1 Corintios 13:4 - Táurinakene máechejiriruwa’i ema Viya tikaijare

⁴ Té'esera yátupi'i vémunara'i, vikamichayare tamutu, vijapanura'iyare. Wa'i vikapinaruima'i nákani. Wá'iware pínkanilla'avima'i. Wá'iware vikasiñawawaikaima'i,

Ignaciano

⁴ Téhesera yátupihi vémunarahi, vicaye­he­yarehi paciencia, vijapa­nu­ra­hiyare. Vahi vicapi­na­ru­re­caimahi. Váhivare píncani­lla­ha­vimahi. Váhivare vicasi­ña­va­vai­caimahi.

1 Corintios 13:4 ပူးပေါင်းရင်းမြစ်များ

San Mateo 27:18

Taicha máimatiakaipa'i eta nametauchira'i ema Jesús, taicha ena nakápinaru'i.

Hechos 7:9

“Ena machichanaveana ema Jacob, éna'i ena viáchukanaveanaini'i, nakapinarupa ema naparape José, tási'a náijararekapa, apaesa nama'ini te Egipto, émasera ema Viya majaneaka'i ema José,

Romanos 1:29

Tétavikawa'i eta náepiyaresira'i eta napekaturana tamaurikeneana, nave'a'i esu esena apayena, ena amaperuana náicha'i eta natu'usiwana'i, té'ara'iana naye'e nákani matapirawareana'i, tamutupa nawara'a nakaye'e, káetemara'iana, tikapinarura'iana, tikapa'iana, tipiararekana te tisemana, tiwayuarekana, sémarairi'iana, técheji'iana,

Romanos 13:13

Ímikapikauchawayare eta ítaresirana. Iúrisiyare tamutu sacheana. Wa'i ekawa'aima'i. Wá'iware ímisiapawaima'i naye'e ena tikapiestarana'i. Wá'iware tú'usi'ema'i. Wa'i tiwayuaka'éma'i eta tájiparakana. Waipa iúme'arerekaima'i, wá'iware ekapinarura'ima'i.

1 Corintios 3:3

Taicha eti wicha'a támutu'ini ínajika'ini eta tajamurachakeneana eta iáke'eana! Taicha ekapinarujirikakaicha'a, ekatianajirikakaicha'a, íputsimuriajirikakaicha'a, eta epanereruana ekutiricha'a eta napanereruana'i ena apamuriana achaneana masuapajiraira'anaicha'a.

1 Corintios 4:18

Etiari'ipapuka eti ekasiñawaipa eta numaitujisirawaipa néjirapana'e'ini. Ímijachaipapuka waipa nejira'ema'i;

1 Corintios 4:6

Nuparapenaveana, numetaka'e eta juka eta tiúricha'eyare apaesa ákuti eta máuriwa ema Apolo, ákutinuware nuti apana eta núriwa'i, taicha étanaichu'i eta vímiturapiana'i taye'e eta vé'iru'i. Wa'i táurika enerejika'ini nákani émunaruanaya, wakutikakasera eta émunasira'avina viti vímitura'iana'i. Nakuijaware épurukenéna nákani tímitura'iana'i.

1 Corintios 5:2

Esapi'aichucha eti, ¡tétavikawa'i eta ekasiñawawaisira'i! ¡Iúri'aipa etsiri'apaini, táichavene'i eta máichakene'i ema echamuri! ¡Iúri'aipaware étupirika'ini ema maka! Taicha tituparaka'avi vikuchukayare te vimuri nákani téjekapawana'i.

1 Corintios 8:1

Puiti numetaka'eya eta táicharakawa'i eta enisira eta tinikakareana nayujaraure'i te tamira'u eta nasiñarajiana. Vimutu viti vímatiekene'a tájinachucha táimanena eta juka. Wa'isera wákasiñawaima'i eta vítusira'i. Takamunu'isera eta vémunasirawaka ena vichamuriana, vímikatasirakakaya.

2 Corintios 12:20

Nuti, te níteka eta ara eye'e, nupika'i wa'i núrikaima'i áka'ema'i'ini eta nuchimapira'eya, e'ajirikaka, ekapinarukaka, esemajirikaka, íputsimuriákaka, épiyekenerejirikaka, iúme'ajirikaka, ekasiñawawairika, wá'ipuka takuakejirikaka'i eta epanereruana.

2 Corintios 6:6

Kapacha eti ímati'avi'i yátupi'i eta táuriwa'i eta vítaresira. Ímati'iware eta vikaimitukasi'i maye'e ema Machanewa Viya. Yátupikene'i eta némunaraiwa'i,

Gálatas 5:26

Waipa táurika'ini ekasiñawawaika'ini ekapinarujirikaka'ipukaini, wá'isera etanukaima'i eta semanere maye'e mákani echamuri.

Efesios 4:2

Yátupina eta emansuwaina, étapa eta émunaraiwaina, ekamichayare tamutu, ímikatakaka eta émunasirakakaina eta etijikakairaina.

Efesios 4:32

Táitsiwa étaviuchayare eta iúriwayare naye'e nákani apamuriana, ejapanura'iyare. Te tatiari'ipuka eta náejekapirawa, ejapanukakayare, taicha ene maka'e'i ema Viya eta majapanuira'e'i máichavene'i ema Cristo.

Filipenses 1:15

Narari'i ena, tiúri'i eta napanereruana eta náimituresira'i te máijare ema Cristo. Narari'iwasera ena apamuriana tikametarairuana taichavenechucha eta nakapinaruiranu'i nawaraira tikachurikanuanayare.

Colosenses 1:11

Énerichuware viyaseaka'i ema Viya máijaraka'eni eta ichapekene máitupajijiasirawa apaesa ekamicha'ini tamutu eta ekatajiwairana, apaesa ekamicha'ini muraka, iúrisamurereakawachuchaini

Colosenses 2:18

Eta taka'e, wa'i ekusuapa ena nákani nawara'a típikarareka'eana, te náicha'epuka, wa'i tiuri eta juka é'iru'i, wá'isera ekusuapawaka, te tikamesajirika'eana'ipuka éstakawa, étapa eta ejirauchirainaji ena ángeleana, timijachawana'i tiuriana, tímijachawanapa máechejikawaka ema Viya, naepiya'iraiwachuchasera, etachucha napanerecha eta nakasiñawawaisira, etapa eta tamaurikeneana.

Colosenses 3:12

Ema Viya tétavikawa'i eta máemunasira'e'i, eta taka'e, tinerejika'e'i eti machaneranayare'i ema, ekutipaipa ema, eta masantuwa'i. Eta taka'e, puiti étijiwainapa ekarawa'uyare eta táuriwayare eta ítaresirayare, étaviuchayare eta ejapanuraiwaya, émunara'iyarewa, ímerekaya eta emansuwayare, ekamicha tamutu.

1 Tesalonicenses 5:14

Énerichuware vituparaka'e, nuparapenaveana, epamikayare muraka nakaematane ena plújuana, wa'i náesacha'i tikaemataneana. Éneichuware étumechawaka ena tiyakujiriri'ana, ena nani tínajirikawana'i, murakaina eta ímitusiraina, ekamichayaresera namutu ena.

1 Timoteo 6:4

ena nani, tikasiñawawáikana'i, tájina'ineni náitukakenena'ini, ena nani, náurika téchejikana. Nawayurewanapa'i nakapaemachapa'i taye'e eta takayemakeneana eta véchejiriruwana te vímitureka'i, tikapinarura'iana ena, tiúme'ara'iana, tíchanara'iana, tipikakarakawanapa.

2 Timoteo 2:25

enaipa ena viánarana'i, tiúriyare eta véchejirisirayare. Vikuchapayare eta táetupirisirawaina eta napanereruana, máijaraka'ini ema Viya nasuapiraina eta máechejiriruwa,

2 Timoteo 3:10

Pítisera pé'ika'i yátupi eta nímiturapiana, pikutinu'i eta núriwa'i naye'e namutu achaneana, étaipa eta nupamisirawa'i eta né'isira'i ema Jesús, nukasiñawa'i yátupi maye'e, pikutinu'iware eta nukamichirawa, étaipa eta némunaraiwa'i, étaipa eta nurata'aira tamutu,

2 Timoteo 4:2

eta taka'e, pímiyanawachucha pikametarairu eta máechejiriruwa ema Viya te jákani pítujisirawana. Pékatiakawakaicha muraka ena téjekapawana'i. Pechejikawaka, pétumechawaka ena, apaesa tiúri eta napanereruana. Pakamichasera eta pímitusirawakaya namutu.

Tito 3:3

Víti, akane éneichuware vika'i maiturere'avini'i masuapajira'avi'i. Tatajina vechakenena, vicha'i eta tamaurikeneana taicha tamusura'avi'i eta taiparakana te juka apake'e. Vicha'i eta ta taiñema'keneana, vikapinarureka'i tikaticha'aviana'i tási'a vikatichajirikaka'iware.

Santiago 4:5

Eti ímijachaipapuka táepiyewa'i eta táechejiriruwa'i eta Takapika'ukene Ajureka. Ani taka'e'i: “Eta máwa'asira'avi'i ema Machanewa Viya, téñama'avi'ipa wa'i vi'apasamurechaima'i taye'e eta tamaurikeneana.”

1 Pedro 2:1

Eta taka'e, támutupa ínajika eta ewainararajiwanaini'i, tamutu eta ekaetemaraiwaini'i, eta apipiemaira'eni'i, eta ekapinaruraiwaini'i, étapa eta écheji'iwanaini'i.

1 Pedro 3:8

Ámutu eti, ákutikaka'i eta epanereruana, ejapanukaka, émunakakaware naye'e namutu ena echamuriana, ekajira'i, mánsu'ena'i.

1 Pedro 4:8

Tiápajukawayare'isera eta émunajirisirakakaya eti. Te yátupi'i eta émunajirisirakaka'i, máejerareya eta ejapanukakairaya eta jákani éjekapirawana.

2 Pedro 1:7

Epamikawa'iwareni iápajukaya eta émunaraiwa'i naye'e ena echamuriana, ekajirayare, epamikawa'iwareni eta émunaraiwa'i naye'e ena apamuriana achaneana, tayanapane wa'i náe'ika'avi'ini.

1 Juan 4:11

Nuparapenaveana némunakasareana, máetaviucha eta máemunasira'avi ema Viya, eta taka'eyare eta vemunasirakakaina.