1 Corintios 1:6 - Táurinakene máechejiriruwa’i ema Viya tikaijare

⁶ Écharipa eta numetaka'ekene'i eta máijarasira'eya ema Cristo eta iúriwaya, puítipa tíjaraka'eipa'i.

Ignaciano

⁶ Écharipa eta numeta­ca­he­quenehi eta máijara­si­raheya ema Cristo eta iúrivaya. Puítipa tíjara­ca­he­ripahi.

1 Corintios 1:6 ပူးပေါင်းရင်းမြစ်များ

Marcos 16:20

Taka'e, tiyananapa te tamutu awasareana ena máimitureana, tikametarairuanapaipa eta tiúrinakene echéjirirukawana. Ichape eta máimikatasirawakapa'i ema Viya. Tétavikawa'i tajakapakarewa'i máicha, eta náimiturapianapa'i. Taicha máijarakawakapa'i eta náimeresirapa'i eta tiáramikareana tikunachakareana'i.

Hechos 11:17

Tiuri puiti, ema Viya máijarakawaka'i ena apawasana ema Machanewa Viya, táichavene'i eta náe'isira'i ema Viákenu Jesucristo, takuti'i eta máijarasira'avi'i víti, tási'a, ¿naja'anusika nuti, eta nákapaemacha'ini ema Viya?

Hechos 11:21

Eta maitupajijiasirawa ema Viákenu maijaraka'i ena, eta taka'e'i, nasuapa'i ena kamurikeneana achaneana, náinajikapaipa eta naye'erepini'i tamaurikeneana, tási'a náe'ikapa ema Viákenu.

Hechos 18:5

Te titekapanapa ema Silas, tási'a émapa ema Timoteo, nasi'apa'i te Macedonia, ema Pablo tépanawapa tikametarairu'i eta máechejiriruwa ema Viya, mawara'apa makajimuyakawakaya ena israelítana ema Jesús émaira'i Cristo ema nakuchapakene'i.

Hechos 20:21

Namutu ena juriyuana enapa ena apawasana numetakawaka'i namutu eta náeñauchirawaina me Viya, étapa eta nasuapiraina nakasiñairaina ema Viákenu Jesucristo.

Hechos 20:24

Tájinasera wa'i nupikakawa, tayanapaneine népenapuka, wa'i néñama eta nítaresira. Nuwara'a nímiyanawaya eta núriwa'i maye'e ema Viya, nuwapinawa'i eta nítauchiraya eta nutuparakasiwa'i maye'e ema Viákenu Jesucristo. Taicha ema tituparakanu'i nukametarairuya eta máemunasira'avi'i ema Viya vimutu viti achaneana.

Hechos 22:18

Eta nímaira'i ema Viya, máichanupa: ‘Piyayauchawayare eta piúchusiraya te juka Jerusalén, taicha wa'i tisuapavianaima'i eta péchejisi'airanuya.’

Hechos 23:11

Tási'a, te jena yátikene'i máechejikapa ema Viya ema Pablo, máichapa: “Túmevinachucha, Pablo. Taicha tiúri'i eta péchejisi'aira'i eta níjare te juka Jerusalén. Puiti piyanayare eta te Roma, éneyareichu taka'eyare eta péchejisiraya.”

Hechos 28:23

Taka'e, náijarechapa eta sache máechejisiraya, te jena sache, títekapanapa ena kamurikeneana israelítana taye'e eta máitekapi'a'i ema Pablo. Tépanawapa te jena yátikara'i téchejika'i, tiámainukawa te kapere'ichichapa títapirikapa eta makametarairuira'i eta mawasa ema Viya akenuka te anuma, máimive'apikapa'i eta máechejikuirapa'i eta Takapika'ukene Ajureka. Máimitukawaka'i ena eta náimatiraya ema Jesús eta émaira'i ema nakuchapakene'i.

Romanos 15:19

Nímechawaka'i ichape eta tiáramikareana eta nítupajijiasirawa maicha ema Machanewa Viya. Taka'e'i eta nítauchira'i tamutu eta nukametarairuira'i eta máimiturapiana ema Jesucristo. Tamutu'i nupaika, népanawa'i te Jerusalén, nícheku'apa taye'e eta tinapaika Iliria.

2 Corintios 12:12

Tayanapane kamuri eta nukatiru'awana, nukamicha'isera tamutu. Nímecha'eipa'ineni eta tiáramikareana níchakeneana'i, maicha ema Viya. Eta tímikaecherachanu'i eta yátupikenenuira'i apústulenu.

Gálatas 3:5

Ema Viya tíjaraka'eipa'i ema Machanewa Viya eta máwa'asira'e'i, tímecha'e'iware eta tiáramikareana ¿Taja'apuka takayema eta maijarasira'e'i? Wá'isera etaparakaina eta esuapiraina'ini eta wanairipiana, étasera eta esuapira'i ejakapira'i eta máechejiriruwa étapa eta ekasiñawaira'i eta me Viya.

2 Tesalonicenses 1:10

Te jena sácheyare te máitekapapa ema Viákenu, viáramimikainapa ichape eta maye'e vimutu viti manerejiruana'i. Tétavikawaya eta vikunachirainapa ema, eti apanawa etiari'iyare'i, taicha esuapa'i eta vímiturapiana'i.

1 Timoteo 2:6

Ema Viákenu Jesucristo tíjarakawa'i tépena taicha eta makuchukuira'aviya vimutu viti achaneana, puítisera mawara'a máimimatichayare namutu eta juka arairu'i vímiturapiana.

2 Timoteo 1:8

Eta taka'e, wa'i pikutsiri'a eta pikametarairuiraya eta máechajiriruwana ema Viákenu. Wá'iware pikutsiri'a eta táemeratasiranu'i, taichavene'i eta nukametarairuira'i nuti apana. Yátupina pikamicha eta pikatajiwairaya. Taicha ema Viya, ema tíjarakaviya eta pitumewaya eta pímiyanirawaya pikametarairu.

Apocalipsis 1:2

Takuti eta yátupi'i nukametarairuira'i eta máechejiriruwana ema Viya, étaichu'i eta máimiturapiana ema Jesucristo, puiti nutupiruwa numetaka'e eta juka numetakasiwana'i.

Apocalipsis 1:9

Nuti Juan, núti'ichu echamurinu'i, núti'ichuware ekutikenenu'i eta nawa'asira'i ema Viya, taye'e eta vikatajiwaira'i, vikamicha'isera tamutu taicha tétumecha'avi'i ema Jesús. Taichavene eta vikametarairuira eta maechejiriruwa ema Viya, eta nukawana'ira'i ánaki tejena tiurupu'i tikaijare Patmos.

Apocalipsis 12:11

Ena vichamuriana naita'aka'i taicha eta maepusaisira'i eta maitine ema Cordero tási'a náimimaticha'i, eta máechejiriruwana ema Viya, wa'i napikakawawaka'ini eta náitaresira, tijarakawana'i te náepenirayare'i.

Apocalipsis 12:17

Taka'e, eta táimairawa'i eta Serpiente wa'i tárata'a'ini, tavetijipaicha eta tasemira'i suye'e esu esena. Tiyanapa naye'e ena suchamuriana, énapa apavekeneana'i. Tawara'apa takapakayare'i ena sukutikeneana'i tisuapana'i ema Viya, té'ikana'iware eta máimiturapiana'i ema Jesucristo.

Apocalipsis 19:10

Népuyukapa te máiwapechakaya ema ángele, nuwara'apa nutsiukayare'ini, émasera máichanupa: “Wa'i pikutsiukanu, taicha núti'ichu'i pikutikenenu'i mawanaranu'i ema Viya, énapa ena pichamuriana'i títauchana'i eta mawanairipiana ema Jesús. Ema Viya, ema tatuparakavi'i pitsiukayare.” Taicha éti'ichu'i vikutikeneana eta vikametarairuira eta máechejiriruwa ema Jesús.

Apocalipsis 6:9

Te mavepistakawarepa ema Cordero eta tasinkune sello, níma'apa te tápeku taye'e eta námawa'u, eta náchanewana ena náepenakeneana táimikaparuana'i eta náe'isira'i ema Viya.