1 Corintios 2:14 - Táurinakene máechejiriruwa’i ema Viya tikaijare

¹⁴ Énasera nákani achaneana wa'i máwa'aruanaina ema Machanewa Viya, wa'i najakapaima'i eta máimiturapiana, taicha náimijacha'i súnsurupiana. Wá'iware nárata'a nakaikutiara'ini, taicha tikamunukare'i eta máimitusirawakaina'ini ema Machanewa Viya.

Ignaciano

¹⁴ Énasera nácani achaneana vahi mávahá­ruanaina ema Espíritu Santo, vahi najaca­paimahi eta máimitu­rapiana, taicha náimijachahi súnsurupiana. Váhivare nárataha nacaicu­tia­rahini, taicha ticamu­nu­carehi eta máimitu­si­ra­va­cai­nahini ema Espíritu Santo.

1 Corintios 2:14 ပူးပေါင်းရင်းမြစ်များ

San Mateo 16:23

Émasera ema Jesús tichawapa, tási'a máichapa ema Pedro: –¡Péwisi'atataji te nuye'e piti Wínaraji, puiti piyaseakanu'i eta numasuapajiraiwayare! Piti wa'i pikaikutiara eta mapanereru ema Viya, etachucha pimararaka eta naicharakawa ena achaneana.

San Juan 10:20

Maverana'i ena achaneana, naka'epa: –¿Tája'a takayema esuapa ema mara? Máurishi ema, máwa'arupuka ema Wínaraji.

San Juan 12:37

Ichapemuri'i eta náimaira'i ena tikawasana'i eta tiáramikareana máichakeneana'i ema Jesús, wá'ikenesera nasuapa'ini ena;

San Juan 14:17

Ema tímituka'eyare, máitametakayare tamutu eta yátupikeneana'i, tási'akeneana eta me Tata. Énasera ena achaneana, wa'i tikaijarakasianaima'i, taicha wa'i náwara'a'ini najakapa'ini ema. Étisera ímatiyare ema, taicha máitawakakayare eta máwa'asira'eyare.

San Juan 14:26

émasera ema katiura'i Machanewa Viya, mawaneruyare ema Tata te níjare nuti, ema tímikataka'eyare, tikurisamurecha'eyarewa. Éneichu tímituka'eyare, témecha'eyare tamutu eta juka numetarapiana eye'e.

San Juan 15:26

“Étasera, te maitekapapa ema katiura'iya, ema nuwaneruyare mási'akeneyare me Tata, nuyaseakaya mawaneka ema Machanewa, ema te máitekapapa, tímereucha'eyare eta yátupikeneana, tímereuchanuyarewa nuti eta eye'e.

San Juan 5:44

Eti, wa'i esuapanu'ini taicha eta ewaraira'i ekunachakarewa ena achaneana. Esapi'achucha eti wa'i áwara'a'ini ekunachakare me Viya.

San Juan 8:43

¿Tája'a takayema wa'i árata'a ekaikutiara eta nímiturapiana? Étaserapuka eta emawaraira'i esama eta nechejiriruwa.

Hechos 16:14

Sutiari'i esu esena tikaijaru'i Lidia; esu, suchusine'i te awasare Tiatira. Esu suka tíjararekara'i eta yerérukawa sedana mularumeana. Ésuichu, tipikaura'i me Viya. Susamarakaipa eta mametarairu'i ema Pablo. Ema Viya mavejiasinaipa eta susamure sujakapirayarepa'i eta mametarairu ema Pablo.

Hechos 17:18

Natiari'i ena té'ikana'i eta máimiturapi ema tikaijare epicúreos, énapa ena apamuriana tikarawa'uana'iware eta náimiturapiana ena estoicos. Téchejirikawanapa maye'e ema Pablo. Wá'isera nákaikutiarapa'ini eta makayemapa'i. Naka'epa: –¿Tája'asamipuka takayema'i eta mapanereru'i ema maka? Ena apamuriana: –Ema maka tikametarairura'i taye'e jákani apanaware masiñarajianaichu. Naka'e'i ena eta juka, taicha ema Pablo mametakawaka'i eta máepenira'i ema Jesús étapa eta máechepusira'i, mápechirawa'i títareka.

Hechos 17:32

Te nasamapa eta máechejisi'aira'i eta máechepusira'i te máekari ema Jesús, natiari'i ena nakaeka'ichucha. Ena apana naka'epa: –Té'enaineware apa'ena péchejisi'aware eta juka, apaesa visamavi.

Hechos 18:15

étasera echéjirirukawanachucha te máijare ema mákani apana, étapa eta eye'erepiana eti, tájina táiñe'ikarena eta juka, wa'i nímisiapawaima'i nuti, taye'e eta juka, íma'ainepa eti.

Hechos 25:19

Étachucha tímikaviucha'i eta naye'e religión, tási'a émapa ema náe'iru'i tikaijare'i Jesús, ema mákani tépena'i, puítisera ema Pablo máechejisi'a'i eta mápechirawa'i títareka.

1 Corintios 1:18

Natiari'i ena achaneana náimijacha'i súnsurupiana eta máepenina'avi'i te crusu ema Viákenu Jesucristo. Ena nani masuapajiraira'ana'i, énara táiturewanayare eta ekuñaraki. Vítisera viti makuchukureanayare, tiúri'i visama eta yátupikeneana tási'akene'i me Viya.

1 Corintios 1:21

Tamutusera eta mapanereruana'i ema Viya, tétavikawa'i eta tapachinawawaka'i. Narari'i ena tisuapanapa'i eta maechejiriruwa. Tayanapane ena apamuriana náimijacha'i súnsurupiana'i eta maechejiriruwa. Ena nani achaneana, tamapuruji eta náechemaraiwana'i, taicha wa'i táimimatichawaka'ini me Viya.

1 Corintios 1:23

Eta taka'e, wa'i tasuapakare'ini naye'e eta vimetasira'i eta viúchukuirayare táichavene eta máepenira'i te crusu ema Cristo. Ena israelitana titsiri'ana'i eta juka, tási'a náepuru náe'ika ema. Ena apamuriana apawasana náimijachaichucha súnsurupiana eta juka;

1 Corintios 1:25

Tayanapaneinesera te súnsurupi'ipuka nasama ena achaneana eta vimetarairuana, étasera tiápajukawa'i tiúripana'i taye'e eta náitukakeneana'i ena. Tayanapaneware náimijacha'i mamarata'airaina'i ema Viya, éma'isera túmepana'i naye'e namutu ena.

1 Corintios 15:44

Tikaekarakasiyare'i eta ena'a viáke'e, téchepukayare'isera eta viáke'eyare apaima'inapa, tijara'inapa eta vikake'eraya vikutinapa eta makake'era'i ema Cristo eta máechepusiraipa. Tanasiyareichu'i eta táima'i eta viáke'e, viachanewainapasera.

1 Corintios 15:46

Etasera wa'i tainapuka'ini eta Machanewa Viya: Eta tinapuka'i eta'i eta vechereji mateji.

1 Corintios 2:12

Víti, tájina wa'i vítijiwaina'ini vímipanerechawa'ini maye'e ema Viya. Émasera ema Machanewa Viya tímituka'avi'i tamutu eta títukakareana tási'akeneana'i me Viya.

1 Corintios 3:1

Nuti, nuparapenaveana, waipaine'i takajeraima'i eta nimitusira'e, taicha eti wicha'a akutinasima'i ena mawa'aruanapa ema Machanewa Viya taicha ena nakaikutiaraipa eta maechejiriruwa, taicha eti ekutiricha'a ena maimatira'ana ema Viya kapekaturara'iana, etara taka'e'i wicha'a takajeraima'i eta nimitusira'e.

Santiago 3:15

Eta juka échemaraiwawaka'i, wa'i étaina'ini tási'akenena'ini me Viya. Taye'echucha te juka apake'e tási'akenechucha eta ne achaneana, máewaekeneru'i ema wínaraji.

1 Juan 2:20

Ema Viákenu Jesucristo tíjaraka'eipa eti ema Machanewa Viya, tási'a, emutuipa'i ímati eta yátupikeneana.

1 Juan 2:27

Eti, máwa'aru'eipa ema Machanewa Viya, mawaneru'i ema Jesucristo. Tási'a, nájina apanaina ákamunu'ini náimituka'e'ini, taicha tímituka'e'i tamutu ema Machanewa Viya. Ema, yátupikene'i eta máechejiriruwa. Ánasichu iáwa'aka'i ema Jesucristo.

1 Juan 5:20

Vítisera vécha'i eta máitesira'i eta te juka apake'e ema Machicha ema Viya, ema tímitupana'avi'i, émavene'i témesenika'avi'i maye'e ema Maiya ema yátupikene'i Viya. Máichavene ema Machicha Jesucristo, viáwa'akaipa víti ema yátupikene'i Viya, émara ema makarichukene'i yátupikene'i Viya, ema, tíjaraka'aviya eta vítaresiraya máichekuarakirenapa.

San Judas 1:19

Ena'i ena nakana ena tiviuchana'i eta nawaraira'i náiputsikawaka ena vichamuriana; étachucha natanuka'i eta najamuraraiwana, taicha wa'i mawa'aka'ini eta machanewa ema Viya.