1 Corintios 4:5 - Táurinakene máechejiriruwa’i ema Viya tikaijare

⁵ Eta taka'e, wa'i táurika'ini tatiwaina'ini ekaune'ini eta júkana, te wicha'a ímatiekene'a'i, ekuchapaya eta mápechirawayare títeka ema Viákenu, ema tímikaecherachayare eta tayumururewa'i te timapiku, ema tímereucha'aviya eta vipanereruana te visamureanapachu. Taka'e, ema Viya tikunacha'avinapa eta viúriwana'i.

Ignaciano

⁵ Eta tacahe, vahi táuricahini tativai­nahini ecaunehini eta júcana, te vuíchaha ímatie­que­nehahi. Ecuchapaya eta mápechi­ra­vayare títeca ema Viáquenu. Éma tímicae­che­ra­chayare eta tayumu­ru­revahi te timapicu. Éma tímereu­cha­haviya eta vipane­reruana te visamu­rea­napachu. Tacahe, ema Viya ticuna­cha­ha­vinapa eta viúrivanahi.

1 Corintios 4:5 ပူးပေါင်းရင်းမြစ်များ

San Mateo 10:26

“Wá'isera ekupikawaka ena achaneana. Taicha tajina tiyumurukawaima'i eta naeñaureana, tamutuyare'i téchakareya, tájinaware tépakuchaima'i jákani nayumurureana, tamutuyare'i téchakareya.

San Mateo 24:30

Taka'e, tikaecherainapa te anuma eta ekutiarareya, maye'e ema Machicha ema Ajaira, tási'a tíya'anainapa eta napisira namutu ena achaneana táwakuana'i eta awasareana te apake'e, tási'a, naíma'ainapa ema Machicha ema ajaira, támainapaipa eta úkajiana taye'e eta anuma, tétavikawayare eta majaraiwayarepa'i.

San Mateo 24:46

Tétavikawa eta máurikakarewaya ema maka tikatupara'a'i, te tamutu'i máitaucha'i jákani machimapirana ema mákenu.

San Mateo 25:21

Ema náeja'aru máichapa: ‘Tiuri, tájina táichawa tétavikawa eta piúriwa piti numusura. Puiti nutuparakavinapa eta kamurikene, pisiapa eta nuye'e, piúrisamurerekawainapa.’

San Mateo 25:23

Ema maeja'aru máichawarepa: ‘Tiuri, tétavikawa eta piúriwa píti apana. Pisiapainapa eta nuye'e, piurisamurerekainapa.’

San Lucas 6:37

“Wa'i ekunema'i eta náejekapirawana ena apamuriana, machu étaina táimikuñaka'e eti me Viya. Te máejekapawapuka mákani achane, wa'i ekuwara'a makaikuñawane, apaesa wa'i makuikuñaka'e eti ema Viya. Ejapanu ena téjekapawana eye'e, apaesa majapanu'e ema Viya.

San Juan 21:22

Ema Jesús majikapapa: –Nuti nécha te nuwara'apuka máitareka máima'ayare eta nápechirawayare nuchavirayare, pitisera wa'i pikuimisiapawa, píti pítaucha tamutu eta nutuparasiraviana takuija ta'apapirika'ini eta pé'isiranu'i.

San Juan 21:23

Taka'e, ena machamuriana, ichapeine'i eta napanerekene'aira'i eta mamaepenirayare'i. Wá'isera mametaka'ini eta mamaepenirayare'i, takarichu maka'e'i: “Te nuwara'apuka nuti máitareka máima'ayare eta nápechirawayare nuchavirayare, pitisera wa'i pikuimisiapawa”

San Juan 5:44

Eti, wa'i esuapanu'ini taicha eta ewaraira'i ekunachakarewa ena achaneana. Esapi'achucha eti wa'i áwara'a'ini ekunachakare me Viya.

Romanos 14:4

Wa'i ekuimijachawaima'i étina'i échawaka eyaseserekara'i ena machanerana'i ema Viya. Ema, téchawaka'i ena mawanarana'i. Máimararaka'i eta táuriwa'i náicha, makunachawaka'i ena. Te wá'ipuka, émaina'i techa eta máemechirawakaya.

Romanos 2:1

Étiari'isera eti ímijacha'i tájina eviurewaima'i eta wa'i ákutima'i ena apamuriana. Ímijachawa'i tájina epekaturaina. Eti ekaeka'iwaka'i ena tíchana'i eta tamaurikeneana'i. Wá'isera étupikawa'ini eta ekaeka'ira'i, taicha éti'ichu'i nakutikeneana'i eta íchakeneana.

Romanos 2:16

járajapa eta sácheyare, tikayasesere'ianainapa namutu ena achaneana te mamira'u ema Viákenu Jesucristo. Ema, máimatiya tamutu eta náichakeneana tayumururewana'i. Étaichu'i eta numetarapi'i te nukametarairupa.

Romanos 2:29

Nákanisera yátupikene'i eta nasuapajiraiwa, jé'eware ena juriyuana wa'i tákamesaima'i nanaka eta naikutiarana te náke'eana, taicha ena yátupikene'i nama te nasamureana: Wa'i étaparakina eta naitauchiraya eta naye'erepiana, taicha eta juka tiasi'a me Viya, wa'i napanereruina ena achaneana.

Romanos 2:7

Ema maíjarakawakainapa, máichekuarakireyare eta naítaresiraya, ena tikuchapawanaya eta nasiapiraya eta te majaraiwa'i ema Viya, ena tepiyakana'i eta taurikene;

1 Corintios 1:7

Tamutuipa tíjaraka'e'i ema Viya, tájinapa iátajiwaina'ini eta ítupajijiasirawaipa'i. Étanecha ekuchapayare eta jena sacheyare machavirayare ema Viákenu Jesucristo.

1 Corintios 11:16

Te natiari'inapuka nákani wa'i nawara'a nasama eta juka nímiturapi'i, takamunu'i napanerechinawayare tatiwaina. Tájina vímatiya'ini eta apaye'erepi. Énaipa namutu ena vichamuriana, tájina apanaina naye'erepina'ini.

1 Corintios 11:26

Taka'e te vénikaka eta pan étapa eta vésichakaka eta wasu, vémecha'i eta maepenira ema Viákenu. Tiámainukawa te mápechawaware máiteka.

1 Corintios 15:23

Táejarurewa'i eta juka. Tínapuka'i ema Cristo téchepuka. Ema ekutiarare'i viye'e. Tási'a, te mápechawaware máiteka te juka apake'e, énainapa téchepukanayare ena náepenakeneanaipa machanerana'i.

1 Corintios 3:13

Taicha tatiari'iyare eta sácheyare maitsamarekaya te yuku eta vemataneana'i, máima'ayare ema Viya eta vémataneanapachu, te wa'i táurini, eta mayukune taijuchayare eta vemataneana'i.

1 Corintios 3:14

Te tiúri'i eta vémataneana'i, ema Viya tíjaraka'aviya eta táitsiwayare eta vématanerepi'i.

1 Corintios 3:8

Nuti, émapa ema Apolo, vikutikaka'i vínuna'i eta vikaematanera'i, vitupara'apachu'isera, ema Viya tíjaraka'aviya eta víkuchianapachu, te tiúri'i eta vikáematanerana.

2 Corintios 10:18

Taicha mákani achane, te yátupi'i eta makunachakarewa'i, wa'i émajiwaima'i tikunachawa. Émayare'i ema Viya tikunachayare'i.

2 Corintios 10:9

Numetaka'e'i eta juka, wá'isera tákarichuima'i nípikarareka'e'ini eta te najure.

2 Corintios 4:2

Víti, tájina vímatiya'ini viyumurujirika'ini eta víchakeneana, wá'isera vícha'ini eta titsiri'akareana, wá'isera viútserurupina'ipukaini vi'apapika'ipukaini eta máimiturapiana ema Viya, taicha viwara'a vikurisamurechaya ema, tamutu'i véchejisi'a'i eta yátupikeneana. Jé'esare, viwara'a nakaikutiara'ini ena achaneana eta vímiturapiana'i tási'akeneana'i me Viya.

2 Corintios 5:10

Taicha vimutu vímerekawayare te mamira'u ema Cristo te máwakureyare, ánaki tímatikareyare tamutu eta víchakeneanapachu'i puiti juka vítaresiraicha'a, te vícha'ipuka eta táurikeneana, te éta'ipuka eta tamaurikeneana, te vícha'ipuka eta táurikeneana, vijakapainapa eta víkuchianapa'i.

1 Tesalonicenses 5:2

Takutiyare mákani tiámereka te yati, nájina tinekapaina, ene taka'eyare eta máitesirayare ema Viákenu, wá'isera vécha tájamu'uyarepuka.

Hebreo 4:13

Ema Viya máimararaka'i tamutu, tájina wa'i virata'aima'i viyumuruka eta víchakeneana'i. Tamutuyare'i tiúchujika te mamira'u ema te máichu'a'avipa eta vimetauresirawayare maye'e.

Santiago 4:11

Nuparapenaveana, wa'i ekuechejika maye'e mákani echamuri'i. Taicha mákani téchejika'i maye'e mákani machamuri mapanararachapuka, émaipa máepururipa'i eta mawanairipi tási'a mapanararchaipa'i. Etasera eta napanararacha eta wanairipi, timikutijirikawapa émaina'ini takenuina'ini, taicha wa'i masuapa'ini.

Santiago 5:7

Étisera, nuparapeanaveana, ekamichayare tamutu, táichavene'i eta ekuchapira'i eta machavirayare ema Viákenu. Ekutiyare mákani achane tikaematanera'i makamicha'i tamutu eta makatajiwairana. Tiámainukawa te tiúchuku'apa eta máewaru, mapaenumawapa majakapa eta makuchapakene'i máewaraki.

Santiago 5:9

Nuparapenaveana, wa'i ekukicha eta tájiparakana naye'e ena echamuriana. Wá'isera ekuemeteaka ena, apaesa takuija eta táimikatsiriaka'e te ekayasesere'ipa te mamira'u ema Viya. Échaichu'i eti eta táne'irapa eta máuchujisirayare ema Juez, ekayasesere'inapa.

1 Pedro 1:7

Ema Viya máisapa'i eta juka ekatajiwairana, mawaraira'i ímereuchawayare eta yátupikene'i eta ekasiñawaira'i eta maye'e. Ekutiyare eta uru te nakaitsamaraji te yuku te yátupi'ipuka étakene'i. Étisera étaviviriaka'i eta tatumewa eta uru, taicha eta uru títawayare'i, témitiakayare'i. Te wa'i ekainajiruwa eta ekasiñawaira'i maye'e ema Viákenu, tétavikawayare eta ekunachakarewayare'i maye'e ema eta machimapira'eyare te machawa.

1 Pedro 5:4

Taka'e te machawapa ema yátupikene Pastor eta viye'e, tétavikawaya eta makunachira'eya. Tíjaraka'enapa eta íkuchi'i, máitawakakainapa eta ekachaneraya ema te mávi'a'i eta te majaraiwa'i.

2 Pedro 3:12

Etátajirika eta ekuchapiraina, eta jena sacheyare maikuñasirayare ema Viya eta juka apake'e. Jena sache maikuñakainapa te yuku eta anuma, tási'a temiririjikanainapa eta jarairikiana.

2 Pedro 3:4

áninapa naka'eyarekacha: “¿Táicharakawa eta juka ekuchapakene'i, wícha'akaru machawa'ini ema Cristo, ímijachakene'i tichawawaneyare'i? Taicha puiti takuti'ichu'i eta náitaresiraini'i ena viáchukanaveanaini. Tanasi'ichu'i eta táepanirawa'i akane eta apake'e. Wa'i táitsiwachawa'ini.”

San Judas 1:14

Ema Enoc ema maekenereru, mae'iru ema Adán, maechejikapa ena achaneana maichawapa: “Níma'a'i, ema Tata Viya makachanemuripa'i maverakeneana ena maye'eana ángeleana.

Apocalipsis 1:7

¡Íma'a, márajapainapa ema Cristo támayarepa'i eta úkaji! Namutuyare nanekapa ena achaneana te juka apake'e, tási'a, tipikanainapa ena tijarachana'i; tási'a namutu ena tiavi'ana'i te apake'e tíya'a'akawanainapa eta naimairayare. Eta taka'eyare eta juka, amén.

Apocalipsis 20:12

Tási'a níma'awarepa namutu ena náepenakeneanaini, ena amaperuana, énapa ena ichanaruana, namutu titupi'ana'i te mamira'u ema Viya téjaka'i te trono, tási'a tatiari'i eta libro tiama eta najukunana ena náitareruanaya. Tatiari'iware eta apamuriana libro takajuiya'i eta náichawakenewana'i ena achaneana.