1 Corintios 2:4 - Táurinakene máechejiriruwa’i ema Viya tikaijare

⁴ nuti, wa'i nákuti'ini mákani achane mawayuyupika eta máechejirisirawa. Étisera ekaikutiarawane'i eta nímitusira'e'i maicha ema Machanewa Viya. Ekaikutiarawane'i étaira'i eta yátupikeneana tási'akeneana me Viya.

Ignaciano

⁴ Núti, vahi nácutihini mácani achane mavayu­yupica eta máechaji­ri­sirava. Étisera ecaicu­tia­ra­vanehi eta nímitu­si­rahehi maicha ema Espíritu Santo. Ecaicu­tia­ra­vanehi étairahi eta yátupi­queneana tásiha­queneana me Viya.

1 Corintios 2:4 ပူးပေါင်းရင်းမြစ်များ

Hechos 20:27

tamutu'i numetaka'e eta mawara'akeneana ema Viya, tájina wa'i nuyumurupika'ini.

Hechos 26:28

Ema rey Agripa majikapapa: –¿Pikajimuyakayareni eta nusamure. Nuti apanaware né'ikayare jákani ema Jesús?

Romanos 15:13

Ema Viya, tétavikawa'i eta makunekarewa'i, tikasiñakare'iware. Máijaraka'eni eti eta tawayuchiraina eta iúrisamurewaina, tawayuchirainaware eta ekasiñaira maye'e, apaesa tanarakaini tamutu eta epanereruana. Eta máwa'asira'e'i ema Machanewa Viya.

Romanos 15:19

Nímechawaka'i ichape eta tiáramikareana eta nítupajijiasirawa maicha ema Machanewa Viya. Taka'e'i eta nítauchira'i tamutu eta nukametarairuira'i eta máimiturapiana ema Jesucristo. Tamutu'i nupaika, népanawa'i te Jerusalén, nícheku'apa taye'e eta tinapaika Iliria.

Romanos 16:18

Érajikawayare eta naye'e, taicha ena wa'i émaina'ini nakaemataneaka'ini ema Viákenu Jesucristo. Énajiwachucha nawara'a tiúrichawana. Tétavikawa'iware eta náitusira'i téchejirikawana. Títive'i eta náechajirisirawa. Étachuchasera nawara'a'i tiwayuarekana te nasamureana ena achaneana tijimuyapanereruana.

1 Corintios 1:17

Ema Viákenu Jesucristo tituparakanu'i nukametarairuyare eta viúchukuirayare máicha, wá'ira étaina'ini mawanekanu'ini níkachasirika'ini, taka'e, tatupiruwa'i eta nukametarairuira'i, wá'isera nuwayuyujikaima'i nútinapapukaini nápajukawa'ini eta nusuapakarewa, tásapi'apapukaini wa'i takusuapakare'ini eta máepenira'i ema Cristo te crusu.

1 Corintios 2:1

Nuparapenaveana, échawaichu'i te nítekapaucha'enapa kape juka viásinekene'i. Eta nímitusira'e'i eta máechejiriruwa ema Viya, tiúri'i eta níminekapaekene'aira'e'i, tamutu'i tikaikutiarakare eta néchejirisira'e'i. Wa'i tákajerapi'ini eta néchejirisira'e'i.

1 Corintios 2:13

Eta taka'e, eta juka vímiturapiana'i tási'akeneana'i maye'e ema Machanewa Viya. Wa'i tási'akenena'ini te vipanereruana. Táitusiawa, ena vímitureana'i natupiruwa'i najakapa taicha máwa'aruana'i ema Machanewa Viya.

1 Corintios 4:20

Taicha eta vé'isira'i ema Cristo, takamunu'i vítauchayare vikaemataneakayare. Wa'i tákarichuima'iya eta véchejiriruwana.

2 Corintios 6:6

Kapacha eti ímati'avi'i yátupi'i eta táuriwa'i eta vítaresira. Ímati'iware eta vikaimitukasi'i maye'e ema Machanewa Viya. Yátupikene'i eta némunaraiwa'i,

Gálatas 1:10

Nuti wa'i nutanuka eta nasuapiranuina ena achaneana, eta nutanuka'i eta nasuapiraina ema Viya. Wa'i nutanuka eta nuriwaina te namira'u ena achaneana. ¡Étasera nuti nutanuka'i eta nuriwaina naye'e te namira'u naye'e ena achaneana, wáipasera mawanaranuima'i ema Cristo!

Colosenses 2:4

Eta taka'e, nutuparaka'echa, wa'i ekuisapawa na'apapika'e ena tiyurura'iana.

1 Tesalonicenses 1:5

Taicha te vímituka'epa eta máechejiriruwa ema Viya, eti etupiruwa'i ejákapa eta vimetarairuana, taicha ema Machanewa Viya tinakasamurecha'e'i eta táuriwa'i esama eta vímitusira'e'i. Ímati'avi'i eta mawanesira'avi'i ema Viya. Íma'a'iware eta viúriwa'i eye'e.

1 Pedro 1:12

Émasera ema Viya, mametakawakapa wa'i náima'aima'i ema Cristo te vikametarairupa maye'e ema. Ema Machanewa Viya masi'akene'i te anuma títametaka'e'i te esamureana. ¡Tétavikawayare eta viúrikakarewayare víti, te viúchuku'apa! Énaipa ena ángeleana, ichape nawara'a'i náimati'ini tája'apuka táichararakawayare eta viúrikakarewayare.

2 Pedro 1:16

Eta vímitusira'e'i, eta machaviraya ema Viákenu Jesucristo, máimeresiraya eta máitupajijiasirawa, wa'i vépiya'ira'ima'i, wá'iware vive'akenéna te vichuti, vímatipa yátupi, taicha víma'a'i te viúki'ana eta majaraiwa'i ema Viákenu.

2 Pedro 2:18

Ena téchejisiawanapa tikunachawanapa eta náichakeneana napekaturana'i náiturureana'i, náiminajikapaipa nákani náiturewanapa'i eta táuriwaini'ipa'i eta náe'isira'i eta táurikeneana, tichawanapaipa taye'e eta tamaeperajiwana'i eta náitaresira.