1 Corintios 2:10 - Táurinakene máechejiriruwa’i ema Viya tikaijare

¹⁰ Ema'i ema Viya tímimaticha'avi'i maye'e ema Machanewa, taicha ema Machanewa, makarichu máimati'i eta tayumururewana'i te mapanereruana ema Viya.

1 Corintios 2:10 ပူးပေါင်းရင်းမြစ်များ

San Mateo 13:11

Ema Jesús májikapawakapa: “Émasera ema Viya timimaticha'e eti, eta juka maeñaure'i te mawasa ema Viya akenuka te anuma, énasera ena apamuriana achaneana wa'i maitametakawakaima'i.

San Mateo 16:17

Taka'e ema Jesús máichapa: –Piti Simón machicha ema Jonás, tétavikawa'i eta pétupisirawa'i, taicha manakasamureruvi'i ema Tata Nukaiyakene tiávi'a'i te anuma. Wa'i etaina'ini eta náimiturapiana naye'e nákani achaneana.

San Lucas 10:21

Te taepaninewaini, ema Jesús eta máurisamurewa'i maicha ema Machanewa Viya. Tási'a, maka'epa: “Tata Nukaiyakene, tétavikawa eta nukunachiravi, jé'eware píti tákenuvi'i eta anuma étapa te juka apake'e. Títauchawaipa eta pipanereru'i. Wa'i písapa'ini náituka'ini eta júkana ena achaneana tímijachawana'i téchemara'iana. Eta tata Nukaiyakene taicha eta tapiwara'akene'i.

San Lucas 2:26

Ema Machanewa Viya mametaka'i ema Simeón eta wicha'a tépenawanema'i ema, táicha máimatinumayare'i ema Cristo mawaneru'i ema Viya.

San Juan 14:26

émasera ema katiura'i Machanewa Viya, mawaneruyare ema Tata te níjare nuti, ema tímikataka'eyare, tikurisamurecha'eyarewa. Éneichu tímituka'eyare, témecha'eyare tamutu eta juka numetarapiana eye'e.

San Juan 16:13

Te máitekapapa ema Machanewa Viya, émainapa timimaticha'eyare eta yátupikeneana, wa'i tasi'akenema'i te machuti eta maechejiriruwaya, ema timetaka'eyare tamutu eta masamakenaeana'i, émainapa timinekapa'eyare tamutu eta taiparakana étapa eta íchawakenewanayare.

1 Corintios 14:30

Té'eserapuka matiari'i mákani máejaru'i, tikametakasi'ikene'i me Viya. Makuchapawayaresera máitapirikanuma mákani máinapuiru'i téchejika.

1 Corintios 2:11

¿Naja'apuka naecha'ini eta napanereruana ena achaneana? Nájina apanaina nárata'a'ini naecha. Ene maka'e'i ema Machanewa Viya. Makarichu ema técha'i tamutu eta mapanereruana'i ema Viya.

Gálatas 1:12

Wá'isera nímitukasiwaina'i maye'e mákani apana achane nukutikene'i apústule, émakene'i tímitukanu'i ema Jesucristo.

Efesios 3:3

Taicha ema Viya timetakanuipa'i te nuwapure eta tayumururewaini'i mapanereru'i tapaemunawa téchakare'i maunaru'i maye'e ema Viya, puiti eta juka najuchakene'i échejikure'i.

Efesios 3:5

Eta juka tayumururewaini'i mapanereru'i ema Viya, nájina náimatiekene'a'ini kape juka tásinekene'i. Puítisera, ema Machanewa Viya tímecha'avipa viti maye'eana santu apústuleana énapa ena profetana.

1 Timoteo 4:1

Eta mametarapi ema Machanewa Viya, ani taka'e maimikacheracha'i puiti juka vikaiju'eyare, natiari'inapa ena timútsera'awanayarepa'i tínajikawana eta náe'isira'i ema Jesús, nasuapainapaipa ena tiyurura'iana, náe'ikainapa eta náimiturapiana ena éreanana.

1 Pedro 1:12

Émasera ema Viya, mametakawakapa wa'i náima'aima'i ema Cristo te vikametarairupa maye'e ema. Ema Machanewa Viya masi'akene'i te anuma títametaka'e'i te esamureana. ¡Tétavikawayare eta viúrikakarewayare víti, te viúchuku'apa! Énaipa ena ángeleana, ichape nawara'a'i náimati'ini tája'apuka táichararakawayare eta viúrikakarewayare.

1 Juan 2:20

Ema Viákenu Jesucristo tíjaraka'eipa eti ema Machanewa Viya, tási'a, emutuipa'i ímati eta yátupikeneana.

1 Juan 2:27

Eti, máwa'aru'eipa ema Machanewa Viya, mawaneru'i ema Jesucristo. Tási'a, nájina apanaina ákamunu'ini náimituka'e'ini, taicha tímituka'e'i tamutu ema Machanewa Viya. Ema, yátupikene'i eta máechejiriruwa. Ánasichu iáwa'aka'i ema Jesucristo.

Apocalipsis 1:1

Ema Tata Vikaiyakene mawara'a'i tímimaticha'aviyare eta táichararakawayare eta apake'e, apaesa vecha viti mawanarana'i. Ema máimecha'i eta juka, ema machicha Jesucristo. Tási'a, ema Jesús mawanekapa ema ángele mametapanayare'i ema Juan mawanara'i,

Apocalipsis 2:24

Etisera eti ekawasana'i te awasare Tiatira, etisera wa'i e'ika'ini eta naimiturapi wa'iware ímatiekene'ai'ini eta naeñaure'i maye'erepi ema Wínaraji, etisera tajina etapirawaina'ini wa'i nikuñaka'ema'i.