1 Corintios 3:5 - Táurinakene máechejiriruwa’i ema Viya tikaijare

⁵ Puiti emétakanu, ¿naja'asika ema Pablo?, ¿naja'awarepuka ema Apolo? Yatupi viti vimituka'e'i, tamutu'isera maye'e'eana'i ema Viya. Wa'i vé'ikakare víti, taicha mawanara'avichucha ema Viákenu Jesús, yátupi víti vímituka'e'i eta ekasiñawairayare'i maye'e ema Viya: Ema Viákenu tíjaraka'avi'i eta vitupara'apachuyare'i:

Ignaciano

⁵ Váhira nútina­yarehi éhica nuti Pablo. Váhivare émaimahi ema maca Apolo éhicayare. Vahi véhicacare víti, taicha mavana­ra­ha­vichucha ema Viáquenu Jesús. Yátupi víti vímitu­cahehi. Tamutu­hisera mayeheanahi ema Viya eta esama­que­neanahi. Ema Viáquenu tíjara­ca­havihi eta vitupa­ra­ha­pa­chu­yarehi.

1 Corintios 3:5 ပူးပေါင်းရင်းမြစ်များ

San Mateo 25:15

Ema émana máijarakapa cinco mil. Ema apana máijarakapa apina millone. Ema apana máijarakapa étana millone. Taka'e, ema riku tiyanapa te makaiju'eyare'i.

San Lucas 1:2

Tamutu eta nájuekene'aira'i, taicha tamutu'i nukayasesereru naye'e ena tinekapaekene'ana'i, tíma'ana'i eta apaikape te táepanirawa'i eta máitaresira'i ema Viákenu.

San Juan 3:27

Tási'a, ema Juan majikapawakapa: –Wa'i ekueñamawa. Ema Viya, ema técha'i eta máijarasira'i eta máitukakene'i nákani manerejiruana. Németeaka ema tíjaraka'i ema Viya eta máitupajijiasirawa ema maka Jesús.

Hechos 18:24

Te jena sácheana'i, títekapa'i te awasare Éfeso ema émana juriyu tikaijare Apolo, ema máuchure'i te awasare Alejandría. Máituka'i tikametarairu ema, máimatiware yátupi tamutu eta Takapika'ukene Ajureka.

Hechos 19:1

Manasipa ema Apolo eta te awasare Corinto, ema Pablo tianukupaikapa eta te máriripa'i, taka'e títekapapa te awasare Éfeso, te jena awasare natiari'i ena apamuriana tisuapajira'iana'i.

Romanos 15:16

Ema, tituparakanu'i eta nuyanirayare nupaipika te tamutu awasareana, nukametarairuiraya naye'e namutu ena achaneana eta najakapakareipa'i me Viya eta nakasiñawaira'i eta maye'e. Tituparakanu'iware eta nujaneasira'eyare emutu eti esuapana'i ema. Tási'a, nuwara'a nuti nímereka'eya te mamira'u ema Viya te jena sache tikutiyare'i námawa'u'e. Ema tiúrisamurenapa eta majakapira'eya, taicha máepachiaru'eipa'i ema Machanewa Viya.

1 Corintios 12:28

Énerichuware, ema Viya tituparaka'avipachu eta viáwakurepachu'i, mawaraira'i vijaneaka'eyare eti vichamuriana, machanerana'i. Énapa ena profetana, énapa ena tímiturekara'iana'i eta máechajiriruwana ema Viya, énapa ena títuruekene'ana'i nakuchuka eta tiáramikareana, énapa ena tikanararekana'i ena nakajumakeneana, énapa ena tímikatara'iana'i naye'e ena nakamunukenéwana, énapa ena tiúriana'i eta nakawanairipirana, énapa ena tiúri'ichu eta náechejisi'a eta apaechejiriruwana, énapa ena títukana'i nápepika eta apaechejiriruwana.

1 Corintios 16:12

Nuwara'a'iwaréni mayana'ini ema vichamuri Apolo eta ara eye'e, máe'ikawaka'ini ena tiámana'i eta najure'i. Wa'isera máisapawa'ini mayana'ini puiti. Te'énaineware apa'enaware, mayanapa.

1 Corintios 3:10

Ema Viya, eta majapanuiranu'i tinakanupa tímikutijirikawaipa'i nutina'ini maestronuina'ini nunakuchaipasera eta peti, tási'a ena apamuriana naimiyanapa eta emátaneka, tasi'asera viti vikuneuchawayasera eta vepiyaresira eta peti,

1 Corintios 3:22

Ema Apolo, émapa ema Pedro, nútipa nuti Pablo. Ekamapurawa eta ítaresiraicha'a te juka apake'e. Jarari'iyare'i eta iúrikakarewa puiti étapa eta sácheana vikaiju'ekeneana. Waipa ekupika eta épeniraya,

1 Corintios 3:7

Táitaurewakene núti'ineni néwaka'i te esamureana eta echéjirirukawana, tájinasera wa'i nútina nécha'e, 'emaipa ema Apolo, ema timituka'e'i, wá'iware émaina técha'e. Émara ema Viya, ema técha'i tamutu eta juka tajurusiraya.

1 Corintios 9:17

Taicha nuti, wa'i nútijiwaina'ini níjarakawa'ini maye'e ema Viákenu eta nukametarairuiraya, étapapukaini nujakapi'a'ini eta nuwachayare'i eta maye'e. Nuwanekasiwa'isera me Viya eta matuparasiranu'i eta juka némataneyare'i.

2 Corintios 11:23

Ena, tímijachawana'i mawanarana ema Cristo. Nútisera, jé'ewarekenenu'i mawanaranu'i ema. Eta juka nukaemataneasira'i me Viya, témestakanu'i, témeratakanu'iware. Éneichuware ichapemuri'i eta táimikapasiranuyare'ini.

2 Corintios 3:3

Émakene ema Cristo, ema tiájucha'i, taicha tíjaraka'e'i ema Machanewa Viya máitsiwacha'eyare'i eta ítaresirana tiuriyare'i eta esamureana. Puiti juka eta ítaresira'i, tájinapa étaparakaina esuapa'ini eta wanairipiana takajukene'i akane te márime tabla.

2 Corintios 3:6

Émakene'i tituparaka'avi vikametarairuyare'i eta arairu matratune. Wa'i étaina'ini nupamika'eyare eta esuapirayare'i eta wanairipiana. Taicha makaejakapa eta arairu maechejiriruwa ema Viya, tíjaraka'e'i emutu ema Machanewa Viya, máitsiwachina'eyare eta ítaresirana, arairuinapa. Étasera eta wanairipi takarichu táimiwanereka'i eta náepeniraya ena téjekapawana.

2 Corintios 4:1

Eta taka'e, wá'ikene viyakujiekene'awaima'i eta vikametarairuira, taicha ema Viya tímecha'avi'i eta máemunaraiwa eta matuparasira'avi'i eta juka vikaemataneasirayare'i ema.

2 Corintios 4:5

Te vikametarairu víti, wa'i vítina'ini vikunachawa'ini, viwara'a'ini é'ika'avi. Viwara'a'isera esuapa'ini ema Jesucristo, ekakenuyare'iware ema. Víti wanairuka'avichucha eta eye'e, taicha vikaemataneaka'i ema Jesús.

2 Corintios 4:7

Eta juka vé'iru'i vímiturapiana'i, tétavikawa'i eta takunachakarewa'i, wa'i vítina'ini vikunachakare'ini, taicha viti páureanasami, vikutichucha eta muñeka náipune, émasera ema Viya máimereka'i eta máitupajijiasirawa'i, máijarasirapa eta tatumewayare'i eta viáke'e, wá'isera vítijiwaina'ini.

2 Corintios 5:18

Ema Viya, tétavikawa'i eta máuriwa'i eta viye'e. Ema, mawara'a'i vipauchayare'i ema. Mawara'a'iware makaepa'ayare'ini eta vipikakarasirawa'i eta víkuñayare táichavene'i eta vipekaturana.

2 Corintios 6:1

Tási'a, viti mawanara'avi'i ema Viya, viyaseaka'eyare ímiyanawa tauri eta é'isira'i ema. Wa'i ekuemepurureka eta máemunasira'e'i, majakapira'e'iware.

2 Corintios 6:4

Eta taka'e, ichape eta néchapirawa'i te nímitureka. Nímerekawa'i yátupi eta mawanaranuira'i ema Viya. Ichapemuri nukamichira'i eta nukatajiwairana, étapa eta takajerawana eta nítatijirisirawa,

Efesios 3:7

Tétavikawa'i eta majapanuiranu'i ema Viya nútisamipa máichu'akene'i eta nukametarairuyare'i eye'e, tási'a ema, tétavikawa'iware eta máetumechiranu'i te tamutu eta nukametarairuira'i, eta maimeresira'i eta maitupajijiasirawa'i.

Colosenses 1:23

Taka'e, nuwara'a étumechawayarechucha, ímiyanawa táuri eta é'isira'i. Wa'i ekuyakujiekene'awa eta ekuchapira'i eta iúchukuiraya. Wa'i ekuemepurureka eta esuapiraipa'i eta máechejiriruwa ema Viya. Tétavikawa'i tasuapakarewa'i naye'e namutu ena achaneana te juka apake'e. Núti'ipa nuti Pablo wanairukakenenu'i, étaichu'iware taka'e'i eta nukametarairuira'i.

Colosenses 1:25

Taicha tituparakanu'i ema Viya eta néchapajirika'eyare'i emutu eti. Nuwanekasiwa'i maye'e eta nímitusira'eyare tamutu eta máechejiriruwana.

1 Timoteo 1:12

Nuti nu'asulupayacha ema Viákenu Jesucristo, taicha eta máichuiranu'i mawanaranuyare'i, tétumechanu'i yátupi taicha máima'a'i eta nítauchirayare'i eta nutuparakasiwayare'i maye'e,

1 Pedro 4:10

Ema Viya tíjaraka'ewakaipa eta ítukakenepachu'i. Taka'e, yátupina ítauchaya eta ekaemataneasirakaka'i te mamira'u.