1 Corintios 11:34 - Táurinakene máechejiriruwa’i ema Viya tikaijare

³⁴ Té'esera matiari'ipuka mákani téku'asamureipaicha, tiúripana manikanuma te mapena, apaesa waipa makuemechareka'e ema Viya, eta tamaetupisirawa'i eta iúrujisirawa'i. Étasera eta juka apamuriana téchakareana'i viye'e, níma'ainepa nuti netupirikaya te níteka eta ara eye'e.

Ignaciano

³⁴ Téhesera matiari­hipuca mácani técuha­sa­mu­re­ripaicha, tiúripana manicanuma te mapena, apaesa vaipa macueme­cha­recahe ema Viya taicha eta tamaetu­pi­si­ravahi eta iúruji­si­ravahi. Étasera eta juca apamuriana téchaca­reanahi viyehe, nímaha­rinepa núti. Nétupi­ricaya te níteca eta ara eyehe.

1 Corintios 11:34 ပူးပေါင်းရင်းမြစ်များ

1 Corintios 11:33

Eta taka'e, eti nuparapenaveana, te ekurujikakayare eta enisirayare, ekuchapakakayare apaesa ínuna eta enisirayare.

1 Corintios 16:1

Étasera eta juka enakikisirawayare eta naye'eyare ena vichamuriana tikawasana'i te Jerusalén, étaichu é'ikayare eta nímitusirawaka'i ena vichamuriana tikawasana'i te awasareana tinapaika eta Galacia.

1 Corintios 16:2

Puiti, nuwara'a nutuparaka'eyare: Te luminkumu'uana, íputsisinawayarepa'i, émanapachu eta manakiruwanayare. Étisera échinawa'i áyana'ipuka jákani ewachasana'i. Iúnasinawapaipa, apaesa takuijapa étaparakaima'i te nítekapaucha'epa.

1 Corintios 16:5

Eta nítesirayare, nuwara'a nétawajikayarepa'i te awasareana taye'eana eta Macedonia, nítekapirainapa eta ara eye'e.

1 Corintios 4:17

Eta taka'e, néwatakayare eta ara eye'e ema némunarukene nuchicha Timoteo títaura'i eta makaemataneasira'i ema Viákenu. Ema, temecha'eyare, eta takayemakeneana eta nímiturapiana eta vé'isira'i ema Cristo. Táurikene'i eta máimiturapiana taicha étaichu'i eta nímiturapi'i naye'e ena vichamuriana te jákani nupaisineanapa'i.

1 Corintios 4:19

nuwara'apaicha nuti níja'uchawa'ini nítekapaucha'e'ini. Nukuchapa'i eta nítujisirawaina'ini maicha ema Tata, te nítekapaucha'epa, níma'ainapa ena nákarana tisiñawawaikana'i, timijachawana'i narata'a tamutu nima'ainapasera te yátupi'ipuka naitaucha eta naechejiriruwana.

1 Corintios 7:17

Ema Viákenu tíjaraka'e'i eta ématanerepiana'i te tíchu'a'enapa. Etupara'apachu'i eta ématanerepiya. Wa'isera ínajikaima'i, ímiyanaware ítauchaya eta etupara'ana'i. Étara eta juka nuwanairipi naye'e ena vichamuriana tikawasana'i te tamutu awasareana.

Tito 1:5

Péchawaichu'i te nunakikavinapa te tikaijare Creta, nutuparakavi'i pítauchayare tamutu eta numaitaureana'i, eta nutupararuvi'i pinerejikaya ena pinakakeneanayare eta náwakureanaya ena pastuleruanaya téchapajirikanayare nákani náijamuripachu tisuapajira'iana.