1 Corintios 3:10 - Táurinakene máechejiriruwa’i ema Viya tikaijare

¹⁰ Ema Viya, eta majapanuiranu'i tinakanupa tímikutijirikawaipa'i nutina'ini maestronuina'ini nunakuchaipasera eta peti, tási'a ena apamuriana naimiyanapa eta emátaneka, tasi'asera viti vikuneuchawayasera eta vepiyaresira eta peti,

Ignaciano

^10-12 Tativa, ema maestro tépiya­re­carahi peti arquitecto, éma tinacucha eta labriyu eta tatumearaya eta yúchama. Tásiha, ena apamuriana máestroana, énapa tiúnachana eta yúchama étapa eta tamaiquehe. Tiúriyare eta nacaema­ta­neraya. Nanere­ji­cayare eta táuriqueneana tasiva­cha­queneana, navarairahi tijanu­nu­ca­yarehi eta náematane. Váhiya nanacaimahi eta tíjucha­careana, yucuqui, muiji, cáchipaca; apaesa vahi tacuiju eta peti. Taicha títecayare máimaha­panaya ema ticaye­he­yarehi eta peti. Tásiha, te máimahapa tiúrihi, mavacha­chainapa namutu ena ticaema­ta­neanahi. Nuti manere­ji­runuhi ema Viya eta nímima­ti­chi­rahehi ema Jesucristo, éhicapaipa éma. Puíticha eta ecaiju­he­rapaipa te anuma, nájina apanaina narata­hahini námahehini. Macarichuhi marataha éma. Puiti, ena apamuriana mamusurana ema Viya tímitu­cahehi apaesa tajuruca eta esuapirahi. Tacamu­nusera tiúriyarehi eta náimitu­si­raheya.

1 Corintios 3:10 ပူးပေါင်းရင်းမြစ်များ

San Mateo 24:45

“¿Makañári'ipuka ema makajurure máetaviucha'i eta mauriwa, tisuapajira'iware, ema makenu matuparaka'i ena tiavi'ana'i te mapena eta máijarasiraya eta nanikakene tamutu sacheana?

San Mateo 7:24

“Eta taka'e, mákani tisamanuyare, tási'a maichayare eta nuwaneruyare, makutiyare ema achane tisuapajira'i, maepiyaka'i eta mapena tiusiapira eta maicha.

San Lucas 11:35

Eta taka'e, échapawa; machu ísapa taema'a eta emíka'u eta ítaresira.

San Lucas 21:8

Ema Jesús majikapapa: “Ekuneuchawa, apaesa nakuija nakuwayuaka'e, taicha nárajapayare ena tépiyakawanayarepa'i tímiwasichawana nuye'e. Naka'enapa ‘Nútipa’ ‘Puiti táitekapakenepa eta sache.’ Étisera wa'i ekue'ikawaka.

Hechos 18:27

Manasipanapa ema Apolo, taka'e te mawara'apa tiyanayare'i te tinapaika te Acaya, ena machamuriana náimikatakapa, tikajureanapa naye'e ena nachamuriana'i taye'e eta awasareana makaiju'eyare'i, apaesa táuri eta najakapiraina. Te títekapapa ema taye'e eta Acaya, ichape eta máimikatasirawaka'i ena machamuriana, taicha ema Viya máijaraka'i eta máitupajijiasirawa'i,

Romanos 1:5

Puiti ema Viákenu Jesucristo tijapanunu'i eta matuparasiranu'i eta nuyaniraya nupaikaya te tamutu awasareana, nukametarairuyare'i eta najakapakarewayare'i me Viya namutu ena tisuapanayare ema.

Romanos 12:3

Nuti maye'enu'i apústule ema Viya, tituparakanu'i numetaka'eyare emutu eti, tátupiruwa eta epanereruana wa'i ekupanerecha eta iuriwaina taye'e eta ítukakeneana máijararu'eana'i ema Viya, nakuija nakasiñawawaika.

Romanos 15:15

Nukasiña'e'iware eye'e puiti juka eta níjarasirawa nukajure'e eta juka nukartane étapa eta juka táechejisi'akeneana'i, apaesa wa'i ekuemitisika, taicha nutupara'a'i me Viya eta nujaneasira'eya eti apawasana.

Romanos 15:20

Taicha ichape eta nuwaraira'i nítekapauchaya tamutu awasare, te jákani nájinaicha'a nakametarairu'ini. Nuwara'aya nukametarairuyare naye'e ena achaneana tájina'i nasami'a'ini eta máijare ema Cristo,

1 Corintios 3:11

Taicha najina narata'aima'i nanakaima'i te taina'u eta manakure taicha ema'i ema Jesucristo.

1 Corintios 9:2

Tayanapane wa'i nakusuapanu eta apústulenuira'i ena apamuriana, étisera esuapanuyare'i, taicha etiari'i eti nímitureana'i, étira ímereuchanu'i eta yátupira'i apústulenuira'i maye'e ema Viákenu.

2 Corintios 10:15

Wá'isera nukunachawaima'i taye'e eta apaematane'i násapi'a'ipukaini. Nuwara'asera tápajukawa'ini eta esuapajiraiwaina maye'e ema Viya. Nuwara'aware nímituka'eyare eta apamuriana yátupikeneana, nítauchiraina eta nukatupara'aira'i. Tájina wa'i nétaviviriakawa'ini eta nusuapakarewa'i eta eye'e.

Efesios 2:20

Eta esiapamuri'avira'i te vimuri, nímikutichaipa te náepiyaka eta ichape peti. Ema Jesucristo, tétavikawa'i eta máetumechira'avi'i vimutu viti. Tási'a, visiapa viti apústuleana énapa ena profetana. Ekuti eta labriyuana étapa eta yukukiana.

Colosenses 1:29

Eta taka'e, nupamikawa'i nuti eta nukaemataneasira'i ema Viákenu. Émakene'i tétumechanu'i eta nurata'aira'i tamutu eta nímitusira'e'i emutu eti nuchamuriana'i.

Colosenses 4:17

Emetakayare ema Arquipo: “Mameta maitaucha tamutu eta juka maématanerepiana'i, taicha eta matupara'a'i me Viákenu.”

1 Tesalonicenses 3:2

tási'a vewatakapaini ema vichamuri Timoteo, máiteka máima'apana'e, émaichu'i mawanara ema Viya, émaichuware vikutikene'i eta vikaematanera'i eta máechejiriruwa ema Cristo. Nuwaneka'i tímikatapana'eyare témurakacha'eyare eta esuapajiraiwaina,

1 Timoteo 4:16

Péchapawaicha yátupina eta pímituresira'i eta juka vé'iru'i. Pítijiwa pipamikawa pítauchayare tamutu. Te pítaucha eta juka, pikuchuku'awayare píti, énapa ena pímitureana'i.

2 Timoteo 2:15

Yátupina tauri picha eta pikaematanera'i ema Viya. Tájinasarepa piáwamira'uima'i taicha tamutu'i tiuri eta pémataneana. Tatupiruwayare'i eta pímituresira'i eta yátupikeneana'i máechejiriruwa ema Viya.

Santiago 3:1

Nuparapenaveana, takamunu najaneakawa muraka nákani naimereka eta nawaraira'i timiturekara'ianayare'i. Échawayare eta tikayasesere'iyare'i muraka me Viya nákaini timitura'iana.

1 Pedro 4:11

Eti máimitureana ema Viya, eta échejisira, ekuneuchawa yátupi eta máechejiriruwana ema Viya. Eti ímikatara'iana ítatiwaka ena echamuriana, wa'i éñamaima'i eta etumewa máijararu'e'i ema Viya. Étavene'i eta é'isira'i ema Jesucristo, tamutu tauri eta jákani íchakeneana apaesa nakunacha ema Viákenu namutu ena tíma'a'eana. Ema, ¡tétavikawa'i eta makunachakarewa'i! ¡Máitawakaka'iware eta vé'isiraya ema! Amén.

2 Pedro 3:15

Échawa yátupina eta makuchapira'av'i eta viye'e ema Viákenu, taicha mawara'a'i tikuchuku'a'aviya. Etaichu'íware taka'e'i eta máimiturapi'i ema apana viparape vémunarukene'i Pablo, táichavene'i eta máitupajijiasirawa'i máijararu'i ema Viya.

Apocalipsis 21:14

Te apake'e eta yúchama, tatiari'i eta doce márimeana táeja'ameruana'i eta yúchama, táma'i eta dósekene náijareana ena apústuleana maye'eana'i ema Cordero.

Apocalipsis 21:19

Eta márimeana tachunusipéwana'i eta yúchama, tatiari'i'i eta táurinakeneana mari. Eta tínapuka takaye'e'i eta mari tikaijare jaspe. Eta apana takaye'e'i eta tikaijare zafiro. Eta apana takaye'e'i eta tikaijare ágata. Eta apana takaye'e'i eta tikaijare esmeralda,