1 Corintios 13:5 - Táurinakene máechejiriruwa’i ema Viya tikaijare

⁵ Wá'i vikawapajaima'i jákani táiñema'ikeneana. Wá'iware viverejimirauchaima'i ena apamuriana achaneana, wa'i énewanema'i eta visemira, wá'iware vikatianakaima'i;

Ignaciano

⁵ Váhivare vicava­pa­jaimahi jácani táiñema­hi­queneana. Váhivare vivere­ji­mi­rau­chaimahi ena apamuriana achaneana. Váhivare tijuricati visemaimahi. Váhivare vicatia­na­re­caimahi.

1 Corintios 13:5 ပူးပေါင်းရင်းမြစ်များ

San Mateo 5:22

Nútisera numetaka'e, mákani tisema'i maye'e ema maparape, éneichuware tikaikuñayare. Mákani tiúme'a'i ema maparape, tikayasere'iyare te namira'u nákani tuparairukana'i, takutikene mákani tikaeka'i'i ema maparape, máwaku'aipa'i eta ekuñaraki taye'e eta yuku.

San Mateo 9:4

Émasera ema Jesús máimarakawaka'i eta napanereruana'i ena, ema mayaserekawakapa: –¿Tája'a takayema eti, tiñema'ipa eta epanereruana'i?

Marcos 3:5

Taka'e ema Jesús máesenimuri'apa ena tichayakana'i, tisemaine'i, katisamurewaine'i taicha eta namúrakasamurewa'i ena achaneana, maichapa ema achane. –Pikánukecha eta piwa'u. Ema achane énewanepa makanukecha'i eta mawa'u, tási'a tinarakapa.

San Lucas 7:39

Taka'e, eta máimaira'i ema fariseo eta juka, mapanerekene'apa. Téchejikapa te masamure: “Te yátupina'ini profetaina'ini ema maka, máimatiakaipa'ini esu suka esena Temamaka'i: Esu suka esena ichape eta susipekaturaraiwa'i.”

1 Corintios 10:24

Wa'i ákarichuima'i eti iúrichawayare'i; éneichuware etánukayare'i eta táurichirawakayare'i ena apamuriana.

1 Corintios 10:33

Nuti, ichapemuri'i eta nuwaraira'i nukurisamurechawaka namutu. Wa'i nákarichu'ini nuti nutanuka'ini eta núrichirawayare. Éneichuware nutanuka'i eta núrichirawakaya ena apamuriana, taicha nuwara'a'i tauri eta, náuchukuiraina ena apanaware.

1 Corintios 11:18

Jukari'isera eta juka tikati'i nuye'e. Nusamairika'i te iúrujisirawana íchirana eta culto, waipa takutikaka'ini eta epanereruana, íputsimuriawawakapa. Németeaka nuti kañari'i'i eta íchawakenewa'i.

1 Corintios 12:25

Eta taka'e, te vikaematane, tamutu eta viáke'e tiyamurika'i, tímikatajirikaka'i, ichape'i eta táejiasirakaka'i, wa'i táiputsiakaka'ini.

1 Corintios 7:36

Mákani achane te sutiari'ipuka esu machicha esena máimarucha'a. Maimachayare esu machicha, táichavene'i eta suítana'asiraipa. Tatupiruwayaresera eta sukaparaperayare. Tájinachucha táimanena; wá'iware pekatuina.

2 Corintios 5:19

Tási'a, ema Viya mawaneka ema Machicha Jesucristo, apaesa makaepa'ayare'i eta vipekaturana vimutu viti vikasiñawana eta maye'e. Tási'a, tájina eta vipikakarasirawaima'i eta víkuñaina'ini.

Gálatas 5:13

Taicha eti nuparapenaveana, wa'i étaina tímichu'a'e'i maye'e ema Viya eta é'ikayare eta mawanairipiana ema Moiséini, wá'iwaresera étijirikawaima'i íchayare'i eta ewara'akeneana'i tamaurikeneana, ema Viya tíchu'a'e'i, mawaraira'i étijiwaya ítatijirikakayare'i taicha eta émunasirakakaina'i.

Filipenses 2:21

Narari'i ena apamuriana, énachuchasera tiyayauruirikawana'i, wa'i nayayaucha'ini eta náuriwaina'ini maye'e ema Viákenunu Jesucristo.

Filipenses 4:8

Títekapa, nuparapenaveana, epanerechinawayare taye'e tamutu eta yátupikeneana, taye'e tamutu eta tipikauchakareana, taye'e tamutu eta ítauraiwaya takuija taviucha'e, taye'e tamutu eta tikatajika'eyare eta íchira'i eta táurikeneana. Epanerechayarewa taye'e tamutu eta ekurisamurechira'i ema Viya, taye'eware tamutu eta tikunachakareana. Ekasamure tamutu jákani táurikeneana apaesa tikunachakareyare tamutu eta íchakeneanaya.

2 Tesalonicenses 3:7

Échaichu'i eti eta etupara'a'i ítusiraina ítatijirikawa e'isirayare'i eta viye'erepiana'i: víti te viávi'aicha'a eta ara eye'e. Wa'i plúju'avima'i,

2 Timoteo 2:10

Nukamicha'isera tamutu eta náichiranu'i, nuwaraira'i nasuapa'ini nákani máichu'akeneánayarepa'i ema Viákenu Jesucristo, apaesa náuchuku'a'ini ena apanawa, náitujikawa'ini nasiapa taye'e eta táurikakarekene máwasa, máichekuarakirenapa eta vikachaneraya ema.

2 Timoteo 4:16

Étaipa, te tínapukainapa nukatiuchawa'i te mamira'u ena tuparairukana juéseana, nájina náimikatakanu'ini. Namutu'i tijunijijikanuana'i. Tiuri, takuijaseraini makuícharakaini ema Viya, majapanu'ini ena tijunijikanuana'i.

Santiago 1:19

Eta taka'e, eti némunarukeneana nuparapenaveana, nutuparaka'echa yátupina tauri eta esamiraina eta máechejiriruwana ema Viya. Wa'i ekuijaja'úchawa esema, epanerechinawa eta échejisiraya.