1 Corintios 5:7 - Táurinakene máechejiriruwa’i ema Viya tikaijare

⁷ Étisera, nuwara'a ekutiya eta pan maye'ere levadura vinikasare te páscuamu'uana. Yátupikene'i arairu taicha wa'i tasisijika'ini. Taicha ema, tamutu'i mawachacha eta vímikapasira'i, makuti'i eta uvesa eta vímijararesira'i.

1 Corintios 5:7 ပူးပေါင်းရင်းမြစ်များ

San Mateo 13:33

Éneichuware máimikutiaracha'i eta máimituresira'i: “Eta mawasa ema Viya Akénuka te anuma, tímikutijirikawa'i eta levadura, esu súkani esena tiúri'i eta tasisijisira eta suépiyaru'i masa, tayanapane apinapukaini arruwa eta suye'e jarina, tasi'ajika'isera, jé'esare tiápukayare'i taicha.”

Marcos 14:12

Títekapapa eta sache táepanirawa'i eta tapiestara eta nanisiraya eta pan maye'ere lewadura, étaichuware eta jena sache, nakapasiraya eta uvesa tikaijare cordero taye'e eta Pascua. Ena máimitureana nayaserekapa ema Jesús: –¿Távi'apuka piwara'a eta wakaiju'e vétupirisi'ayare eta vinisirayare eta uvesachicha te Pascua?

San Juan 1:29

Te apanapa sache, máima'apa ema Juan eta mapauchirapaipa'i ema Jesús. Taka'e, máichawakapa ena achaneana: “¡Íma'a, márajapa ema Wanairuka me Viya. Ema, tikaepa'ayare eta vipekaturana te juka apake'e!

San Juan 1:36

Te máima'apa ema Juan, tiánuku'apaipa'i ema Jesús, máichawakapa: –¡Íma'a, ema maena Jesús, éma'i ema, wanairuka'i me Viya!

San Juan 19:14

Tiáne'ipa'i lasdóseyare'i eta sache. Ema Pilato, máichawakapa ena juriyuana: –¡Makaipa ema eye'e Rey!

Romanos 3:25

Ema Viya, tétavikawa'i eta matupiruwaira'i, wa'i makamichaima'i ena téjekapawana'i te machakaya, tási'asera, tijapanu'avi'i, máijarareka'i ema Machicha eta mawachachira'i eta vipekaturana, vímikapaka'i ema, eta vikasiñaira ema Jesucristo, makaepa'a'i eta véjekapirawana'i vipekaturana'i, tási'a, vijakapakare'i maye'e ema Viya.

1 Corintios 10:17

Yátupi apánapaneneji'avi'i víti, visimutuwakeneana'i, émanarichu'isera ema viáwa'aru'i, eta vinisira'i eta pan, étaichu'i te máijare eta viyujarauchira'i.

1 Corintios 5:13

Étisera, écha'i ena echamuriana'i. Eti eyaserejirikakayare étijikakaya. Eta taka'e, ekaevuisi'ayare ema mákara téjekapawa'i te emuri.

Efesios 4:22

Tási'a puiti, waipa ekuesacha echáwaucha eta ítaresiraini'i akane echipejirikawa'i taicha tiwayuaka'e eta ejamurachira'i eta tamaurikeneana.

Apocalipsis 5:12

Énerichuware tijirana muraka: “¡Piti Cordero, piti nakaparu'i, pikarichu tatuparaka'i pijakapayare eta pitupajijiasirawayare etapa eta piurikakarewayare, Tétavikawa eta pímatiekene'aira'i tamutu etapa eta pitumewa'i, Tétavikawa eta pipikauchakarewa'i, tétavikawa eta pikunachakarewa'i, tijara'i visama te vijirauchavi!”