawa, machu tachimaraka'e eta jena sache, wa'i ekukuti ena tawayuaruana eta térakare. Wa'i ekueñamawa eta ítaresira, machu ta'apapika'e eta é'isiranu'i.

1 Corintios 7:20

Namutu nákani máichu'akeneana ema Viya, wa'i náitsiwachaima'i eta náematanerepiana'i te máichu'ainapa ema Viya.

1 Corintios 7:22

Taicha mákani achane músu'i eta máitaresira, tayanapaneine matiari'ina'i ema mákenuina'i, té'esera te maichu'apa ema Viya, waipa musuina'ini, mákanisera achane nájina mákenuina'ini eta máitaresira, puiti ema mawanaranaipa'i ema Jesucristo.