1 Corintios 15:1 - Táurinakene máechejiriruwa’i ema Viya tikaijare

¹ Nuparapenaveana, nuwara'a némecha'eyare eta numetarairu'i eye'e. Eta máechejiriruwa'i ema Viya taye'e eta viúchukuirayare, étara táemesiawa'i eta juka te esamainapa, etupiruwawane'i ejákapa, puíticha tanasi'i eta esuapira'i.

Ignaciano

¹ Nupara­pe­naveana, nuvaraha némecha­heyare eta numeta­rairuhi eyehe eta máechaji­ri­ruvahi ema Viya tayehe eta viúchucui­rayare. Étara táemesiavahi eta juca te esamainapa, etupi­ru­va­vanehi ejacapa. Puíticha tanasihi eta esuapirahi.

1 Corintios 15:1 ပူးပေါင်းရင်းမြစ်များ

San Juan 12:48

Nákanisera nasamairikaipa'inénipuka eta néchejiriruwana, wá'isera nasuapanu'ini, nasapi'a tépurunuana'i, murakayare'i eta náikuñayare. Eta náepuruira'i eta néchejiriruwana, étaipa tiviuchawakainapa te jena sacheyare taitekapiraya eta nakayesesere'iraya.

Hechos 11:1

Taka'e, téchakarewanepa te Jerusalén eta nasuapira'i eta máechejiriruwa ema Viya ena apawasana. Tási'a, napanerekene'apa ena apamuriana apústuleana énapa ena náumuriwana'i.

Hechos 2:41

Taka'e, natiari'i ena tisuapana'i eta máechejiriruwa'i. Enewanepa tikaikachasiana ena. Mapanakeneana mil ena tisuapajira'iana'i.

Romanos 11:20

Taka'e, échapawa eti apanawa, machu ákutiriana ena nujaneanana, ena eta nákipaisirawa'i tímikutijirika'i tikaechuana'i, táichavene'i eta namakasiñawaira'i me Viya, puiti étipa náitsiwa'i ena eta ekasiñawaira'i maye'e, wá'isera ekukasiñawawaika, ekuneuchawa eti apanawa, epikaucha ema Viya.

Romanos 2:16

járajapa eta sácheyare, tikayasesere'ianainapa namutu ena achaneana te mamira'u ema Viákenu Jesucristo. Ema, máimatiya tamutu eta náichakeneana tayumururewana'i. Étaichu'i eta numetarapi'i te nukametarairupa.

Romanos 5:2

Máichavene'i ema Cristo, tétavikawa'i eta majapanuira'avi'i ema Viya. Tási'a, tijakapa'avipa, táichavene'i eta vikasiñawaira'i eta maye'e, vijakapirayare eta víkuchi'i visiapirayare te majaraiwa'i ema Viya.

1 Corintios 16:13

Ekuneuchawa yátupina. Túme'ena'i taye'e eta juka vé'iru'i. Yátupina eta éjairawawakaina. Wa'i ekupika eta vikatajiwairana'i.

1 Corintios 3:6

Yátupi nuti nínapuka'i nímisama'e'i eta máechejiriruwa ema Viya, te nékenepa, títekapaucha'epa ema Apolo, émapa timituka'e'i tamutu. Émasera ema Viya, ema tikajurusina'e'i eta esuapirayare'i yatupi ema Cristo.

1 Corintios 4:15

Tayanapane kamuriana'i ena eye'eana'i máestroana tímituka'eana'i eta é'isiraina ema Cristo, diez mil náina'ipukaini, nútisera tímikutijirikawa'i nákarichu'ini éyanuina'ini maestro taicha nuti nímimaticha'e'i taye'e eta iúchukuirayare maicha ema Jesucristo.

2 Corintios 1:24

Wa'i nuwara'a nupamika'e eta esuapiranuina'ini nápepejika'e'ini, taicha eti muraka'eipa'i eta esuapira'i eta juka vé'iru'i. Nuwara'a'isera nimikataka'e eta tápajusirawaina eta iúrisamurewayare eti.

1 Tesalonicenses 1:6

Jé'esare puiti, étijiwapa eta épanirawa'i é'ika'avi eta viúriwa'i víti, vikutiyare eta máuriwa ema Viákenu. Ekátajiwanuma'i ichape taicha eta ejakapira'i eta vimetarapiana. Iúrisamure'isera maicha ema Machanewa Viya.

1 Tesalonicenses 2:13

Eta taka'e, vi'asulupayachaparaka ema Viya eta táuriwa'i esama eta máechejiriruwa. Eti, etupiruwa'i ejákapa eta vimetasira'e'i, taicha eta esamira'i yátupikene'i, tási'akene'i ema Viya. Wa'i vipanereruinachuchaini víti, émainapukaini mákani apana achane. Eta juka eta tiúricha'e'i eti esuapana'i.

1 Tesalonicenses 4:1

Tiuri puiti, nuparapenaveana, vituparaka'echa muraka te máijare ema Viákenu Jesucristo: táuri eta ítaresiraina puiti juka epaisirayare, te tauri eta ítaresiraina, ekurisamurechayare ema Viya, puiti iápajupanawáinapáipa eta iúriwaya.

2 Tesalonicenses 3:6

Nuparapenaveana, te natiari'inapuka ena echamuriana'i plújuana, wá'ipuka náesacha'i tikaemataneana, te wá'ipuka náwara'a'ini náetumechawa'ini, nasuapa'ini eta vímiturapiana'i, viwaneka'e eti te máijare ema Viákenu Jesucristo, wa'i ekuemeña'awa naye'e.

1 Pedro 5:12

Ímati emutu ema vichamuri Silwano. Ema, tétavikawa'i eta máitauraiwa'i tamutu. Puiti, éma'i tiáminanu'i eta juka najure. Esamanusera eta nechejirisira'eya, eta numetasira'e'i tamutu eta juka, nuwara'a nétumecha'e eta vé'iru'i, taicha yátupi'i eta vikaiju'eira'i me Viya.