1 Corintios 4:12 - Táurinakene máechejiriruwa’i ema Viya tikaijare

¹² Vikávitarakawa'i te viwa'uana eta vikaematanera. Ena achaneana tewajiriaka'aviana'i. Vítisera tájina wákayema'ini naye'e, tiúri'i eta vijikapirawaka'i ena, tipanajirika'aviana, vítisera vikamicha'i tamutu.

Ignaciano

¹² Vicávi­ta­ra­cávahi te vivahuana eta vicaema­tanera. Ena achaneana ticaja­cha­cha­ji­ca­haviana. Vítisera tájina vácaye­mahini nayehe. Tiúrihi eta vijica­pi­ra­vacahi éna. Tipana­ji­ri­ca­ha­vianapa, vítisera vicamichahi tamutu.

1 Corintios 4:12 ပူးပေါင်းရင်းမြစ်များ

San Mateo 5:11

“Tétavikawa eta náurikakarewaya ena, te naichanaka'e, nápanararacha'e ena achaneana taichavene eta e'isiranu'i, étapa eta naepiyaikene'a'erana.

San Mateo 5:44

Nútisera numetaka'e: Émunakayare nákani tikatianaka'eana'i, eyujarauchayare nákani tipanajirika'eana'i.

San Lucas 23:34

Ema Jesús maka'epa: “Tata, pajapanuwaka ena nani, taicha wa'i nákaikutiara'ini eta juka náichiranu'i.” Tási'a ena suntaruana nasuerte'achapa eta mamuiri'aini ema Jesús, eta náijarajirisirakaka'i.

San Lucas 6:28

Eyaseaka ema Viya eta nayujara'uina nákani téchejikana'i eye'e.

San Juan 15:20

Échawaware eta juka numetaru'e'i: ‘Nájina emanaina ema nakajurure, nakutinasi'ini ema makenu.’ Nuti tikatianakanuana'i, ene eka'eyare'i eti, eta nakatianasira'eyarewa, tási'a te esuapa'ipuka eta nechejiriruwa, éneichuware étijikakayare esuapakakayare.

Hechos 18:3

tási'a énapa máwayechawaka'i, tikutikakana'i eta náematanerepiana tálabarteroana, tímikatakakanapa eta nakaematanera'i.

Hechos 20:34

ímararakanu'i eti eta táichararakawa'i eta nukaematanera, nukaematane'i tiási'ana'i te nuwa'uana, nuviya'i eta nukamunukeneana, énapa ena tímikatakanuana'i.

Hechos 7:60

Eta mákipaisirawa'i, tépuyukapa tipiarakapa muraka. Ánipa maka'e: “¡Tata, wa'i pikuikuñakawaka ena nani eta juka náichiranu'i napekatura'i!” Te títapirikapa eta mayujarasira'i, tépenapa.

Romanos 12:14

Te natiari'inapuka nákani náe'a'e, napanajirika'epuka, ejapanuyare ena. Eyaseuchaya me Viya eta náurikakarewaina. Wá'isera ekuyaseucha jákani náikuñawanena.

Romanos 12:20

Ániware maka'e ema: “Te píma'a máeku'apa'i mákani tikatianakavi'i, pénikayare. Te mamaunepa'ipuka, pésichayare. Eta máimairaina'i eta pémunasira'i, tikatisamurewainapa titsiri'ainapa.”

Romanos 8:35

Ema Jesucristo, wa'i máinajikaima'i eta máemunasira'avi'i. Tási'a, yátupina eta vikasiñairaina ema. Tayanapanepuka vikatajiwa'i, véku'apuka, te vítaji'apuka, wa'i vikainajiruka'ini máicha. Te típikarareka'avianapuka, te tipanajika'avianapuka, te nawara'apuka tikapaka'aviana, wá'ikenesera vikainajiruwa'ini máicha.

1 Corintios 9:6

¿Eti, ímijachaipapuka nuti émapa ema Bernabé, vikarichu'i wa'i tatuparaka'avi'ini eta ítatira'avina'ini eta vikametarairuira'i?

2 Corintios 11:8

Wá'isera nuyaseaka'e'ipukaini eta nunikakenerepi eta nímitusira'e'i. Yátupi tíjarakanuana'i ena apamuriana vichamuriana eta nénisiawayare.

Efesios 4:28

Mákani tiámera'ini'i, waipa makuapechawa makuamereka. Mákaematane apaesa makunachakare, apaesaware eta jákani máematanewachayare eta maviyi'ayare eta makajirayare ena tikamunuwana'i.

1 Tesalonicenses 2:9

Nuparapenaveana, te vinasikeneipa eta eye'e, eta vikametarairuira'i eta máechejiriruwa ema Viya, ímararaka'avichu'i eti eta vikaematanera'i muraka eta vítatijirisirawa'i. Tamutu'i sácheana, yátiana vikaematane'i, taicha wa'i wáwara'a'ini vétsepanaraka'e'ini eta vinikakenerepi.

2 Tesalonicenses 3:8

wá'isera vinikairi'i'ini te epenana. Víti vikaematane'i muraka eta vítatijirisirawa'i. Tamutu sácheana, yátiana, vikaematane'i, taicha wa'i wáwara'a'ini vétsepanaraka'e'ini eta vinikakenerepi.

1 Timoteo 4:10

Taicha yátupikene eta echéjirirukawa, ema vikasiñakene'i yátupikene'i Viya. Ema, técha'avi vimutu viti achaneana. Vivetiji viti vé'ikanaipa ema, tétavikawa'i eta makatiuchira'avipa'i.

1 Pedro 2:23

Te napanararauchapa, ema, wa'i makapaemachawaka'ini, makatitiema'ipukaini eta náemekatajiwachira'i. Máechejika'isera ema Maiya, máima'aine'i ema. Taicha yátupi'i eta máikuñasirawakaya ena témekatajiwachana'i.

1 Pedro 3:14

Tijurikati natiari'ipuka ena tikatianaka'eana'i táichavene'i eta táuriwa'i eta ítaresira'i, tási'a, tétavikawaya eta iúrikakarewa. Wá'isera ekupika jákani náichira'epuka, wá'iware iáwamira'uima'i naye'e,

1 Pedro 3:9

Tijurikati natupiaka'epuka, náume'a'e, wá'isera ekujikapa, eyaseakachucha ema Viya eta náurikakarewaina, taicha mawara'a ema Viya vijapanura'iyare'i víti, vikutiyare ema eta majapanuraiwa'i, tatiari'iyare táitsiwayare viye'e máicha.

1 Pedro 4:19

Puiti viti vé'ikana'i ema Cristo, ichape eta vikatajiwaira'i, wá'isera vikainajiruwaima'i, vímiyanawayare'i vicha eta táurikeneana, wákasiñawa maye'e ema Vikaiyakene eta majaneasira'avi'iware, taicha ema, tétavikawa'i eta máitauraiwa'i.

San Judas 1:9

Ema Arcángel Miguel makanarapa ema wínaraji eta makatiuchira'i eta make'e ema viyara'aini Moisés, wá'iware makajachareka'ini maume'aini. Ánipa máicha: Maima'avine ema viákenu.