1 Corintios 13:3 - Táurinakene máechejiriruwa’i ema Viya tikaijare

³ Tási'a, te takuija'ipukaini eta vémunaraiwaina'ini, tájina vijakapakaréima'i me Viya. Tayanapane vikajirika'ipukaini tamutu eta víma'akeneana te vipena, té'eware vísapapukaini náijuchaini eta viáke'e táichavenena'ini eta namaurisira'i.

Ignaciano

³ Tásiha, te tacuija­hi­pucaini eta vémuna­rai­vai­nahini, tájina vijaca­pa­ca­réimahi me Viya táicha. Tayana­pa­nevare vicaji­ri­ca­hi­pucaini tamutu eta vímaha­queneana te vipena, téhevare vísapa­pucaini náijuchaini eta viáquehe táichave­né­nahini eta namauri­sirahi véhica ema Viáquenu.

1 Corintios 13:3 ပူးပေါင်းရင်းမြစ်များ

San Mateo 23:5

Tímijachawana'i tamutu naitaucha, nawaraira'i tikunachakareana naye'e ena achaneana. Nanaka'i te nana'uana eta Ajureka navejure'i eta te Takapika'ukene Ajureka. Takutikene eta nakamuiri'aira tísapepeakawana'i pínkanillana'i.

San Lucas 18:22

Te masamapa eta juka ema Jesús májikapapa: –Jukari'icha'a eta pítauchakeneyare: piyana píjararekaya tamutu eta píma'akeneana, tási'a píjarakawakapa ena páureana. Jé'eware eta pijakapayare eta píma'akeneyare te anuma. Tási'a pitekapa pé'ikanu.

San Lucas 18:28

Ema Pedro máichawarepa: –Tata vítisera, tamutu eta vikaye'ekeneanaini vinakika'i, viwaraira'i vé'ikavi.

San Lucas 19:8

Te téjakanapa te taju'e, témeña'awapa ema Zaqueo te mamira'u ema Jesús. Tási'a, maka'epa: –Píma'a, Tata Nákenu. Nuti néñeuchawapa me Viya. Puiti níjarakayare ena páureana tikutimuri'akaka eta níma'akeneana. Nímichawayarewa te natiari'ipuka ena nukaetemakeneana'i, kuatru'enapasera eta táitsiwayare eta nímichawakeneya.

San Juan 12:43

Étachucha náurika'i eta nakunachakarewa'i naye'e ena nachamuriana fariseona. Tasapi'apa náepuru'i eta makunachakarewa'i ema Viya.

San Juan 13:37

Ema Pedro máichapa: –Tata, ¿kúverarekapa wa'i nukurata'a'ini né'ikavi? ¡Nuti níjarakawa népena píchavenena'i píti!

San Juan 15:13

Ena achaneana, te nawara'a'i náimereka eta náemunasira'i nákani náemunaruana'i, tíjararekawanapuka eta náepenira'i, ena yátupi'i náimereka eta náemunasira'i ema najiriare.

San Juan 6:63

Eta Machanewa Viya eta kaitareka'avi'i wa'i étaparakaini eta néchekene. Eta juka nímiturapiana, te esuapapa, étara tikaitareka'eya, taicha yátupikenera'i, eta nechejiriruwa'i.

Hechos 21:13

Émasera ema Pablo máicha'avipa: –¿Tája'a takayema ímipanererekanu eta juka íyauchiranu'i? Wa'i nupika te náitiakanupuka, nuti níjarakawa népena te Jerusalén máichavenena'i ema Viákenu Jesucristo.

Gálatas 5:26

Waipa táurika'ini ekasiñawawaika'ini ekapinarujirikaka'ipukaini, wá'isera etanukaima'i eta semanere maye'e mákani echamuri.

Filipenses 2:3

Eti eta ítaresiraina, takuija eta ekasiñawawaisiraina, wá'iware ekuimijuki'a eta ewara'akeneana, nuwara'asera ímereka'ini eta emansuwaina naye'e ena echamuriana; éna'i émunarukeneana'i, ima'a ena apamuriana tiuripanana eta eye'e eti.

1 Timoteo 4:8

Takuti eta náimikarawa'uchirawa ena tijunapana chururira'iana te tijunapana, nawaraira'i náetumecha eta náke'eana, takamunu'isera nápepejirikawa te sácheana, píti, wa'i takuechuki'a eta pikarawa'uira'i, te yátupi'i vikarawa'u viúritaresiraya maye'e ema Viya, tétavikawaya eta viúriwaya te taunawa eta sacheana.

Hebreo 13:9

Wa'i ekuisapawa ekue'ika eta jákani apánapanenejikeneana náimiturapiana. Tiúripana étumechayare eta esamureana, táichavene'i yátupikene eta máemunasira'avi'i ema Viya. Étapasera eta naye'erepiana taye'e eta tinikakareana, wa'i étaparakaina, taicha tájinachucha táimikatakawaka'ini ena tikaye'erepiana'i.