1 Corintios 7:10 - Táurinakene máechejiriruwa’i ema Viya tikaijare

¹⁰ Tási'a puiti, nutuparakawakayare ena nakaimakeneanaipa. Ema ajaira wa'i makuinajika esu mayena. Esu esena wá'iware sukuinajika ema suima. Eta juka wanairipi tási'akene'i maye'e ema Viákenu, wa'i tási'akenena nuye'e nuti.

Ignaciano

^10-11 Tásiha puiti, nutupa­ra­ca­va­cayare ena nacaima­que­nea­naripa. Ema ajaira vahi macuinajica esu mayena. Esu esena váhivare sucuinajica ema suima. Eta juca vanairipi tásiha­quenehi mayehe ema Viáquenu, vahi tásiha­quenéna nuyehe núti. Téhesera natiari­hi­napuca ena vichamuriana náinajicaca, vahi táuricahini nápecha­vahini nacaimahini, nacaca­cha­ne­hi­pucaini. Tacamunuhi tichavau­cha­ca­ca­nayare tiveha­cacana.

1 Corintios 7:10 ပူးပေါင်းရင်းမြစ်များ

San Mateo 5:32

Nútisera numetaka'e, mákani achane te máinajikapuka esu mayena, eta taka'ekenechucha eta naitaresira'i, te mainajika'i esu mayena taichavene'i eta sukayepeira'i ema apana achane, te tiápechawapa tikaima tamuriakainapa esu, tási'a mákani apanaware achane makaesenara'ipuka esu apana esena máinajiru'i ema suima, éneichuware tikapekaturaipa'iware.

Marcos 10:2

Natiari'isera ena fariséuana, napauchapa ema Jesús, tási'a natanuka'i eta tiviuchayare'i ema, nayaserekapa táurikapuka máinajika ema achane esu mayena.

San Lucas 16:18

“Mákani achane, te máinajikapuka esu mayena, tási'a mave'a esu apana esena, ema tikapekaturaipa'i. Takutikene mákani apanaware achane mave'apa esu esena máinajiru'i ema suima, éneichuware tikapekaturaipaware.

1 Corintios 7:11

Té'esera natiari'inapuka ena náinajikaka, wa'i táurika'ini nápechawa'ini nakaima'ini, nakakachane'ipukaini. Takamunu'i tichawauchakakanayare tive'akakana.

1 Corintios 7:12

Eta juka numetaru'eya, wa'i wanairipina me Viákenu. Níjaraka'esera eta juka nupanereru nuti. Te matiari'ipuka mákani vichamuri esu mayena wicha'a vichamurina'i, te tiúri'ipuka eta nakachanerakaka'i, wa'i táurika'ini máinajika'ini esu.

1 Corintios 7:15

Té'esera mákani wicha'a vichamurina suíma'i esu vichamuri'i mawara'apuka máinajika esu mayena, suísapaine máinajika. Ema Viya wa'i makawanairipi eta suíchejirika'ini ema, mayanaine. Taicha ema Viya mawara'a'i tauri eta vipanereruana. Éneichuware súkani esena wicha'a vichamurina'i mayena'i mákani vichamuri, te suwara'apuka suínajika ema suima, éneichuware máisapaineware suyana.

1 Corintios 7:25

Tiuri puiti, tájina wanairipina tási'akenena me Viákenu naye'e ena amaperuana máyenareanaicha'a énapa ena máimaruanacha'a. Nútisera numetaka'eya eta nupanereru'i, nuwara'asera esuapanu taicha nuti nukaimitukasikene'i maye'e ema Viákenu, táichavene'i eta majapanuiranu'i.

1 Corintios 7:40

Tiápajukawasera tiúripana te suánasipa máimaruina. Eta juka tási'akenepa te nupanereru. Németeaka'i nuti tétupikawapa'i eta numetarapiana'i, taicha máwa'arunu'i ema Machanewa Viya.

1 Corintios 7:6

Tiuri, eta juka numetasira'e'i, wa'i nútina nukawanairipi. Nísapasera eta énena áka'e.