1 Corintios 4:7 - Táurinakene máechejiriruwa’i ema Viya tikaijare

⁷ Taka'e, ¿najina apanaina naijaraka'e'ini eta ekunachakarewa'i naye'e ena apamuriana achaneana? ¿Tamutu eta ekaye'ekene ejakapa'i maye'e ema Viya? Eta taka'e eta émaira'i tijaraka'e tamutu ¿Tája'a takayema ímijachawa'i etijiwa'i ijarakawa eta ekaye'ekeneana?

Ignaciano

⁷ ¿Tájaha tacayema ímija­chavahi éti iúripana nayehe ena apamuriana? Tájina apanaina ecasi­ñavaiya, tacarichu ecasi­ña­vaiyaya tayehe eta máijara­ru­heanahi ema Viya. Váchuripa tíjara­ca­heripa éma eta iúrivanahi, vahi étiji­vai­nahíni iúricha­vahini. Tásiha, ¿tájaha tacayema ecasi­ña­va­vai­ca­richucha éti?

1 Corintios 4:7 ပူးပေါင်းရင်းမြစ်များ

San Lucas 19:13

Te tiyanayarépa, máichu'awakapa ena diéskeneana mamusurana, máijarakawakapa ena eta kamurikene maplatane tási'a, máichawakapa: ‘Ekajurukayare eta juka plata, te nuchawa táimekawaipa.’

San Juan 1:16

Tetavikawa'i eta yátupikenera'i maemunaraiwa'i, vijachapa'i vimutu eta vijarakasiana taye'e eta apana vijarakasiana,

San Juan 3:27

Tási'a, ema Juan majikapawakapa: –Wa'i ekueñamawa. Ema Viya, ema técha'i eta máijarasira'i eta máitukakene'i nákani manerejiruana. Németeaka ema tíjaraka'i ema Viya eta máitupajijiasirawa ema maka Jesús.

Romanos 1:5

Puiti ema Viákenu Jesucristo tijapanunu'i eta matuparasiranu'i eta nuyaniraya nupaikaya te tamutu awasareana, nukametarairuyare'i eta najakapakarewayare'i me Viya namutu ena tisuapanayare ema.

Romanos 12:3

Nuti maye'enu'i apústule ema Viya, tituparakanu'i numetaka'eyare emutu eti, tátupiruwa eta epanereruana wa'i ekupanerecha eta iuriwaina taye'e eta ítukakeneana máijararu'eana'i ema Viya, nakuija nakasiñawawaika.

Romanos 12:6

Ema Viya, apánapaneneji'i eta vítukakeneana eta máijarasira'avi'i eta vématanepachuyare'i máicha. Takamunu'isera wa'i vikuemepururekawa eta vítukakeneana'i máijararu'aviana'i, apaesa táuri eta vikaemataneasiraya, te tíjaraka'avipuka ema eta vítusirayare vikametarairu, vijaneakawainapa, taitauchawa eta vikasiñawaira maye;

1 Corintios 15:10

Tíchu'anu'isera ema Viya, taicha eta máemunasiranusami'i apústulenu'i puiti eta maye'e, wa'isera némepururekawa'ini eta máemunasiranu'i. Jé'eware nuti, nukachurika'i ena apamuriana apústuleana, ichapemuripana'i eta nukaemataneasira'i ema, wa'isera nutijirikawa'ini eta nukaematanera'i, etasera eta máemunasiranu'i ema Viya, tímikatakanu'i, tíjarakanu'i eta nétumechirawa'i.

1 Corintios 3:5

Puiti emétakanu, ¿naja'asika ema Pablo?, ¿naja'awarepuka ema Apolo? Yatupi viti vimituka'e'i, tamutu'isera maye'e'eana'i ema Viya. Wa'i vé'ikakare víti, taicha mawanara'avichucha ema Viákenu Jesús, yátupi víti vímituka'e'i eta ekasiñawairayare'i maye'e ema Viya: Ema Viákenu tíjaraka'avi'i eta vitupara'apachuyare'i:

1 Corintios 5:6

Eti, wa'i táurika'ini ekasiñawawaika'ini. Taicha eti ímatipa eta taechejiriruwa: “Ema makuti'ipa eta lewadura te nanaka te masa eta pan, tayanajika'i tamutu.”

1 Corintios 7:7

Nuwara'a'inéni ákutinu'ini nuti eta mayénarenuira'i. Víjarakasipachusera me Viya eta vítaresiraya. Narari'i ena ajairana máyenareana eta náitaresira. Narari'iware ena esenana máimaruana eta náitaresira. Narari'iware ena apamuriana máijararuichu ema Viya tikaimana.

Santiago 1:17

tamutu eta juka vima'akeneana'i taurikeneana'i, tamutu tiasi'a'i te anuke'e anuma, ema Viya tepiyaka'i eta tiavi'ana te anuma. Ema Viya émaparasaichu'i: eta maye'e tajina titsiwachawaima'i tamutu'i tikaechera taicha eta majaraiwa.

1 Pedro 4:10

Ema Viya tíjaraka'ewakaipa eta ítukakenepachu'i. Taka'e, yátupina ítauchaya eta ekaemataneasirakaka'i te mamira'u.