1 Corintios 14:3 - Táurinakene máechejiriruwa’i ema Viya tikaijare

³ Wa'i tákuti nákani nakametarairu'i eta máechejiriruwana tási'akeneana'i maye'e ema Viya, tikaikutiarakare'i tamutu eta nametarapiana'i. Eta naetumechirawayare etapa eta naechejirisirayare, tási'a etapa eta nakurisamurechi'awaka'i te jákani napanereresirana.

Ignaciano

³ Vahi tácuti nácani nacame­ta­rairuhi eta máechaji­ri­ruvana tásiha­que­neanahi mayehe ema Viya, ticaicu­tia­ra­carehi tamutu eta nameta­ra­pianahi. Tatupi­ruvahi eta náimitu­si­ra­vacahi ena apamuriana. Náetumechahi eta náchanevana eta nasuapiraina. Éta nacuri­sa­mu­re­chi­ha­vacahi te jácani napane­re­re­sirana.

1 Corintios 14:3 ပူးပေါင်းရင်းမြစ်များ

San Lucas 3:18

Taka'e'i eta juka máechejisirawaka'i ema Juan ena achaneana, máimitusirawaka'i.

Hechos 13:15

Taekenepa, náechejiku'apa eta Takapika'ukene Ajureka, nájure'i ena profetana. Te tamutupa eta naechejikuira'i, nayaserekapa ena araitekapiana'i: –Viparapenaveana, te tatiari'ipuka eta échejisi'ayare viye'e víti, táurikapa icha puiti.

Hechos 14:22

Eta te juka awasareana, náimitukawarepa ena té'ikanaripa ema Jesús. Náetumechawakapa eta nakasiñawairaina, eta náe'isiraya ema Viya, tási'a náichawarepa. Échawa eta esiapiraya eta máwasa ema Viya, wa'i maejerarena taicha natiari'ya ena katianaka'eanayare ekatajiwayare táichavene eta é'isira ema Viákenu.

Hechos 15:32

Nanasipanapa jena kájeana'i ema Judas émapa ema Silas, ena, énerichuware profetana'i naituka'iware, eta máechejiriruwa ema Viya. Tiúri'i eta náimitusirawaka'i ena nachamuriana, naechejirikawakapa, náetumesamurechawakaine'i náicha.

Hechos 4:36

Matiari'iware ema achane tikaijare José. Ema máuchure'i te tiúrupu'i te tikaijare Chipre. Ema maka José náumuriwaicha'a ena levitana. Ena apústuleana nanakapa eta máijare'i Bernabé (te véchejiriruwa tikaijare: “Tikaurisamurera'i”.)

Hechos 9:31

Taka'e, tiúrikawanapa ena náumuriwana ena té'ikana'i ema Jesús tiávi'ana te apanana awasareana taye'e te Judea, te Galilea, étapa te Samaria. Tási'a, tétumechakakana'i eta náimiyanirawaya napikauchiraya ema Viákenu. Máimikatamuri'a'iware ema Machanewa ema Viya. Eta taka'e, kamurianapaipaware ena té'ikana'i.

Romanos 12:8

nákani náituruekene'a'i eta náetumechiraya nákani apana, wá'iware nayakujima'i, nákani tíjarakasírekana'i eta náima'akeneana, tátupiruwayare'i te nasamure eta nakajira'i ena tikamunuwana'i, nákani katupara'ana'i téchapajirikara'ianayare, tiwapinawanayare eta náitauchira'i eta natuparakasiwa'i, nákani tímikatakana'i ena tijapanukareana'i, tiúrisamureanaya eta náimikataresira'i.

Romanos 14:19

Taka'e, vitanukayare eta viúriwaya, apaesa vétumechakaka.

Romanos 15:2

Emutuchuchasera eti, ekurisamurechaya ena eparaepiyana. Éñamawa eti eta náurikakarewayare, apaesa tápajukawapaipa eta nasuapiraina eta vé'iru'i.

1 Corintios 10:23

Natiari'i ena tika'eana'i: “Yátupineni víti véchinawa'i, viye'erepipachuyare'i.” Wá'isera tákutikaka'ini táetupikawa'ini maye'e ema Viya, wá'iware tákutikaka'ini táimikataka'avi'ini eta vipauchiraya ema Viya.

1 Corintios 14:12

Tiuri puiti, wa'i takumapuruji eta ewaraira'i ejákapa eta ítupajijiasirawanaya máijararu'eyare'i ema Machanewa Viya, tiúripana eyasesereka eta ítusiraina ímitukawaka ena echamuriana apaesa tajurukapaipa eta nasuapajiraiwaina ena apanawa.

1 Corintios 14:17

Tiúri'ineni eta eyujarakasa'i eta e'asulupayachira'i ema Viya, énasera ena echamuriana waipa táimikatakawaka'ini eta eyujarakasa'i.

1 Corintios 14:26

Nuparapenaveana, ani taka'eyare eta iúrujisirawanayare. Enerejikawa eti íputsiakawayare eta ejirairaya. Éneichuware tinerejikawayare mákani tíjarakawayare ema tímiturekayare. Éneichuware te matiari'inapuka mákani mawara'a'i tikametarairuyare eta mametakasiwana'i me Viya, tájinachucha táichawa'i. Tísapakare'iware eta échejisirayare te apaechejiriruwana. Takamunu'isera matiari'iyare ema tiapepirikaya. Tamutu eta júkana, étara tikajurukayare eta nasuapajiraiwaiya ena echamuriana.

1 Corintios 14:31

Emutu eti ekametakasikeneana'i eta máechejiriruwana ema Viya. Émanainapachu mákani téchejikayare, apaesa ena ímitureana'i namutu nakarawa'u, náetumechawa apanawa.

1 Corintios 8:1

Puiti numetaka'eya eta táicharakawa'i eta enisira eta tinikakareana nayujaraure'i te tamira'u eta nasiñarajiana. Vimutu viti vímatiekene'a tájinachucha táimanena eta juka. Wa'isera wákasiñawaima'i eta vítusira'i. Takamunu'isera eta vémunasirawaka ena vichamuriana, vímikatasirakakaya.

2 Corintios 1:4

Puiti ema, tikurisamurereka'avi'i taye'e tamutu eta viátajiwana, apaesa virata'a'iwaréni víti apanawa vikurisamurechawaka nákani tikatajiwana'iware, takuti'i eta makurisamurechira'avi'i víti ema Viya.

2 Corintios 2:7

Puiti táurikapa ejapanu eta máichawakenewa'i. Ekurisamurechainapa ema, apaesa wa'i makuwayuchawa eta makatisamurewa'i, máinajikawapuka.

Efesios 4:29

Wá'isera ekunakajakachawa eta tájiparakana echéjirirukawana tamaurikeneana. Tátupiruwa eta échejirisirawaina, apaesa étaina eyuchusi'a eta nasuapiraina nákani tisama'eanayare, eta tétupirikayare eta nasamureana ena.

Efesios 6:22

Eta taka'e, néwataka'i ema eta ara eye'e. Títametaka'eyare eta víchararakawa'i, tétumecha'eyarewa eti eta é'isiraya ema Viákenu.

Colosenses 4:8

Eta taka'e, néwataka'i máiteka eta ara eye'e. Ema timetaka'eyare eta víchararakawa'i. Éneichuware tétumecha'eyare eti apanawa.

1 Tesalonicenses 2:11

Éneichuware écha'i eta vétumechira'e'i, émanapachu'i vechejirika, vikuti'i mákani achane tiuri eta maechejirisira ema machicha.

1 Tesalonicenses 2:3

Taicha wa'i véjekapawa'ini eta vímitusira'e'i, wá'isera étaina'ini vipanerechapa'ini eta tájiparakana tamaurikeneana, wá'iware viwayuarakina eta véchejisirapa'i.

1 Tesalonicenses 3:2

tási'a vewatakapaini ema vichamuri Timoteo, máiteka máima'apana'e, émaichu'i mawanara ema Viya, émaichuware vikutikene'i eta vikaematanera'i eta máechejiriruwa ema Cristo. Nuwaneka'i tímikatapana'eyare témurakacha'eyare eta esuapajiraiwaina,

1 Tesalonicenses 4:1

Tiuri puiti, nuparapenaveana, vituparaka'echa muraka te máijare ema Viákenu Jesucristo: táuri eta ítaresiraina puiti juka epaisirayare, te tauri eta ítaresiraina, ekurisamurechayare ema Viya, puiti iápajupanawáinapáipa eta iúriwaya.

1 Tesalonicenses 4:18

Eta taka'e, imitatajirikakayare naye'e ena echamuriana tamutu eta juka vímiturapiana'i.

2 Tesalonicenses 3:12

Eti'i íchana'i eta juka, viwaneka'e te máijare ema Viákenu Jesucristo, yátupina táuri eta ekaemataneraina, eviyayare eta ekamunukeneana.

1 Timoteo 1:4

pékatiakaicha ena vichamuriana'i, wa'i nakusuapa eta echéjirirukawana náepiyapiruana'i ena achaneana, taicha eta juka takuti'ichucha eta náchukarapiana, ena nani achaneana, súnsurupiana eta náechejiriruwana te náechejisi'a ena viáchukanaveanaini. Eta juka etachucha tamapirika eta tiakapaemajirikakana, wa'isera taimikataka'ini eta naimatiraina'ini eta mapanereru ema Viya eta vikasiñawairayare me Viya te vitaresira.

1 Timoteo 4:13

Te wícha'apuka nukuitekapa, pímiyanawa eta pímitusirayare ena vichamuriana. Pímiyanaware eta pétumechirawakaina. Péchejikuinayare eta Takapika'ukene Ajureka apaesa nasama namutu.

1 Timoteo 6:2

Étaipa te nakakenu'ipuka mákani vichamuri'i, tiápajukawayare eta napikauchirayare. Wa'i tímipanawanaima'i eta nachamurira'i ema, náimerekayare yátupi eta táuriwaya eta náemataneana, taicha ema nakaemataneyeru'i, nachamuri'i máemunaruware ema Viya. Piti nuchicha Timoteo, pímitukayare tamutu eta juka naye'e ena vichamuriana. Pémechawakayare eta vímiturapiana.

2 Timoteo 4:2

eta taka'e, pímiyanawachucha pikametarairu eta máechejiriruwa ema Viya te jákani pítujisirawana. Pékatiakawakaicha muraka ena téjekapawana'i. Pechejikawaka, pétumechawaka ena, apaesa tiúri eta napanereruana. Pakamichasera eta pímitusirawakaya namutu.

Tito 1:9

Énerichuware takamunu ema mákani tisuápajira'ikene taye'e eta vímiturapiana tisuapakareana, apaesa ema táuriware eta máimituresiraina, taicha takamunu eta máijarasirayare eta natumewaina ena tisuapajira'iana'i, takamunu'iware eta makajimuyasirawakaina ena nákani tikatianakanaricha'a eta máimiturapiana.

Tito 2:15

Tiuri, pímitukayare eta nutupararuviana'i, pechejikawakaya ena achaneana. Tijurikati natiari'i nawara'a téjekapawana, pétumechawaya eta pímitusira, taicha eta pituparakasiwa'i. Apaesa námutu napikauchavi, wá'iware nakuepuru eta pitupara'a'i.

Tito 2:6

Éneichuware pechejirikawaka ena amaperuana ajairana, yátupina eta náitusiraina tipanererekana

Tito 2:9

Pechejirikayare ena músuana eta nasuapajiraiwaina naye'e ena nákenuana. Náitaucha támutu jákani nawara'akeneana ena nákenuana. Wa'i nakujikapajirika'i taye'e eta wanairipiana.

Hebreo 10:25

Wá'isera viyakujima'i eta viúrujisirawana, wa'i ekukuti'ini ena vichamuriana, tinerejikawana'i mayanara'ana'i te viúrujikawa, vétumejirikakayaresera, tavetijipa puiti eta vímairapa eta táne'irapa eta masacheraya ema Viákenu eta machavirayare.

Hebreo 13:22

Nuparapenaveana, nuwara'a nuyaseaka'e ákamichawa'ini taye'e eta juka nechejiriruwa'i eta eye'e. Ánipichicha'i eta juka nájure'i. Jarari'isera kamurikeneana eta apana nuwara'a'i numetaru'eyare'ini.

Hebreo 3:13

Étumechakakayaresera naye'e ena apamuriana echamuriana támutu'i sácheana, tayerewaina eta juka “puiti” eta taechejiruruwa eta Takapika'ukene Ajureka, apaesa nakuija nakuwayuaka'e eti taichavenena eta pekatu te esamureana machu échawa etupiara'i wínaraji'ena.

1 Pedro 5:12

Ímati emutu ema vichamuri Silwano. Ema, tétavikawa'i eta máitauraiwa'i tamutu. Puiti, éma'i tiáminanu'i eta juka najure. Esamanusera eta nechejirisira'eya, eta numetasira'e'i tamutu eta juka, nuwara'a nétumecha'e eta vé'iru'i, taicha yátupi'i eta vikaiju'eira'i me Viya.

San Judas 1:20

Étisera némunarukeneana nuparapenaveana, étumechakakaya eta esuapiraina eta é'isira'i ema Viákenu. Ísapawayarewa tímituka'e ema Machanewa Viya eta eyujarasirana.