1 Corintios 13:2 - Táurinakene máechejiriruwa’i ema Viya tikaijare

² Te takuija'ipukaini eta vémunaraiwaina'ini, tájinapa vikunachakaréma'i me Viya. Tayanapane vikametarairu'ipukaini eta vimetakasiwana'i te anuma, támutu'iwarepukaini víturuekene'aini, étaipa te máija'uchapukaini makayejeka'ini ema Viya eta ichapekene mari táichavenena'ini eta viyaseasiraina'ini eta vikasiñawairaina'ini eta maye'e.

Ignaciano

² Te tacuija­hi­pucaini eta vémuna­rai­vai­nahíni, tájinapa vicuna­cha­ca­rémahi me Viya. Tayanapane vicame­ta­rai­ru­hi­pucaini eta vimeta­ca­si­vanahi te anuma, támutu­hi­va­re­pucaini víturue­que­neháini, étaripa te máijahú­cha­pucaini macaye­je­cahini ema Viya eta ichapequene mari táichave­né­nahíni eta viyasea­si­rai­nahini eta vicasi­ña­vai­rai­nahini eta mayehe.

1 Corintios 13:2 ပူးပေါင်းရင်းမြစ်များ

San Mateo 13:11

Ema Jesús májikapawakapa: “Émasera ema Viya timimaticha'e eti, eta juka maeñaure'i te mawasa ema Viya akenuka te anuma, énasera ena apamuriana achaneana wa'i maitametakawakaima'i.

San Mateo 17:20

Ema Jesús maichawakapa: –Táicha eti wícha'a yátupina'ini ákasiñawa'ini me Viya. Nutupiruwa numetaka'e, te yátupikenena'ini ákasiñawa'ini me Viya, tayanapane ánichichainaichu'ini, takuti'ipukaini eta táki eta mostaza, étaipa jákani mari áwara'a'ini ekayejeka, te íchapapukaini, piyejekawa te juka, piyana ánakipana, tási'a tiyejekawa'ini eta. Je'esare, wa'i takukajeraraji'ini eye'e.

San Mateo 21:19

Máima'apa eta yukuki tikaijare higo te achenechakaya, tási'a tiyanapa mapaucha'i, tájina'isera tá'ina'ini, takarichu'i eta tapakajiana. Tási'a, máichapa ema Jesús eta higo: –¡Pépiyainapa píti eta má'irikireviyare! Eta maka'era'i, énewanepa tiájiki'i.

San Mateo 21:21

Ema Jesús majikapawakapa: –Nutupiruwa numetaka'e eti, te yátupina eta ekasiñawaira'i me Viya, tási'a wa'iware émaitukaima'i, wa'i takarichuima'i erata'ayare ícha, ekutinuya eta níchakene'i, erata'ayarewa ekayejeka eta mari te ichapeama une.

Hechos 13:1

Ena té'ikana ema Jesús, tikawasana'i te Antioquía, natiari'i te namuri ena tikametarairura'iana eta maéchejiriruwa ema Viya. Tímitura'iana'i ena. Natiari'iware ema Bernabé, ema Simón (náimijarechaware Negro), émapa ema Lucio (eta máuchusine'i te Cirene), ema Menahem (ema machajuru'i ema Herodes),

Romanos 11:25

Nuparapenaveana, nuwara'a numetaka'e eta juka tayumururewaini'i, máimimatichakenenu ema Viya. Eta namurakasamurewa'i ena nujaneanana. Té'esera námutupa nasiapa ena apawasana manerejiruana'i, napaenumawainapa ena nujaneanana náesenikayare ema Viya.

Romanos 15:14

Nuparapenaveana némunarukeneana, nukasiñawa'i nuti eta eye'e, eta étaviuchiraipa eta iúriwa étapa eta ímatiekene'aira'i tamutu eta máimiturapiana ema Viákenu. Yátupi'iware ítuka'i échejirika.

Romanos 16:25

Vijirauchira ema Viya. Ema, mawara'a'i tétumecha'eya taye'e eta é'isira'i ema Viákenu Jesucristo. Eta taka'e'i eta nukametarairuira'i, nímitukawaka'i namutu ena achaneana eta majakapirawaka'i ema Viya eta nakasiñawaira'i me Machicha. Akane eta táepanirawa'i eta apake'e, ema Viya Eterno mapanerechapa eta majakapirayare namutu ena achaneana tikasiñawanaya eta maye'e.

1 Corintios 11:4

Eta taka'e, viti ajairana wa'i viúri'a'ini vikaepakasi'ini te viyujarauchawaya, étaipa te vikametarairuyare. Taicha te vikaepakasi'i, tímikutijirikawaipa vémepuru'i ema Cristo eta vichutiri'aira'i ema.

1 Corintios 12:28

Énerichuware, ema Viya tituparaka'avipachu eta viáwakurepachu'i, mawaraira'i vijaneaka'eyare eti vichamuriana, machanerana'i. Énapa ena profetana, énapa ena tímiturekara'iana'i eta máechajiriruwana ema Viya, énapa ena títuruekene'ana'i nakuchuka eta tiáramikareana, énapa ena tikanararekana'i ena nakajumakeneana, énapa ena tímikatara'iana'i naye'e ena nakamunukenéwana, énapa ena tiúriana'i eta nakawanairipirana, énapa ena tiúri'ichu eta náechejisi'a eta apaechejiriruwana, énapa ena títukana'i nápepika eta apaechejiriruwana.

1 Corintios 13:1

Víti'ipa, te takuija'ipukaini eta vémunaraiwaina'ini, waipa tisuapakaréma'i eta vimetarairuana, vémunasirikawapa tayanapane vítuka'ipuka véchejika tamutu eta apaechejiriruwana, wákutipukaini eta náechejisira ena ángeleana.

1 Corintios 13:3

Tási'a, te takuija'ipukaini eta vémunaraiwaina'ini, tájina vijakapakaréima'i me Viya. Tayanapane vikajirika'ipukaini tamutu eta víma'akeneana te vipena, té'eware vísapapukaini náijuchaini eta viáke'e táichavenena'ini eta namaurisira'i.

1 Corintios 13:8

Tájinapa títaima'i eta vémunaraiwayare, vímiyanawainapa eta vítaresiraya. Eta jena sacheanayare, vímatiekene'a tamutu. Waipa vikamunu eta vimetakasiwana eta metarapianayare tási'akeneanayare me Viya. Tájinapa viátajiwaima'i eta visamirayare eta apaechejiriruwana.

1 Corintios 14:29

Nákani tikametarairuanayare eta máechejiriruwana tási'akeneana'i maye'e ema Viya, te apinana'ipuka, mapanana'ipuka, tájinachucha táichawa. Tikamunukare'isera ena náurujiruwana'i napanerékene'ayare'i tamutu eta nakayemakeneanapa'i.

1 Corintios 14:39

Tiuri, nuparapenaveana, epamikawachucha ekametarairu eta máechejiriruwa ema Viya. Tási'a, táurikachucha ísapa nákani téchejikanaparaka'i te apaechejiriruwa.

1 Corintios 14:4

Ema mákani téchejika'i ema Viya te apaechejiriruwa, maye'echirawaichu'i te máchanewa eta makajurusiraya eta masuapajiraiwaya. Émasera mákani tikametarairu'i eta máechejiriruwana tási'akeneana'i maye'e ema Viya, makajurusina'i eta nasuapajiraiwayare'i ena machamuriana.

1 Corintios 15:51

Éneichuware nuwara'a níminekapaekene'a'eyare eta juka tayumururewaini'i: Wa'i wámutuima'i vépenayare viti vítareruanaicha'a, tikaitsiwayaresera eta viáke'e, víti énapa ena náepenakeneanaripa'i

1 Corintios 16:22

Nákanisera máesachara'ana'i ema Viákenu náimainawapainepa ena eta náikuñayare te machawapa. ¡Tata Viákenu, pítekawaneni!

1 Corintios 4:1

Nuwara'a némecha'e eta vikatupara'aira'i viti maye'eana'i apústule ema Cristo. Mamusura'avi'i víti. Tiwaneka'avi'i eta vímitusira'eyare eta mapanereruana ema Viya, eta tayumururewanaini'i.

1 Corintios 7:19

Tájina wa'i étaparakaina eta vimikutiarachawa, te wa'ipuka vimikutiarachawa étasera tiwara'akare'i vikaemataneakayare eta mawara'akeneana'i ema Viya.

1 Corintios 8:4

Puiti, numetaka'eyare eta juka nechejiriruwa taye'e eta juka enisirana eta tinikakareana takayujara'ukene'i te tamira'u eta nasiñarajiana ena achaneana. Tájinachucha táichawa, taicha eta nasiñarajiana wa'i yátupina'ini víyanaina'ini te juka apake'e, taicha émanaichu'i ema yátupikene'i Viya.

2 Corintios 12:11

Yátupi puiti eta néchejisiawaira'i nukatiuchirawa'i, tímikutijirikawaipa máurishinuina'ini, íchavene'isera eti. Taicha eti tatuparaka'i imereuchanuyare'eni, nukutinasiwaka'i ena nainapureana chapekeneana apústuleana. ¡Wicha'asera nakutinasima'i ena!

Gálatas 5:16

Esamanucha'a: Ema Machanewa Viya mawara'a tímikataka'avi eta wa'i vikusuapa eta tajamurachakeneana'i eta viake'eana.

Gálatas 5:22

Emasera ema Machanewa Viya eta maematane, tíjaraka'avi'i eta vémunaraiwaya, viúrisamurerekawayare, tinarakainapa eta vipanereruana máicha, tíjaraka'avi eta vikamichiraya, vijapanura'iya máicha, vikajiraiwayarewa máicha, vétaviuchaya eta viúriwayare,

Gálatas 6:3

Taicha narari'i ena tímijachawana'i wa'i tiákipaikawanaima'i taye'e eta pekatuana, wa'i ekuwayuakawa, wa'i takaemuñawakare'ini, taicha eta juka wa'i tanekapakare.

Efesios 3:4

Eta échejikuirayare eta juka najure'i, échainapa eta nimatiekene'aira'i eta tayumururewaini'i mapanereru'i ema Viya maye'e ema Viakenu Jesucristo,

Efesios 6:19

Éneichuware, te eyujarasirana, eyaseuchanu'ini me Viya, apaesa máijarakanu'ini ema eta nuwapinairawa, takuijaware ta'apapirikanu eta néchejisirayare ena achaneana. Nuwara'a tasuapakare'ini naye'e eta najakapakarewa'i maye'e ema Viya.

Colosenses 1:26

Nímimaticha'eyare tamutu eta juka mapanereruana'i ema Viya, tayumururewaini'i eta táitaresira'i akane, énaipa ena viáchukanaveanaini wa'i támutu'ini náimati'ini. Puítisera ema Viya, tímimaticha'avipa viti machanerana'i tamutu eta júkana.

1 Timoteo 3:16

Taicha eta juka vé'iru'i vimutu, tétavikawa'i eta táuriwa taechapewa'i: Ema Viakenu timerekawa'i eta máukupaisira'i makake'era'i eta juka viake'e'i viti achaneana, émaipa ema Machanewa Viya makametarapi'iware eta yátupira'i Machicha ema Viya. Náima'a'iware ena ángeleana eta máechepusira'i te máekari. Nakametarairpa tamutu awasareana, namutu achaneana nasuapa'i te juka apake'e. Ichapemuriana ena tijachapána eta majaraiwa te anuma.

1 Juan 4:8

Énasera ena nani wa'i témunakakana, wa'i náimati'ini ema Viya, taicha ema Viya, yátupikene'i eta máemunaraiwa.