1 Corintios 3:16 - Táurinakene máechejiriruwa’i ema Viya tikaijare

¹⁶ ¿Échaichu'i eti eta máwa'asira'e'i ema Machanewa Viya, eti maye'e'i templo ema Viya?

Ignaciano

^16-17 Écharichuhi éti eta mávahá­si­rahehi ema Espíritu Santo. Éti ecutihi mayehehi templo ema Viya, étarichuhi eta máucupai­si­rarehi máemuna­ru­quenehi. Éma, máicuña­cayare muraca nácani tijara­re­canahi éta. Táitusiava, ejaneacava éti, machu ejarareca eta iúrujia­si­ra­cacahi, ímiyu­semaca ema Viya.­

1 Corintios 3:16 ပူးပေါင်းရင်းမြစ်များ

San Juan 14:17

Ema tímituka'eyare, máitametakayare tamutu eta yátupikeneana'i, tási'akeneana eta me Tata. Énasera ena achaneana, wa'i tikaijarakasianaima'i, taicha wa'i náwara'a'ini najakapa'ini ema. Étisera ímatiyare ema, taicha máitawakakayare eta máwa'asira'eyare.

Romanos 6:16

Écharichu'i eti, te ímiyanawayarechuchapuka eta tapamisira'e'i eta pekatuana, ekutiricha'apuka mákani tikakenureka'i, tipamikawayare'i eta masuapirayare'i ema mákenu, eta taka'e'i eta esuapira'i eta pekatu etainapa timikuñaka'eyare te yuku, té'eserapuka émainapa esuapaya ema Viya, tatupiruwainapa eta ítaresiraya.

Romanos 6:3

Eta vikaikachasira'i víjarasirawa'i vé'ikaya viúrujiakaipa ema Viákenu Jesucristo. Tási'a, tímikutijirikawaipa wákachane'ini eta máepenira'i.

Romanos 8:11

Táichavene eta máwa'asira'eipa puiti eti ema Machanewa Viya, ema kaechepuka'i ema Jesús, ema tiawa'aka'e'i eti. Émaparakaichu'i ema tikaechepuka'i te maekari ema Jesucristo. Émaichu tikaechepukayare eta iáke'eana tíjaraka'eyare eta arairu itaresiraya. Ema Machanewa Viya ema tiawa'aka'e'i eti.

Romanos 8:9

Puítisera eti, eta máwa'asira'eipa'i ema Machanewa Viya, waipa étaima'i epanerecha eta tawara'akeneana'i eta iáke'e. Étapa epanerechaya eta mawara'akeneana'i ema. Nákani wa'i máwa'aruanaina'ini ema Machanewa ema Viya, wá'iware machaneranaina'ini ema Cristo.

1 Corintios 3:17

Nákani navetataika eta maye'e templo ema Viya, ema Viya máikuñakayare muraka nákani tijárarekana'i eta. Taicha maye'e'i eta templo ema Viya, Santu'i ema, tási'a eta templo eti'ichu'i.

1 Corintios 3:9

Víti mamusura'avi'i ema Viya, eti ekuti'i eta sukurekana eta makajurusira'e'i ema Viya, ekuti'iware eta makaemataneasira eta petiyare maepiyaru ema Viya. Eta é'isira'i ema Jesús takuti'i eta náepiyasira'i eta ichapekene peti.

1 Corintios 5:6

Eti, wa'i táurika'ini ekasiñawawaika'ini. Taicha eti ímatipa eta taechejiriruwa: “Ema makuti'ipa eta lewadura te nanaka te masa eta pan, tayanajika'i tamutu.”

1 Corintios 6:16

¿Nuwara'aware némecha'e, te mave'a'i ema achane súkani esena tú'usi, tiánekaka'i eta náke'eana eta nakamujichirakaka'i? Tási'a, eta Takapika'ukene Ajureka, ani taka'e: “Te tive'akakapa, tímikutijirikawapa étanaine'i eta náke'eana.”

1 Corintios 6:19

¿Échaichu'iware eti eta máwa'asira'eipa ema Machanewa Viya eta te iáke'eana, taicha mawaneruichu'i ema Viya eta máwa'asira'eyare'i ema Machanewa Viya? Waipa étina'ini echa eta iáke'eana.

1 Corintios 6:9

¿Wá'ipuka écha'i eti eta namaitujisirawaya tisiapana te máwasa ema Viya? Wa'i ekuisapawa eta nawayuaka'e naye'e ena tíchana'i eta tamaurikeneana, taicha yátupi'i eta namaitujisirawayare tisiapana ena ajairana esenamareana, énapa ena ajairakakana tive'akakana, énapa ena tikasiñarajiana ena achanemirana,

1 Corintios 9:13

Échaichu'i eti eta mawanairipi ema Viya naye'e ena téchapajirikana eta maye'e templo, nanikayare'i eta tinikakare námakeneasana ena achaneana náijarakasiruana'i ema Viya. Káijarakasianayarewa ena eta táeche eta waka námawa'uana'i ena achaneana.

1 Corintios 9:24

Échaichu'i eti, ena tijunapanaya kamuriana, tasi'asera wa'i namutu'ini naita'areka'ini emanaichu ema tita'arekaya tijachapaya eta máikuchi. Ene eka'eyare eti apanaware ejunapayare apaesa ejachapa eta ikuchi'i.

2 Corintios 6:16

Éneichuware, tiáwa'aka'avipa ema Viya, émaipa ema Vikaiyakene. Eta taka'e, wa'i táurika'ini eta vikasiapirawa'ini eta naye'e ena wa'i machaneranaina'ini ema Viya, taicha apana'i ema nasiñaraji. Taicha ani maka'e'i: “Náwa'akawakaya ena té'ikanuana'i; nuti naye'enu'i Viya taicha ena yátupikeneana'i nuchanerana'i.”

1 Timoteo 3:15

apaesa te wa'i nukuitujikawawane pítukapa eta táuriwaina eta pítaresiraya, taicha machichavi'i píti ema Viya, viti manerejiruana'i ema yátupikene'i Viya, viúnaka'i vímitureka'i yátupi eta máechajiriruwana.

2 Timoteo 1:14

Piúnakaicha yátupina eta juka máechejiriruwana ema Viákenu, te natiari'ipuka náwara'a na'apapika eta vímiturapiana, wa'i pikuisapawa, máima'avinesera ema Machanewa Viya, ema tiáwa'aka'avi'i, ema tímikatakaviyare.

Hebreo 3:6

Émasera ema Viakenu Jesucristo, ema machicha'i, matupiruwa'i eta maitauchira'i tamutu eta mawana'i'i me Viya, te vímiyanawa eta juka vé'isira'i ema, vikasiñawaira eta maye'e, viúrisamure eta vikuchapira'i eta viúchukuiraya te jena sácheyare.

Santiago 4:4

¡Tétavikawapa eta emaetupisirawa'i eti achaneana! ¿Wa'i echa eti, eta vikajiriarera eta tamauirikeneana te juka apake'e, timikutijiriwa'i vikatianaka'ini ema Viya? Namutu nákani naicha eta tamaurikeneana nakatianakayare ema Viya.

1 Pedro 2:5

Éneipa eka'e'i eti, ekutiripa eta márija'iana máepenakaka'i, taka'e puiti, táuripa eta ekachanerakakainapa, makarichu ema Viya ema ekaemataneakaya, tiwayuaka'eya eta esuapajiraiwaya eta máijarasira'eyare'i eta ématanepachuyare, énerichuware ekatupara'aipa santu'enapa, ekutiyare ena tiyujarakara'iana eta te templo, eta maye'e ema Viákenu Jesucristo imereka'ini eta iamawa'uana te mamira'u eta mawara'keneana yatupi ema Viya.

1 Juan 4:12

Nájina tíma'aina ema Tata Vikaiyakene. Té'esera víti, te vémunakakapuka, tiáwa'aka'aviya ema, tási'a, vikuti'i ema Viya eta máemunaraiwa'i ema.