1 Corintios 1:9 - Táurinakene máechejiriruwa’i ema Viya tikaijare

⁹ Ema Viya wa'i ma'apapikaima'i eta mapanereruana'i, yátupi eta máitauchirayare'i eta máichuira'e'i, mawara'a'i iúrujikawayare ekachanenapa ema Machicha Jesucristo ema Viákenu.

Ignaciano

⁹ Ema Viya vahi mahapa­pi­caimahi eta mapane­re­ruanahi. Yátupi eta máitauchi­ra­yarehi eta máichuirahehi, mavarahahi iúruji­ca­vayare ecacha­nenapa ema Machicha Jesucristo ema Viáquenu.

1 Corintios 1:9 ပူးပေါင်းရင်းမြစ်များ

San Mateo 24:35

Títawayare eta anuma étapa eta apake'e, étasera eta nechejiriruwa titauchawayare, wa'i tianuku'aima'i.

San Juan 17:21

Nuyaseakaviware wá'ini takuitawa'ini eta náurujiasirakakayare ena. Pakutini piti, Tata eta piawa'asiranu'i nuti, tási'a nuti eta piye'e, eneichuware ena nakachane'avi'ini viti, apaesa ena achaneana te juka apake'e náimati'ini yátupina eta piwanesiranu'i.

Romanos 11:17

Eta yukuki ulivu, ena'i ena juriyuana, taka'e naechukapa eta tatawana maurira'ana, taka'e nave'apa eta tatawa eta ulivu tikawasa te simena, naemewachakapa naipistakapa eta tatawa, eti'ineni eta apawasana, eta taka'e'i eta machanera'epa ema.

Romanos 8:28

Véchaipa'iware tétavikawa'i eta majaneasira'avi'i ema Viya vimutu viti vémunakana'i ema. Tayanapane vikatajiwa'ipuka, ema tamutu'i tiuri máicha. Títauchawayare eta mapanereruana ema eta viúrikakareyare'i eta máichuira'avi'i.

Romanos 8:30

Ena manerejiruana'i ema Viya, maíchu'awarepa; eta nasuapira'i napauchapa ema, majakapawakapa. Tási'a, ena tijakapana'i maíjarakawapa eta naíkuchi'i eta naisiapiraya taye'e eta majaraiwa.

Romanos 9:24

Wa'i wákarichu'ini viti juriyuana manerejika'avi'ini, éneichu'i eti apawasana manerejiru'e'iware.

1 Corintios 1:30

Puítisera eti, majakapakeneanaripa ema Viya. Máwa'aru'ewarepa ema Jesucristo maicha ema Maiya. Taka'e, ichapeipa eta échemaraiwa'i máicha, santu'eipa máicha, ekutipaipa eta masantuwa'i ema. Iuchukurepaipa'i taye'e eta tikaviurekarewana.

1 Corintios 10:13

Puiti juka eta vítaresira, jarari'i eta tawara'a témejekapawacha'avi, wa'isera ekuarami'ini, taicha eta taka'e'i eta maichararakawa'i namutu ena achaneana te juka apake'e. Ekasiñawayaresera muraka maye'e ema Viya, taicha yátupi eta makasiñakarewa'i ema, waipa máisapaima'i táwayuchawa'ichaini eta tapamisira'e. Jé'esare ema, tíjaraka'enapa eta etumewayare, ekamichirayare tamutu.

1 Corintios 10:16

Étaipa eta juka vérasa'i vimutu viyujaraureasa'i te vinikayare, étaichu'i táikutiara'i eta máitine máepusairu'i te crusu ema Viákenu Jesucristo, étaipa eta pan vinikakeneasa viyuvetu'ejirikaka'i, étaichu'iware táikutiara'i eta maeche ema Viákenu.

2 Corintios 1:18

Nuti nukasiñawa'i eta máimatiranu'i ema Viya. Wa'i nuwayuaka'ema'i eti.

Gálatas 1:15

Námawakenewa'isera eta manerejisiranu'i ema Viya, te wicha'a núchuka'ini te suju'e esu tikachichanu; taka'e'i eta mapanereru'i eta máichuiranuyare'i, taicha eta máemunasiranu'i.

Gálatas 2:20

Eta nusuapira'i eta máepenira'i ema Cristo te crusu, nujakapakare'i me Viya, puiti, waipa nútijiwaina necha eta nítaresira'i, émapa téchanu'i ema Cristo tamutu eta nítaresira'i. Émapa nukasiña'i taicha yátupi'i eta makasiñakarewa'i taicha yátupikene'i Machicha'i ema Viya. Eta máemunasiranu'i, tímijararekawa'i níchavene'i nuti.

Efesios 3:6

Ani taka'e'i eta juka tayumururewanaini'i: Eti apawasana, eti apanaware ejákapakare'iware maye'e ema Viya maicha ema Jesucristo, iúchuku'ayare táichavene'i eta é'isirayare eta vimetarairuana, esiapamuri'a'aviyare viti machanerana ema Viya, etamuri'avipa, vikutikakainapa eta víkuchi'i viti israelítana.

Colosenses 1:24

Puiti, nurisamure'i eta nukatajiwaira'i ichavene'i eti eta nukatupara'aira'i nukametarairu eye'e eti. Eta juka nukatajiwaira'i, tákuti'ini eta makatajiwaira'i ema Viakenu. Nukatajiwanumapaipa'i íchavene'i eti machichanaveana, eti vichamuriana'i.

1 Tesalonicenses 2:12

Vékatiaka'e'i ichape eta iúriwaina eti, ímerekaya eta makáchichaira'eipa ema Viya, taicha íchuarekasiwaipa maye'e eta ekachaneraya ema taye'e eta máwasa te anuma, te távi'a'i eta majaraiwa.

2 Tesalonicenses 2:14

Ema tikuchuku'a'eyare, taicha ímiyanawa'i esuapa eta Arairu maechejiriruwa, yátupikeneana máimiturapiana ema Cristo. Tási'a, ítujikawainapa esiapa taye'e eta mávi'a'i ema Viákenu Jesucristo, íma'ainapa eta majaraiwa.

2 Tesalonicenses 3:3

Wá'isera táeñamawakare'ini eta máuriwa'i ema Viya eta viye'e, yátupi'i eta máitauchira'i tamutu. Tétumecha'eyare ema, eta ímiyanawairaya. Tijaneaka'eyarewa maye'e ema Wínaraji.

2 Timoteo 1:9

Ema Viya tiámawa'i eta máemunasira'avi'i akane te tépanawainapa tamutu. Tijapanu'avi'i máichavene'i ema Machicha Jesucristo. Eta taka'e máichuira'aviyare vimutu viti vé'ikanayare ema Machicha, mawaraira'i tikuchuku'a'aviyare, wá'ineni viámawa'ini viúri'ini eta vítaresira'i. Puítisera ema Viya mawara'a mapekaturare'aviya te mamira'u.

2 Timoteo 2:13

Te vínajikawa'ipuka eta vé'isira'i ema, émasera wa'i máinajika'avi'ini, Manasi'ichucha tikuchapa'avi'i te viápechawayarepuka vichawayare maye'e.

Tito 1:2

etara eta juka vikuchapakene'i taicha eta vitaresira maichekuarakirenapa. Taicha ema Viya wa'i maepiya'ira'ini.

Hebreo 10:23

Eta taka'e, vímiyanawa vétumechawa eta vé'isira'i, wa'i viyakujima'i, yátupina eta vikuchapira eta víkuchi'i taicha ema Viya máitauchayare tamutu eta máijararuwa'i eta viye'e.

Hebreo 11:11

Ésuipa, esu Sara tikasiñawa'iware maye'e ema Viya, máitauchayare'i eta máijarasirawa eta sukachichairaya, ichavikachichaipa'inéni. Macheru'iware esu. Máijaraka'isera ema Viya eta suchicha, taicha eta susuapira'i eta máitauchirayare ema Viya tamutu eta máijararuwana'i eta suye'e.

Hebreo 2:17

Eta taka'e, eta máukupaisira'i ema Viákenu, tatuparaka'i makake'eyare'i eta viáke'e eta máitaresira'i, tikuti'aviyare'i viti maparapenaveana tamutu eta vítaresira'i, yátupiyare'i eta máetaviuchiraya eta majapanuira'aviya, máetaviuchayarewa eta makasiñakarewaya eta viye'e, taicha makarichu'i ema tiyaseucha'aviparaka'i te mamira'u ema Viya Makaiyakene, makaepa'áina'aviyare'i eta viviurewana'i táichavene'i eta vipekaturana viti achaneana.

Hebreo 3:1

Nuwara'a numetaka'eya eta apana, eti nuparapenaveana máepachiaruana'i ema Viya, máichu'akeneana'iware eta esiapiraya eta máwasa. Nuwara'a epanerecha apaesa ákaikutiara eta táetaviuchira'i eta máitupajijiasirawa'i ema Jesús. Ema yátupi'i mawaneru'i ema Viya eta máimitusira'aviyare'i eta juka vé'iru'i. Makarichu'i ema tiyaseucha'aviparaka'i eta vikasiñawaira'i me Viya.

Hebreo 3:14

Taicha viti machamuri'aviana'i ema Cristo, vijakapainasarepa eta víkuchi'i maye'e ema, te vímiyanawa'i eta vikasiñairawa maye'e, vétumechirawaina eta vé'isira'i takutichu te tepanawapa.

Hebreo 6:18

Tímatikare'i eta máuriwa'i ema Viya waipaina'i maitsiwachaima'i eta maijarasirawa'i eta maitauchirayare'i eta maechejiriruwa wa'iware tiwayuaraka'avima'i, taicha tijaraka'avi'i eta vitumewayare'i etapa eta makurisamurechira'aviyara'i viti vitanukana eta makatiuchira'aviyare'i ema Viya etapa eta vikasiñawaira vikuchapirayare eta maichakene'i.

1 Pedro 5:10

Ema Viya, tíchu'a'avi'i, mawara'a'i visiapa te máwasa, táichavene'i eta vé'isira'i ema Jesucristo. Ánipinesera eta ekatajiwairaya puiti juka sácheana. Émasera ema Viya, tétavikawa'i eta majapanuraiwa'i. Ema, tímararaka'e'i eta ekamichira'i; tási'a ema, tíjaraka'enapa eta ewayuchirawaya eta etúmewaya.

1 Juan 1:3

Vimetaka'e taicha viwara'a iúrujikawa'ini eta viye'e. Taicha víti viúrujikawa'i maye'e ema Tata Vikaiyakene émapa ema Machicha Jesucristo.

1 Juan 1:7

Té'esera yátupina eta visuapira eta mawanairipiana, vinasi'ichu'i eta te majaraiwa'i ema Viya, takuti'i eta manasiraichu'i ema eta te majaraiwa'i. Tási'a, eta vinasiraichu'i eta te majaraiwa'i, viúritarekayare'i eta viúrujiusirakaka naye'e ena vichamuriana. Éneichuware máepachinachayare tamutu eta vipekaturana, taicha te tépenapa ema Jesucristo Machicha ema Viya, máepusaika'i eta máitine eta máepachinachira'aviyare'i.

1 Juan 4:13

Puiti, viti viáwa'aka'i ema Viya, éneichuware tiáwa'aka'avi'i ema, vécha'i eta máwa'asira'avi'i ema Viya, máichavene'i ema Machanewa Viya mawaneru'i eta viye'e.

Apocalipsis 19:11

Níma'awarepa eta anuma téjiaka'i, tási'a tiúchukapa eta kawayu tijapu. Eta máijare ema, yátupikene títaura'i, taicha ema, tatupiruwa eta ma'akenukawa'i.