1 Corintios 5:11 - Táurinakene máechejiriruwa’i ema Viya tikaijare

¹¹ Mákanisera tímijachawa'i echamuri'i, wa'i nuwara'a ekachanejirika, ema tive'a'i esu esena apayena, émapa ema tawayuaru'i eta plata, émapa ema tikasiñaraji, émapa ema titupiara'i, émapa ema tikawa'arasi, émapa ema tiámera'i. Mákani echamuri, te ene maka'e'i, tájina wa'i táurika'ini ákachanewaka'ini eta enisirana.

Ignaciano

¹¹ Mácanisera tímija­chavahi echamuri, vahi nuvaraha ecacha­ne­jirica ema tivehahi esu esena apayena, émapa ema tivehahi esu esena amaperu máimaruchaha, émapa ema tavayuaruhi eta plata, émapa ema ticasi­ña­rajiji, émapa ema titupiarahi, émapa ema ticava­harasi, émapa ema tiámerahi. Mácani echamuri, te ene macahehi, tájina vahi táuricahini ácacha­ne­va­cahini te enisirana.

1 Corintios 5:11 ပူးပေါင်းရင်းမြစ်များ

San Mateo 18:17

Te wa'ikenena makusuapavi, pimetakapa namutu ena pichamuriana'i pikatupi'apa te namira'u. Té'esera te wá'ikenechapuka makusuapa'e, tímatikareinapa ema eta mamasuapajiraiwa'i me Viya. Waipa ekuimisiapawa maye'e, taicha eta mamasuapajiraiwa'i.

San Mateo 23:25

“¡Páure'esami eti, escriwánuana, tási'a énapa ena fariséuana apimira'e'i!, eti esipasikaichucha te aneka eta wasu, étapa eta platu, tichipeku'isera te taju'e, ene eka'e'i eti, eta esamureana, tétavikawa'i eta tachipejiwawaka'i taicha eta ekaetemaraiwana étapa eta íjarasirawa'i icha tamutu eta ejamuraraiwana.

San Lucas 18:11

Ema fariseo, tupi'a'i eta maeñauchirawa'i, ánipa maka'e'i: Nu'asulupayachavi, Tata, eta núriwa'i te pimira'u, wa'i nákuti'ini ena apamuriana achaneana tiámera'iana'i, tisipekaturana'i, esenamareana'iware. Wá'iware nákuti'ini ema máka achane te juka nuchakaya ema tive'ara'i eta viyase'ana.

San Lucas 21:34

“Échapawa, machu tachimaraka'e eta jena sache, wa'i ekukuti ena tawayuaruana eta térakare. Wa'i ekueñamawa eta ítaresira, machu ta'apapika'e eta é'isiranu'i.

Hechos 1:15

Te jena sácheana, ena náurujiruwana'i náetavika'i ciento veinte eta nasimutuwa'i ena máimitureana ema Jesús. Taka'e, téchepukapa ema Pedro te namuri, titupi'apa. Máichawakapa:

Hechos 9:17

Taka'e, masuapa'i ema Ananías, tiyanapa taye'e eta peti mávi'a'i ema Saulo. Tisiapapa, máechejikapa, manakapa eta mawa'u te mápusi, tási'a máichapa: –Nuparape Saulo, ema Viákenu Jesús tímerekawa'i eta piye'e te achene te pítekainapa, ema tiwanekanu'i níteka eta piye'e, mawara'a'i tichawayare eta pímairisira, mawara'aware tiáwa'akaviya ema Machanewa Viya.

Romanos 13:13

Ímikapikauchawayare eta ítaresirana. Iúrisiyare tamutu sacheana. Wa'i ekawa'aima'i. Wá'iware ímisiapawaima'i naye'e ena tikapiestarana'i. Wá'iware tú'usi'ema'i. Wa'i tiwayuaka'éma'i eta tájiparakana. Waipa iúme'arerekaima'i, wá'iware ekapinarura'ima'i.

Romanos 16:17

Nuparapenaveana, nuwara'a ekuneuchaware naye'e ena tipanerechana'i típutsimuri'a'eana taicha nawara'a'i ti'apapika'eana eta te é'iru'i. Ena nani nakatianaka'i eta juka vímiturapi'i iárawa'u'i.

1 Corintios 10:14

Tási'a puiti, eti nuparapenaveana némunarukeneana, érajikawayare naye'e ena tikasiñarajiana.

1 Corintios 11:21

Taicha te títekapa eta ura, waipa ekuchapakaka'ini. Narari'i tikainapupuirikawanapa tinikana, nayé'echirawawakapa. Tina'akawanapa térana tékawa'achawanapa. Narari'isera ena apamuriana téku'anaicha'a.

1 Corintios 5:13

Étisera, écha'i ena echamuriana'i. Eti eyaserejirikakayare étijikakaya. Eta taka'e, ekaevuisi'ayare ema mákara téjekapawa'i te emuri.

1 Corintios 6:10

énapa ena tiamera'iana, yawa'iana, kawa'arasiana, énapa ena tewajiriara'iana, énapa ena wayuarerekana, namutu ena waipaine'i tisiapanaima'i te mawasa ema Viya.

1 Corintios 6:6

¡Wa'i takarichu'ini e'ajirikaka'ini, eti eparapekaka, ekamesaicha'a'i emetauchakakayare'i naye'e ena tuparairukana taye'e eta awasare, maimatira'ana ema Viya!

1 Corintios 6:9

¿Wá'ipuka écha'i eti eta namaitujisirawaya tisiapana te máwasa ema Viya? Wa'i ekuisapawa eta nawayuaka'e naye'e ena tíchana'i eta tamaurikeneana, taicha yátupi'i eta namaitujisirawayare tisiapana ena ajairana esenamareana, énapa ena ajairakakana tive'akakana, énapa ena tikasiñarajiana ena achanemirana,

1 Corintios 7:12

Eta juka numetaru'eya, wa'i wanairipina me Viákenu. Níjaraka'esera eta juka nupanereru nuti. Te matiari'ipuka mákani vichamuri esu mayena wicha'a vichamurina'i, te tiúri'ipuka eta nakachanerakaka'i, wa'i táurika'ini máinajika'ini esu.

1 Corintios 7:15

Té'esera mákani wicha'a vichamurina suíma'i esu vichamuri'i mawara'apuka máinajika esu mayena, suísapaine máinajika. Ema Viya wa'i makawanairipi eta suíchejirika'ini ema, mayanaine. Taicha ema Viya mawara'a'i tauri eta vipanereruana. Éneichuware súkani esena wicha'a vichamurina'i mayena'i mákani vichamuri, te suwara'apuka suínajika ema suima, éneichuware máisapaineware suyana.

1 Corintios 8:11

Taka'e, échapawaya eti ímatiekene'airaipa, machu émejekapawacha ema echamuri. Émaichu'i iúmuriwa'i eta mawacharesira'e'i ema Cristo eta máepenira'i te crusu.

Gálatas 2:12

Eta máitekapirapa ema Pedro, tájinaipa máichirawaina'ini eta masamirawa'i eta makachanejirisirawaka'i ena apawasana vichamuriana'i, tinika'i eta naye'e, taka'e, te jena sácheana, títekapanapa ena máemunakasareana'i ema Santiago, israelítana vichamuriana'iware. Te máima'awakapa ema Pedro, titsiri'apa ema eta makachanerawaka'i ena apawasanana vichamuriana'i. Waipa máwara'a'ini makasirikiwaka'ini. Tipika'i eta nakaeka'ira'i ena tímikapikauchana'i eta naye'erepiana'i ena israelítana.

Efesios 5:18

Wa'i ekukawa'a taicha eta tikauyayakare'i tikamitiaka'e. Ísapawasera émaira máecha'e ema Machanewa Viya tamutu eta ítaresira.

Efesios 5:5

Ímatiekene'aipa eti, wa'i tiúchuku'anaima'i mákani achane te mave'apuka esu esena apayena, esu esena te suve'apuka ema achane apaima; nákaniware amaperuana tive'ajirikakana'i; mákani achane mave'apuka ema maparajairawa; (ena tawayuakawaka'i eta najamurachirana, énaichu'i tikasiñarajiana). Namutu ena nani tímereuchawana'i wa'i machaneranaina'ini ema Cristo, wa'iware tisiapanaima'i te máwasa ema Viya.

Colosenses 3:5

Tási'a puiti, ínajikainapa eta eye'erepianaini tamaurikeneana'i: nakuijapa nakuve'a esu apana esena, waipa ekupanerecha eta panererukana tamaurikeneana, waipa ti'apapirika'ema'i eta ekaima'akeneraina, taicha ena titanukana'i eta juka, nakuti'i nákani tikasiñarajiana.

2 Tesalonicenses 3:14

Te natiari'inapuka nákani wa'i nakusuapa eta viwanairipiana'i te juka viajure'i, ekuneyare ena. Tási'a, waipa ekukachane ena, apaesa nátsiri'a ena nani eta namasuapajiraiwa'i.

2 Tesalonicenses 3:6

Nuparapenaveana, te natiari'inapuka ena echamuriana'i plújuana, wá'ipuka náesacha'i tikaemataneana, te wá'ipuka náwara'a'ini náetumechawa'ini, nasuapa'ini eta vímiturapiana'i, viwaneka'e eti te máijare ema Viákenu Jesucristo, wa'i ekuemeña'awa naye'e.

1 Timoteo 3:3

mákani wa'i tawayuaruina eta térakare. Wá'isera makue'ara'i. Mákani wa'i takuwayuaka eta plata.

1 Timoteo 6:5

Tamutu sácheana tikatianarerekana taicha máuripanererura'ana ena, máimatira'ana'i eta yátupikeneana, nawara'a nakawacharapiyare eta naye'e religión, piti wa'i pikupauchawaka ena nani.

2 Juan 1:10

Te natiari'inapuka naitekapaucha'e eti te iúrujisirarewa, te'esera esama apanaina eta naimiturapiana wa'i ekujakapa te epenana wa'iware ekuechejika;

Apocalipsis 2:14

Jukari'isera eta juka piviurewa'i nuye'e: taicha písapawaichucha natiari'i'i ena nanerejiruwana ena echamuriana wa'i náwara'a'ini náinajika eta maimiturapiana ema Balaam, ema maimitukawaka'i ema Balac eta maimiakipaisirayare ena israelitana mawanekaware nanika eta nayujaraure'i te tamira'u eta nasiñarajiana, etapa eta nainajisirawaina eta nae'isiraina ema Viya.

Apocalipsis 2:20

Jukari'isera eta juka piviurewa'i nuye'e: pisapa'i tisiapamuri'a'e esu esenatataji. Esu, wa'i táetupikawa'ini eta suye'erepiana, sukuti'i esu Jezabel eta akane. Tímijachawa'i mawanara ema Tata, suémejekapawacha'isera ena nuchanerana. Suímitukawaka'i nayujarauchawa suye'e, tási'a supamikawa nanika eta tinikakareana nayujaraureana'i te tamira'u eta nasiñarajiana, suímitukawakaware eta natu'usiwayare.

Apocalipsis 21:8

Tikaikuñanayaresera namutu ena tipiturijiana, ena masuapajiraira'ana, ena máeperajiana, ena tikapa'iana, ena tú'usiana, ena iápemareana, ena tikasiñarajiana eta achanemirana, énapa ena tépiya'ira'iana, tikakijianayare namutu ena taye'e eta náikuchi táijurekene táetiraraisina yuku, máitawakaka eta tamuruira, wá'ikene tiúchukanaima'i taye'e.”

Apocalipsis 22:15

Énasera ena masuapajiraira'ana'i wa'i títujikawanaima'i tisiapana, nanasiyare te aneka, énapa ena iápemareana, ena tú'usiana, ena tikapa'iana, ena tikasiñarajiana eta achanemirana, énerichuware ena tiúrikana'i tási'a ena tépiya'ira'iana tikaetemara'iana.