1 Corintios 4:6 - Táurinakene máechejiriruwa’i ema Viya tikaijare

⁶ Nuparapenaveana, numetaka'e eta juka eta tiúricha'eyare apaesa ákuti eta máuriwa ema Apolo, ákutinuware nuti apana eta núriwa'i, taicha étanaichu'i eta vímiturapiana'i taye'e eta vé'iru'i. Wa'i táurika enerejika'ini nákani émunaruanaya, wakutikakasera eta émunasira'avina viti vímitura'iana'i. Nakuijaware épurukenéna nákani tímitura'iana'i.

Ignaciano

⁶ Nupara­pe­naveana, numetacahe eta juca eta tiúricha­heyare apaesa ácuti eta máuriva ema Apolo, ácuti­nuvare núti apana eta núrivahi, taicha étana­richuhi eta vímitu­ra­pianahi tayehe eta véhiruhi. Vahi táurica enere­ji­cahini nácani émuna­ruanaya. Vácuti­ca­casera eta émuna­si­ra­havina viti vímitu­ra­hianahi. Nacuijavare épuru­quenéna nácani tímitu­ra­hianahi.

1 Corintios 4:6 ပူးပေါင်းရင်းမြစ်များ

Hechos 18:24

Te jena sácheana'i, títekapa'i te awasare Éfeso ema émana juriyu tikaijare Apolo, ema máuchure'i te awasare Alejandría. Máituka'i tikametarairu ema, máimatiware yátupi tamutu eta Takapika'ukene Ajureka.

Hechos 19:1

Manasipa ema Apolo eta te awasare Corinto, ema Pablo tianukupaikapa eta te máriripa'i, taka'e títekapapa te awasare Éfeso, te jena awasare natiari'i ena apamuriana tisuapajira'iana'i.

Romanos 12:3

Nuti maye'enu'i apústule ema Viya, tituparakanu'i numetaka'eyare emutu eti, tátupiruwa eta epanereruana wa'i ekupanerecha eta iuriwaina taye'e eta ítukakeneana máijararu'eana'i ema Viya, nakuija nakasiñawawaika.

1 Corintios 1:12

Nuwara'a nimikaecheracha'e, natiari'ira'i eye'e eti ena tika'eana: “Víti viúripana'i viti vé'ikana'i ema Pablo”, ena apamuriana éneichuware naka'e'i: “Vítira viúripana'i viti vé'ikana'i ema Apolo”; ena apamuriana éneichuwareji naka'e'i: “Jé'ewaresera víti viúripana'i viti vé'ikana'i ema Cefas”, ena apamurianaware naka'ewa: “Vítira viápajupanawa'i viúripana'i viti vé'ikana'i ema Cristo.”

1 Corintios 1:19

Taicha taka'e'i eta maechejiriruwa ema Viya te Takapika'ukene Ajureka: “Tamapuruji'i eta náitukakeneanaini ena títupajiji'anaini'i, nukamitiakayarewa eta náechemaraiwana'i ena techemara'ianaini.”

1 Corintios 1:31

Tawara'a vítaucha eta táechejiriruwana'i eta Takapika'ukene Ajureka, ani taka'e: “Wa'i vítijiwaima'i vikasiñawawika taicha eta vítupajijiasirawana, ema vikunachayare ema Viákenu taicha ema tiúricha'avi'i.”

1 Corintios 13:4

Té'esera yátupi'i vémunara'i, vikamichayare tamutu, vijapanura'iyare. Wa'i vikapinaruima'i nákani. Wá'iware pínkanilla'avima'i. Wá'iware vikasiñawawaikaima'i,

1 Corintios 3:19

Taicha eta náitukakeneana'i ena achaneana te juka apake'e, súnsurupianachucha eta máimaira'i ema Viya. Taicha eta Takapika'ukene Ajureka, taka'e'i: “Ena tímijachawana'i náimatiekene'a, énajiwachucha tímiakipaikawana'i maicha ema Viya, taicha eta namáetupisirawana'i.”

1 Corintios 3:21

Táitusiawa, wa'i tiuri ekasiñawawaika'ini. Wa'i étupikawa eta e'isirawaka'i ena enerejiruana'i é'ika.

1 Corintios 5:2

Esapi'aichucha eti, ¡tétavikawa'i eta ekasiñawawaisira'i! ¡Iúri'aipa etsiri'apaini, táichavene'i eta máichakene'i ema echamuri! ¡Iúri'aipaware étupirika'ini ema maka! Taicha tituparaka'avi vikuchukayare te vimuri nákani téjekapawana'i.

1 Corintios 5:6

Eti, wa'i táurika'ini ekasiñawawaika'ini. Taicha eti ímatipa eta taechejiriruwa: “Ema makuti'ipa eta lewadura te nanaka te masa eta pan, tayanajika'i tamutu.”

1 Corintios 8:1

Puiti numetaka'eya eta táicharakawa'i eta enisira eta tinikakareana nayujaraure'i te tamira'u eta nasiñarajiana. Vimutu viti vímatiekene'a tájinachucha táimanena eta juka. Wa'isera wákasiñawaima'i eta vítusira'i. Takamunu'isera eta vémunasirawaka ena vichamuriana, vímikatasirakakaya.

1 Corintios 9:23

Nuti nítaucha'i tamutu eta júkana apaesa najakapa eta tapachinakene máechejiriruwa ema Viya, apaesa wákutikakapaini wámutu'ini vijakapa eta viúriwayare maicha ema Viya.

2 Corintios 10:12

Nuti wa'i nímikutichaima'i naye'e ena tímijachawana'i tikunachakareanapana'i. Ena nani énajirikawaichucha tikunachawana, tímijachawana'i nájina tikachurikanaina ena. Mapachichijikawana'i eta juka náichakene'i.

2 Corintios 10:15

Wá'isera nukunachawaima'i taye'e eta apaematane'i násapi'a'ipukaini. Nuwara'asera tápajukawa'ini eta esuapajiraiwaina maye'e ema Viya. Nuwara'aware nímituka'eyare eta apamuriana yátupikeneana, nítauchiraina eta nukatupara'aira'i. Tájina wa'i nétaviviriakawa'ini eta nusuapakarewa'i eta eye'e.

2 Corintios 10:7

Eti ímijachaipapuka tájinakenenu'i nítupajijiasirawaina'ini, eta ímairanu'i. Németeakaware natiari'i ena tikunachawana'i machanerana'i ema Cristo. Nuwara'asera náimatinu'ini eta machanerairanu'i nuti apanawa.

2 Corintios 11:4

Ímikatisamurechanu'i eta esuapirawane'i ena tépiya'ira'iana, apápipa'i eta nametarairu taye'e eta náuchukuiraya. Nuti, éma'i ema Jesucristo ema néchejisi'asa'i, ena, apana'i ema náechejisi'a'i. Émaipa ema Machanewa Viya, wá'iware émaina'ini náechejisi'a'ini, eti ejákapaipa'i ema.

2 Corintios 12:19

Eti ímijachaipapuka nutanuka'i eta nukatiuchirawayare'i eta eye'e. Wá'isera táka'e'ini. Wa'i táka'e'ini, taicha nuti nutupiruwa'i eta néchejisira'e'i te mamira'u ema Viya étapa te máijare ema Cristo, nuwaraira'i tajuruka'ini eta táuriwaina eta iáchanewana, eti némunarukeneana'i nuchamuriana.

2 Corintios 12:20

Nuti, te níteka eta ara eye'e, nupika'i wa'i núrikaima'i áka'ema'i'ini eta nuchimapira'eya, e'ajirikaka, ekapinarukaka, esemajirikaka, íputsimuriákaka, épiyekenerejirikaka, iúme'ajirikaka, ekasiñawawairika, wá'ipuka takuakejirikaka'i eta epanereruana.

2 Corintios 12:6

Yátupi'ineni eta nukunachakarewa'i, wá'isera nukajamurawa'ini, taicha tájina nímati'ini nutanuka eta nakunachiranu'ini ena achaneana, nuwara'asera nanekapaekene'a'ini eta táuriwa'i eta nítaresira'i,

2 Corintios 4:15

Tamutu eta juka víchawakenewana'i, táma'i eta iúriwayare'i. Taicha viwara'a'i eti esimutukeneana'i ejakapa'ini eta iúriwayare máijararu'e'i ema Viya, apaesa ámutu'iwareni eti esimutukeneana'i e'asulupayacha'ini ema, ekunacha'iwareni.

Colosenses 2:18

Eta taka'e, wa'i ekusuapa ena nákani nawara'a típikarareka'eana, te náicha'epuka, wa'i tiuri eta juka é'iru'i, wá'isera ekusuapawaka, te tikamesajirika'eana'ipuka éstakawa, étapa eta ejirauchirainaji ena ángeleana, timijachawana'i tiuriana, tímijachawanapa máechejikawaka ema Viya, naepiya'iraiwachuchasera, etachucha napanerecha eta nakasiñawawaisira, etapa eta tamaurikeneana.

1 Tesalonicenses 1:5

Taicha te vímituka'epa eta máechejiriruwa ema Viya, eti etupiruwa'i ejákapa eta vimetarairuana, taicha ema Machanewa Viya tinakasamurecha'e'i eta táuriwa'i esama eta vímitusira'e'i. Ímati'avi'i eta mawanesira'avi'i ema Viya. Íma'a'iware eta viúriwa'i eye'e.

2 Timoteo 2:10

Nukamicha'isera tamutu eta náichiranu'i, nuwaraira'i nasuapa'ini nákani máichu'akeneánayarepa'i ema Viákenu Jesucristo, apaesa náuchuku'a'ini ena apanawa, náitujikawa'ini nasiapa taye'e eta táurikakarekene máwasa, máichekuarakirenapa eta vikachaneraya ema.