1 Corintios 5:8 - Táurinakene máechejiriruwa’i ema Viya tikaijare

⁸ Táitusiawa puiti, tamutusera sácheana vikuneuchawaya taye'e eta tamaurikeneana, wa'i pekatumare'avima'i. Tamutu sácheana eta juka vítaresira'i matapiraware'avina'i, tájinasarepa víchirawaima'i te mamira'u ema Viya.

Ignaciano

⁸ Táitusiava puiti, vicutinapa ena nujaneanana israelítana eta nacaera­jisira eta levadura te napenana te páscuamuhuana. Tamutusera sácheana vicauneu­chavaya tayehe eta tamauri­queneana, vahi pecatu­ma­re­ha­vimahi. Tamutu sácheana eta juca vítare­sirahi matapi­ra­va­re­ha­vinahi, tájina­sarepa víchira­vaimahi te mamirahu ema Viya.

1 Corintios 5:8 ပူးပေါင်းရင်းမြစ်များ

San Mateo 16:12

Taka'e tapaenumawapa nakaikutiara'i ema Jesús eta máichira'i, wa'inenipuka etaina'i eta levadura, taye'e eta pan, etachuchanenipuka máicha'i eta naechapirawaya eta naimiturapiana taiñema'ikeneana naye'e ena fariséuana énapa ena saduceoana.

San Mateo 16:6

Taka'e ema Jesús máichawakapa: –Íma'a, échapawa eta naye'e lewadura ena fariséuna, enapa ena saduceona.

Marcos 8:15

Ema Jesús, máimitumuri'apa ena, máichawakapa: –Íma'a échapawa taye'e eta lewadura naye'e ena fariséuana etapa eta lewadura maye'e ema Aluresi.

San Lucas 12:1

Taka'e, te jena sácheana'i, títekaparakanapaichucha ena kamurikeneana achaneana. Tiyututukawanapa, tupiajirikakanapa. Ema Jesús natiwapa maechejika ena maimitureana maichawaka: “Échapawa taye'e eta lewadura eta tasisijisira'i eta masa. Takuti'ichu eta tapareasira'i eta apimirairana'i ena fariséuana.

San Juan 1:47

Te náitekapauchapa, ema Jesús máimararakaipa ema Natanael, maka'epa: –Tétavikawa'i táuriwa'i eta pítaresira'i. Yátupikenevi israelita. Wa'i pítuka piwayuareka.

1 Corintios 3:3

Taicha eti wicha'a támutu'ini ínajika'ini eta tajamurachakeneana eta iáke'eana! Taicha ekapinarujirikakaicha'a, ekatianajirikakaicha'a, íputsimuriajirikakaicha'a, eta epanereruana ekutiricha'a eta napanereruana'i ena apamuriana achaneana masuapajiraira'anaicha'a.

1 Corintios 5:1

Jukari'iware eta juka téchakare'i eta matiari'ira'i ema émana echamuri téjekapawa'i. Mave'a'i esu máena'aruwa. ¡Wá'icha tiuri eta juka máichakene'i! Énaipa ena nawayurewakeneana tikapekaturara'iana wa'i náurikaima'i eta juka.

1 Corintios 5:6

Eti, wa'i táurika'ini ekasiñawawaika'ini. Taicha eti ímatipa eta taechejiriruwa: “Ema makuti'ipa eta lewadura te nanaka te masa eta pan, tayanajika'i tamutu.”

2 Corintios 1:12

Visamawa'isera viti eta vikunachirawa'i eta tájinaira'i víchirawaina'ini, wá'iware apipiema'avina'ini. Santuru'a'avi'ipa te nataraku namutu ena achaneana, evetijipa eti. Éma'isera ema Viya tímikataka'avi'i táuri'i eta vítaresira'i táichavene'i eta máemunasira'avi'i, wa'i vítijiriruwaina'ini eta vítupajijiasirawana'i.

2 Corintios 2:17

Virata'asera vítaucha eta vitupara'a'i, taicha víti, eta vikametarairuira, tájina wa'i vikawacharapi eta máechejiriruwa ema Viya, vétupiripikapa'ipukaini, viwarairaina'ini tajamurachakare'ini, tákuti'ini eta náichira ena apamuriana tímijachawana'i yátupikeneana mawaneruana ema Viya. Vítisera yatupikene'avi'i mawanara'avi'i ema Viya; vitupiruwa'i eta vikametarairuira eta máimiturapi ema Cristo.

2 Corintios 8:8

Wá'isera nupamika'e eta nuwanesira'éna'ini. Nuwara'a'isera ímatiekene'a'i eta nawapinaraiwa'i ena apamuriana vichamuriana apaesa ímereka'ini eti apanawa eta yátupikenera'i émunaraiwa'i.

Efesios 6:24

nuyaseucha'eware táetaviucha'ini eta iúrikakarewaya emutu eti yátupi'i eta émunasira'i ema Viákenu Jesucristo.

1 Pedro 4:2

eta taka'e eti, táichavene'i eta iúrujiasira'i ema Cristo, tímikutijirikawaipa épenaipa'ini, ínajikaipaware eta pekatu. Puiti, tatuparaka'i ekaemataneakayare ema Viya. Waipa tiwayuaka'ema'i eta tajamuraraiwa eta iáke'e.