1 Corintios 12:3 - Táurinakene máechejiriruwa’i ema Viya tikaijare

³ Eta taka'e puiti némecha'eyare eta juka naye'e nákani wa'i máwa'aruanaima'i ema Machanewa Viya. Te naka'epuka: “Másajitatajipukaini ema iákenu eti”, te naka'epuka eta juka, ímatiwakaya ena. Taicha ena máwa'aruana'i ema Machanewa Viya, nakarichu ena tatuparaka'i náimatiyare eta akenukaira'i ema Jesús. Énasera ena wa'i máwa'aruanaina'ini ema Machanewa Viya, wa'i tatuparaka'ini náka'epukaini: “Ema Jesús émara Viya Viákenu'i.”

Ignaciano

³ Nuvaraha némecha­heyare eta juca ímati­rayare nayehe nácani vahi mávahá­rua­naimahi ema Espíritu Santo. Te nacahepuca: “Másáji­ta­ta­ji­pucaini ema iáquenu éti”, te nacahepuca eta juca, ímati­vacaya éna. Taicha ena mávahá­ruanahi ema Espíritu Santo, nacarichu ena tatupa­racahi náimatiyare eta aquenu­cairahi ema Jesús. Énasera ena vahi mávahá­rua­nai­nahini ema Espíritu Santo vahi tatupa­ra­cahini nácahe­pucaini: “Ema Jesús émara Viya Viáquenuhi”.

1 Corintios 12:3 ပူးပေါင်းရင်းမြစ်များ

San Mateo 22:43

Taka'e maichawakapa ema Jesús: –¿Taja'apuka takayema ema David, ema Machanewa Viya eta émaira'i tíjaraka'i eta maitukakene, émasera maicha'iware Tata nákenu? Taicha maka'e'i ema David:

Marcos 9:39

Ema Jesús májikapapa: –Wa'i ekukawaka, taicha te máicha'ipuka ema mákani eta tiáramikare, mámapika'i eta níjare, wa'i makaeka'inu'ini.

San Juan 13:13

Eti ímijarechanu Tata Maestro, étupika'isera, taicha yátupikenenu'i eta numaestruwa'i.

San Juan 13:14

Eta níchira'e'i nuti, eta numaestruwa'i, nusipapewachira'e'i, ene eka'eyare eti eta ítaresiraya. Esipapewachakakayare eta íwapeana.

San Juan 15:26

“Étasera, te maitekapapa ema katiura'iya, ema nuwaneruyare mási'akeneyare me Tata, nuyaseakaya mawaneka ema Machanewa, ema te máitekapapa, tímereucha'eyare eta yátupikeneana, tímereuchanuyarewa nuti eta eye'e.

Hechos 8:37

Ema Felipe máichapa: –Te yátupi'ipuka eta pisuapira'i te pisamure eta pikasiñairaya ema Jesús, níkachasikaviya. Tasi'a ema achane májikapapa: –Yátupi nusuapa ema Jesucristo eta émaira'i machicha ema Viya.

Romanos 10:9

Te'esera te numetaurekawa te nujaka eta nimatira'i eta émaira'i ema Tata Jesús tási'a nusuapayare'i yatupi te nusamure eta emaira'i yatupi ema Viya tikatiuchanu'i eta nikuñayare'ini, je'ewaresera puiti nujakapainapa eta makatiurapi.

Romanos 9:3

táichavene'i eta namae'isira'i ema Viákenu Jesucristo. Táetaviucha eta néñamirawa'i eta naye'e, nuwara'aine'i níjararekawa'ini nuyana'ini nuti te jena yuku, apaesa wa'i nakuyana'ini ena. Énaina'ini náuri'ini ena maye'e ema Viakenu.

1 Corintios 16:22

Nákanisera máesachara'ana'i ema Viákenu náimainawapainepa ena eta náikuñayare te machawapa. ¡Tata Viákenu, pítekawaneni!

1 Corintios 8:6

Vítisera viti vímatiekene'a'i, émanaichu'i ema Viya Vikaiyakene. Ema Jesucristo, ema Tata mapanerechapa eta tatiari'iyare tamutu eta víma'akeneana'i; vítipa vimutu achaneana. Puiti émapa tíjaraka'avi'i eta vítaresira.

2 Corintios 11:4

Ímikatisamurechanu'i eta esuapirawane'i ena tépiya'ira'iana, apápipa'i eta nametarairu taye'e eta náuchukuiraya. Nuti, éma'i ema Jesucristo ema néchejisi'asa'i, ena, apana'i ema náechejisi'a'i. Émaipa ema Machanewa Viya, wá'iware émaina'ini náechejisi'a'ini, eti ejákapaipa'i ema.

2 Corintios 3:5

Taicha víti wa'i vítijiwaina'ini víjarakawa eta vítupajijiasirawa'i. Émakene'i ema Viya tíjaraka'avi'i eta vitumewana'i eta vikaemataneasira'i ema,

Gálatas 3:13

Ániware taka'e eta Takapika'ukene Ajureka: “Mákani achane ichape eta maviurewa, tikaetatakasiyare'i te yukuki, eta táikutiara'i eta máikuñasirayare ema Viya eta máchanewa.” Viti achaneana, ichape eta víkuñayare'ini taicha eta vimaitauchira'i tamutu eta wanairipiana, émasera ema Jesucristo, tépenina'avi'i te crusu, tamuriasira'i tamutu eta víkuñayare'ini víti.

Apocalipsis 1:10

Te jena sachekene'i lumínkukene'i, ema Machanewa Viya tímechanu'i eta mawara'akeneana tímechanu ema Jesucristo, taka'e'i eta táepanirawa'i eta máimemechiranu'i, tatiwapa nusama'i eta ma'u ema émana te nukeku, muraka eta máechejisiranu'i, tirure'ucha eta nusamira'i takutia'u eta nachuja.