1 Corintios 5:5 - Táurinakene máechejiriruwa’i ema Viya tikaijare

⁵ taka'e ema maka achane máima'ainepa ema Wínaraji, émainapa téchayare. Viwara'a pínajikaini eta juka pimauriwa'i, apaesa táuchuku'aini eta piáchanewa te táitekapapa eta jena sácheyare machaviraya ema Viákenu Jesús.

Ignaciano

⁵ Íchayare: “Te máijare ema Viáquenu Jesucristo, víti émapa ema Pablo, vicuchucavi te vimuri. Vaipa tijanea­ca­vimahi ema Viya. Máimaha­vinepa ema Satanás, émainapa téchaviyare. Vivaraha pínajicaini eta juca pimaurivahi, apaesa táuchucuhaini eta piáchaneva te táitecapapa eta jena sácheyare machavi­rayare ema Viáquenu Jesús” íchayare.

1 Corintios 5:5 ပူးပေါင်းရင်းမြစ်များ

San Mateo 4:10

Ema Jesús majikapapa: –Péwisi'a piti Wínaraji te juka numira'u, taicha eta táechejiriruwa'i eta Takapika'ukene Ajureka ani taka'e: ‘Makarichu ema Viya vépuyumirauchaya, makarichuware vikaemataneakayare.’

San Lucas 22:31

Ema Viákenu máichapa ema Pedro: –Simón, péchapawayare. Ema Wínaraji, yaseakanu'i mawaraira'i tikaikutiara'eyare tiákipaika'eyare emutu eti, emasera maisapa'i;

Hechos 26:18

Puiti nuwanekavi pímitukawakayare eta mawanairipiana maye'e ema Viya. Nakaiju'e ema, apaesa náitujikawa náima'a eta majaraiwa, náinajikapa eta náichakeneasana te timapiku, waipa nakue'ika ema Wínaraji. Nae'ikapa ema Viya, apaesa majapanu'e eta epekaturana. Apaesa nasiapamuri'aya ena náinapureana'i manerejiruana'i.’

1 Corintios 1:8

Puiti ema Viya tétumecha'eyare puiti juka vikaiju'eyare eta ítaresiraya apaesa takuija ekuawamira'u te jena sácheyare machaviraya ema Viákenu Jesucristo.

1 Corintios 11:32

Taicha mawara'a'i vétupirikayare'i. Waipa vikaikuñaima'i taye'e eta nakaikuñairayare ena apamuriana achaneana máimatira'ana'i ema Viya.

1 Corintios 5:13

Étisera, écha'i ena echamuriana'i. Eti eyaserejirikakayare étijikakaya. Eta taka'e, ekaevuisi'ayare ema mákara téjekapawa'i te emuri.

2 Corintios 10:6

vikuchapa'eyare eta yátupina esuapajiraiwaina. Tási'a, te nítekapa, nímirata'akawa eta nítsiwachirayare eta napanereruana ena masuapajiraira'ana'i. Te wá'ipuka náeñauchawa, némechawakayare.

2 Corintios 12:7

tétavikawa'i eta tiáramikare eta níma'akeneana te anuma. Tási'a, ema Viya wa'i máwara'aima'i nukasiñawawaika'ini eta nímaira'i, máisapa'i ema wínarajikene tékajumachanu'i, kúti'ine tatiari'ina'ini itape tayuwaraka te neche, taicha ema Viya mawara'a wa'i nukuwayuchawa eta nukunachakarewaina.

2 Corintios 13:10

Puiti nukajure'e, nukuchapawa'i nuti eta néjiraira'eyare, támutuipa'ini étupirika apaesa takuija'ini nukukayema. Wá'isera nukusemaini eye'e. Nuwara'asera nétumecha'e. Éta'i eta nutuparakasiwana'i me Viákenu.

Filipenses 1:6

Ema Viya, tétavikawa eta máurichira'e'i eta ítaresira kape juka. Nuti, tétavikawa'i eta nukasiñawaira'i maye'e eta máimiyanirawaina eta máurichira'eyare, mawaraira'i iuri eta machimapira'eya ema Jesucristo te jena sache machavirayare.

1 Timoteo 1:20

Émaipa ema Himeneo émapa ema Alejandro, taka'e'i eta náinajisirawa'i eta náe'isiraini'i ema Viya. Puítisera, ena nani níjararupa ema wínaraji, taicha nuwara'a nachawa, náinajikayare eta nakaeka'ira'i ema Viya.

2 Timoteo 1:18

Pechaichu'i píti apana eta máimikatasira'avi'i te viávi'aicha'a te Éfeso, eta taka'e, nuyaseaka'i ema Viya makatajika'ini máimikataka'ini ema, énapa ena machichanaveana. Majapanu'ini te jena sácheyare vítekapauchiraya ema Viya.

2 Pedro 3:12

Etátajirika eta ekuchapiraina, eta jena sacheyare maikuñasirayare ema Viya eta juka apake'e. Jena sache maikuñakainapa te yuku eta anuma, tási'a temiririjikanainapa eta jarairikiana.

1 Juan 5:16

Te natiari'ipuka ena tima'ana'i ema naparape eta makapekaturaira'i, wa'ichusera tiñe'icha takamunu eyujarauchaya, taka'e ema Viya makaitarekainapa ema vichamuri, jarari'i eta pekatuana tíñe'ipana mayuchatikawaneya ema Viya eta vítaresira táicha. Taicha tatiari'i eta pekatu tiñe'i titikene'a'ivi etasera eta juka wa'i nawara'a eyujaraucha taicha énajiwa'i tichawana.