1 Corintios 2:13 - Táurinakene máechejiriruwa’i ema Viya tikaijare

¹³ Eta taka'e, eta juka vímiturapiana'i tási'akeneana'i maye'e ema Machanewa Viya. Wa'i tási'akenena'ini te vipanereruana. Táitusiawa, ena vímitureana'i natupiruwa'i najakapa taicha máwa'aruana'i ema Machanewa Viya.

Ignaciano

¹³ Eta tacahe, eta juca vímitu­ra­pianahi tásiha­que­neanahi mayehe ema Espíritu Santo. Vahi tásiha­que­né­nahini te vipane­reruana. Táitusiava, ena vímitu­reanahi natupi­ruvahi najacapa taicha mávahá­ruanahi ema Espíritu Santo.

1 Corintios 2:13 ပူးပေါင်းရင်းမြစ်များ

San Lucas 12:12

Ema Machanewa Viya tímituka'eyare eta táuriwaya eta ekayemayare te jena sache ekayasesere'inapa.

Hechos 2:4

Tási'a ena, máwa'akawakapaipa ema Machanewa Viya, tiáramikareanapa apaechejiriruwawakapa, taicha eta máwa'asirawakaipa'i ema.

1 Corintios 1:17

Ema Viákenu Jesucristo tituparakanu'i nukametarairuyare eta viúchukuirayare máicha, wá'ira étaina'ini mawanekanu'ini níkachasirika'ini, taka'e, tatupiruwa'i eta nukametarairuira'i, wá'isera nuwayuyujikaima'i nútinapapukaini nápajukawa'ini eta nusuapakarewa, tásapi'apapukaini wa'i takusuapakare'ini eta máepenira'i ema Cristo te crusu.

1 Corintios 14:2

Tájina táichawa, nákani téchejikana ema Viya eta apaechejiriruwa. Ema masama'i. Vítipasera viti apamuri waipa wákaikutiara'ini eta náechejiriruwa'i. Yátupi'ipuka máimitureana'i ema Machanewa Viya, wá'isera náimereuchawa'ini eta máimiturapi'i ema.

1 Corintios 2:1

Nuparapenaveana, échawaichu'i te nítekapaucha'enapa kape juka viásinekene'i. Eta nímitusira'e'i eta máechejiriruwa ema Viya, tiúri'i eta níminekapaekene'aira'e'i, tamutu'i tikaikutiarakare eta néchejirisira'e'i. Wa'i tákajerapi'ini eta néchejirisira'e'i.

1 Corintios 2:14

Énasera nákani achaneana wa'i máwa'aruanaina ema Machanewa Viya, wa'i najakapaima'i eta máimiturapiana, taicha náimijacha'i súnsurupiana. Wá'iware nárata'a nakaikutiara'ini, taicha tikamunukare'i eta máimitusirawakaina'ini ema Machanewa Viya.

1 Corintios 2:4

nuti, wa'i nákuti'ini mákani achane mawayuyupika eta máechejirisirawa. Étisera ekaikutiarawane'i eta nímitusira'e'i maicha ema Machanewa Viya. Ekaikutiarawane'i étaira'i eta yátupikeneana tási'akeneana me Viya.

1 Corintios 9:11

Ene vika'e'i víti eta véwasira'i eta máechajiriruwa ema Viya te esamureana. Eta tiúricha'e'i. Tási'a, eti ekutinapa eta sukureka tímekawa'i eta ta'i. Tájina táichawa eta ítatira'aviyare'i víti.

Efesios 5:19

Eta ímiturapiyare naye'e ena echamuriana, eta salmo étapa eta jirásareana majiria'uana ema Viya, eta ekunachiraina'i ema Viákenu, iúrisamureyare'i yátupina te esamureana eta ejiraira.

Colosenses 3:16

Étaviucha'ini eta iúnasiraina te esamureana eta máechejiriruwana ema Cristo. Étumechakaka'ini eta ímitusirakakaya eta échemaraiwayare, ewapinawa'ini te esamureana eta ejiraira te iúrujisirawana, ejirayare eta majiria'uana ema Viya, eta e'asulupayachirayare'i ema.

1 Pedro 1:12

Émasera ema Viya, mametakawakapa wa'i náima'aima'i ema Cristo te vikametarairupa maye'e ema. Ema Machanewa Viya masi'akene'i te anuma títametaka'e'i te esamureana. ¡Tétavikawayare eta viúrikakarewayare víti, te viúchuku'apa! Énaipa ena ángeleana, ichape nawara'a'i náimati'ini tája'apuka táichararakawayare eta viúrikakarewayare.

2 Pedro 1:16

Eta vímitusira'e'i, eta machaviraya ema Viákenu Jesucristo, máimeresiraya eta máitupajijiasirawa, wa'i vépiya'ira'ima'i, wá'iware vive'akenéna te vichuti, vímatipa yátupi, taicha víma'a'i te viúki'ana eta majaraiwa'i ema Viákenu.