1 Corintios 6:9 - Táurinakene máechejiriruwa’i ema Viya tikaijare

⁹ ¿Wá'ipuka écha'i eti eta namaitujisirawaya tisiapana te máwasa ema Viya? Wa'i ekuisapawa eta nawayuaka'e naye'e ena tíchana'i eta tamaurikeneana, taicha yátupi'i eta namaitujisirawayare tisiapana ena ajairana esenamareana, énapa ena ajairakakana tive'akakana, énapa ena tikasiñarajiana ena achanemirana,

Ignaciano

^9-10 Váhipuca échahi éti eta namaitu­ji­si­ravaya tisiapana te mávasa ema Viya ena tíchanahi eta tamauri­queneana. Taicha yátupihi eta namaitu­ji­si­ra­vayare tisiapana ena ajairana tivehanahi esu apana esena apayena énapa ena vahi nayena­ca­ca­quenena, énapa nácani tivehana esu esena amaperu máimaruchaha. Éneri­chuvare ena esenana, váhivare títuji­ca­va­naimahi tisiapana te mávasa ema Viya, súcani tivehahi ema achane vahi suímaque­nenahi, ésupa súcani amaperu esena namutuchucha suvehapahi. Váhivare títuji­ca­va­naimahi tisiapana ena nani tiveha­cacana ajaira­cacana, énapa ena nani ticasi­ña­rajiana, ena nani tiámerahiana, ena nani ticapi­na­ru­rahiana, ena nani ticava­ha­rasiana, ena nani titupia­rahiana, énapa ena nani náipica­ra­re­capahi eta námere­si­rayare.

1 Corintios 6:9 ပူးပေါင်းရင်းမြစ်များ

San Mateo 19:29

Namutu nákani nakikana'i eta napenana, najunijika'iware ena tikachichana, ena naparapenaveana, ena nayenana, ena nachichanaveana, étapa eta naye'eana apake'e táichavene'i eta nuye'e, ena najachapayare eta taitsiwayare. Tási'a te táitekapapa te apana víitaresira tavetijinapa, máichekuarakirenapa.

San Mateo 25:34

Tási'a, máichainapa ema Rey ena tiávi'ana'i te nuwaure: ‘Yare eti, iúrikakareana'i, manerejiruana'i ema Tata, níjaraka'enapa eta etupara'ayare, íkuchi'i maye'e ema Viya akane te tépanawainapa eta apake'e.

San Lucas 21:8

Ema Jesús majikapapa: “Ekuneuchawa, apaesa nakuija nakuwayuaka'e, taicha nárajapayare ena tépiyakawanayarepa'i tímiwasichawana nuye'e. Naka'enapa ‘Nútipa’ ‘Puiti táitekapakenepa eta sache.’ Étisera wa'i ekue'ikawaka.

Hechos 20:32

“Puítisera, nuparapenaveana, nuyanainapa, nuyáseucha'eyaresera me Viya etapa eta maechejiriruwana eta maemunasira'avi'i. Ema titupajijiakawa'i eta maijarasira'eyare eta etumewayare ejurusiraya eta itaresira maijarasira'eyare tamutu eta ikuchi'i, te mawasa anuma.

Hechos 24:25

Eta máechejirisirawa'i ema Pablo, mametakapa eta maitaresira wa'i maichaima'i eta tamaurikeneana etapa eta nakaikuñairaya ena masuapajiraira'ana te apana naitaresira, taka'e ema Félix tiáramekaine'i maichapa: –Puiti'ichu piyana. Nimichu'avine te nitujikawa.

Romanos 1:18

Taicha vimati eta taiñe'iwa eta maikuñaraki ema Viya, tasi'akene te anuma, naye'eya nanutu ena achaneana wínarajiana eta napanereruana, taichavene eta nawinarajiwa wa'i naisapa'ini eta takaechera'ini eta yatupikene suapakare.

1 Corintios 15:33

Wa'i takuka'e eta epanereruana eti. Taicha ena, wa'i tétupikawa'i eta naye'erepiana'i. Tikauyayakare'i najarareka eta táurinawaipa'i eta eye'erepiana.

1 Corintios 15:50

Nuwara'a níminekapaekene'a'eyare, nuparapenaveana, eta veche máteji wa'i étaima'i tisiapayare te máwasa ema Viya. Tínapukayare'i tikaitsiwa eta veche máteji, máepenakakayare'i eta.

1 Corintios 3:16

¿Échaichu'i eti eta máwa'asira'e'i ema Machanewa Viya, eti maye'e'i templo ema Viya?

1 Corintios 5:1

Jukari'iware eta juka téchakare'i eta matiari'ira'i ema émana echamuri téjekapawa'i. Mave'a'i esu máena'aruwa. ¡Wá'icha tiuri eta juka máichakene'i! Énaipa ena nawayurewakeneana tikapekaturara'iana wa'i náurikaima'i eta juka.

1 Corintios 5:10

Wá'isera énaina nicha ena nani máe'ikara'anaicha'a ema Viya, ena nani tive'ana'i esu apana esena apayena, énapa ena tiámera'iana, énapa ena tikasiñarajiana. Takamunuipapuka vérajikawa'ini eta te juka apake'e, apaesa waipa nakuitekapaucha'avi'ini.

1 Corintios 5:11

Mákanisera tímijachawa'i echamuri'i, wa'i nuwara'a ekachanejirika, ema tive'a'i esu esena apayena, émapa ema tawayuaru'i eta plata, émapa ema tikasiñaraji, émapa ema titupiara'i, émapa ema tikawa'arasi, émapa ema tiámera'i. Mákani echamuri, te ene maka'e'i, tájina wa'i táurika'ini ákachanewaka'ini eta enisirana.

1 Corintios 6:10

énapa ena tiamera'iana, yawa'iana, kawa'arasiana, énapa ena tewajiriara'iana, énapa ena wayuarerekana, namutu ena waipaine'i tisiapanaima'i te mawasa ema Viya.

1 Corintios 6:18

Eta taka'e, ejaneakawa yátupina, machu iákipaikawa taye'e eta tú'usikare. Tamutu eta pekatuana náichakeneana'i nákani achaneana, tajarareka'i eta náchanewana. Tavetijipa, mákani achane tive'a'i esu esena wa'i mayenakenena'ini máimijararekapa ichape eta máke'e. Émajiwapa tijararekawa.

1 Corintios 6:19

¿Échaichu'iware eti eta máwa'asira'eipa ema Machanewa Viya eta te iáke'eana, taicha mawaneruichu'i ema Viya eta máwa'asira'eyare'i ema Machanewa Viya? Waipa étina'ini echa eta iáke'eana.

1 Corintios 9:24

Échaichu'i eti, ena tijunapanaya kamuriana, tasi'asera wa'i namutu'ini naita'areka'ini emanaichu ema tita'arekaya tijachapaya eta máikuchi. Ene eka'eyare eti apanaware ejunapayare apaesa ejachapa eta ikuchi'i.

2 Corintios 12:21

Nupika'isera nátsiri'akare'ini nuti maye'e ema Viya ichavenena'ini eti, wicha'a étupirikawa'ini eta nuchimapira'eyare. Wa'i nuwara'a ekaiyakanu eti enerejikawana éjekapawana'i, taicha eta ánakiapaipa'i eta emáinajisiraicha'a eta ekapekaturairana. Ímiyanawaichucha eta esenamarera'e'i, étapa eta emapikaura'iwaichucha.

Gálatas 6:7

Wa'i ekuwayuakawa eti: taicha najina tirata'aina tiwayuakina ema Viya. Taicha mákaini ticha eta tamaurikene etaichuware tijararekayare eta maitaresira.

Colosenses 3:5

Tási'a puiti, ínajikainapa eta eye'erepianaini tamaurikeneana'i: nakuijapa nakuve'a esu apana esena, waipa ekupanerecha eta panererukana tamaurikeneana, waipa ti'apapirika'ema'i eta ekaima'akeneraina, taicha ena titanukana'i eta juka, nakuti'i nákani tikasiñarajiana.

Hebreo 12:14

Takuijaware ekuichirawaina'i naye'e namutu ena achaneana. Yátupina eta epáchinawaina te esamureana étapa eta iúriwa eta ítaresirana. Taicha te wa'i tiúri'i eta ítaresirana, wa'i ítekapauchaima'i ema Viákenu.

Hebreo 12:16

Nakuijaware te etaraku nakuve'a esu apana esena. Nakuija nakuepuru jákani tipikauchakareana'i. Wa'i ekukuti ema Esaú, eta mawaraira'i tinika, máijararekapa eta máikuchini'i maye'eni'i, taicha ema, máechavi'i ema maparape.

Hebreo 13:4

Ámutu epikauchakaka eti ekaparapekenepa, eti esenana, étipa eti ajairana. Taicha máima'a tiuri ema Viya eta eve'akakaira'i. Taicha ema Viya máikuñakayare'i nákani tive'akakana'i wa'i nakuchapa'ini náitauchawa'ini, énapa ena tikayepekakana'i.

Santiago 1:16

Némunarukeneana nuparapenaveana, machu éjekapawa:

1 Juan 3:7

Nuchichanaveana, wa'i ekuisapawa nawayuaka'e: Víti, te vímisiapawa'i eta te táurikeneana, vímerekaya eta viúriwa. Vikutinapa ema Jesucristo eta máetaviuchira'i eta máuriwa;

Apocalipsis 21:8

Tikaikuñanayaresera namutu ena tipiturijiana, ena masuapajiraira'ana, ena máeperajiana, ena tikapa'iana, ena tú'usiana, ena iápemareana, ena tikasiñarajiana eta achanemirana, énapa ena tépiya'ira'iana, tikakijianayare namutu ena taye'e eta náikuchi táijurekene táetiraraisina yuku, máitawakaka eta tamuruira, wá'ikene tiúchukanaima'i taye'e.”

Apocalipsis 22:15

Énasera ena masuapajiraira'ana'i wa'i títujikawanaima'i tisiapana, nanasiyare te aneka, énapa ena iápemareana, ena tú'usiana, ena tikapa'iana, ena tikasiñarajiana eta achanemirana, énerichuware ena tiúrikana'i tási'a ena tépiya'ira'iana tikaetemara'iana.