1 Corintios 15:4 - Táurinakene máechejiriruwa’i ema Viya tikaijare

⁴ eta náimaira'i tépenapa ema, náekarapa, téchepuka'isera ema te mapanakenepa sache, taicha taka'e'i eta tametarapi'i eta Takapika'ukene Ajureka, timetaka'avi'i tamutu eta máichararakawayare'i ema;

Ignaciano

⁴ Eta náimairahi tépenapa éma, náecarapa. Téchepu­ca­hisera éma te mapana­quenepa sache, taicha tacahehi eta tameta­rapihi eta Sagrada Escritura, timeta­ca­havihi tamutu eta máichara­ra­ca­va­yarehi éma.

1 Corintios 15:4 ပူးပေါင်းရင်းမြစ်များ

San Mateo 12:40

Taicha ema Jonás masiapajuecha'i eta ichapekene jima, mapana sache, mapanaware yati eta mayerewa'i. Ene nuka'eyare núti, Machichanu ema achane, mapanayare sache, mapanaware yati eta nepeniraya.

San Mateo 16:21

Tepanawapa, ema Jesús, máimitukawaka'i ena máimitureana, eta mayanirayarre'i te Jerusalén, eta makatajiwairayare, náepuruyar'i ena viyakarana, énapa ena tachutiri'ana naye'e ena tiyujarakara'iana, énapa escriwánuana. Mametakapa eta náimikapakayare'i, mapanayaichu'isera sache eta maka'eyare'i eta maepenirayare'i, tási'a tichawayarepa téchepuka.

San Mateo 20:19

tási'a naíjararekayare naye'e ena suntaruana rumanuana, nakaeka'inapa ema, ena naéstakainapa, nae'ainapa, tási'a naemetatarekainapa te crusu, tási'asera te mapanakenenapa sache, téchepukainapa te maékari.

Marcos 9:31

Eta máimitusirawaka'i, ena maimitureana. Ánipa maichawaka: –Nuti Machichanu ema achane, járajapainapa eta sácheyare tíjararekanuyare mákani achane naye'e ena tikatianakanuana'i, tási'a tikapakanuanayare. Té'esera te mapanakenénapa sache eta népeniraya, néchepukayaresera.

San Lucas 24:26

Taka'eyare'i eta makatajiwairayare'i ema Cristo. ¿Wá'iwarepuka ákaikutiara'ini eta taka'eyare'i eta mápanirayare'i ema te máwasa anuma?

San Lucas 24:46

Tási'a, máichawakapa: –Étara eta juka takajukene'i, eta maepenirayare'i ema Cristo. Tási'a téchepukayare'i te maékari te mapanakenenapa sache,

San Lucas 9:22

Taka'e, máichawarepa: –Ema machicha ema achane, matupara'aichu'i ichapemuri eta makatajiwairayare, náepuruyare'i ena naiyakarana, enapa ena tachutiri'ana naye'e ena tiyujarakara'iana enapa escriwánuana. Nakapakayare'i, mapanayaichu'isera sache eta maka'eyare'i eta maepenirayare'i, tási'a tichawayarepa téchepuka.

San Juan 19:38

Te tamutupa eta juka, ema José tikawasa'i te Arimatea, émaichu'i máimiture'i ema Jesús. Wá'isera máimerekawa'ini, mapisirawaka'i ena machamuriana akenukara'ana. Tiyanapa ema, mayaseapana'i ema Pilato eta máke'e ema Jesús. Taka'e ema Pilato máisapapa, tási'a tiyanapa ema José makukupaipanapa eta máke'e ema Jesús.

Hechos 1:3

Tási'a te táekenepa eta máepenira'i, téchepukapa te máekari, tiápechawaware títareka'i, kuarentakene'i sache eta makáchanerawakaicha'a ena máimitureana. Máimitukawaka'i ena eta mawasa ema Viya akenuka te anuma.

Hechos 17:31

Taicha tatiari'iyare'i eta jena sacheyare máikuñakayare namutu ena tíchana'i eta juka. Marari'i ema achane manerejiru'i, ema Viya máimereka'i eta manerejisira'i ema Jesús juéseyare'i, taicha makaechepuka'i te máekari.”

Romanos 6:4

Eta vikaikachasiraipa te une, tímikutijirikawa'i vikaekarasi'i, vikachanepa ema Cristo eta máepenira'i. Éneichuware eta viúchusira'i te une, vikutipa ema eta máechepusira'i te máekari. Tási'a puiti, arairupa eta vítaresira'i, ichape eta máitupajijiasirawa'i te makaechepukapa ema Machicha.

Colosenses 2:12

Te ekaikachasipa eti maye'e ema Cristo, taka'e eti eneichuware échawapa itareka maye'e ema Cristo taichavene eta esuapira'i eta maitupajijiasirawa'i ema Viya, ema timichawa'i tikaitareka'e'i.

Hebreo 13:20

Ema Viya, tétavikawa'i eta mauriwa''i, tétavikawa'iware eta máitupajijiasirawa taicha makaechepuka'i ema Viákenu Jesucristo te máekari, émayare'i yátupikene'i Pastuleruyare'i, tijaneara'i viye'e viti machichanaveana. Tisipa'aka'avipa eta te máitine, apaesa máitawakakayare'i eta vikachanerayare ema,

1 Pedro 1:11

Eta Machanewa ema Viákenu Jesucristo, ema tinapuka'i mamimetaka'i ena Profetanaini eta matajiwaiyara'i ema Viakenu Jesucristo tási'a eta taitekapirayare'i eta makunachakarewayare'i te taekenepapa. Enasera tikaematanean'i eta nawaraira'i naimati eta sachewayare'i eta maitekapirayare'i, eta maimijarechakene'i ema machanewa ema tiáwa'aka'i ena.