1 Corintios 1:5 - Táurinakene máechejiriruwa’i ema Viya tikaijare

⁵ Tíjaraka'eipa ema Viya eta ítupajijiasirawa'i eta échejisirana, échema'aipa'i tamutu.

Ignaciano

⁵ Tíjara­ca­heripa eta ítupa­ji­jia­si­ravahi eta échaji­sirana, échema­ha­ripihi tamutu.

1 Corintios 1:5 ပူးပေါင်းရင်းမြစ်များ

Hechos 2:4

Tási'a ena, máwa'akawakapaipa ema Machanewa Viya, tiáramikareanapa apaechejiriruwawakapa, taicha eta máwa'asirawakaipa'i ema.

Romanos 11:12

Etasera, eta nakipaisirawa'i naejekapirawa'i ena juriyuana etapasera eta tijakapakareana'i me Viya namutuipa ena apánapanenejikeneana achaneana te juka apake'e, ¡Taicha eta nákipaisirawaipa ena juriyuana, puiti eti apawasana, tétavikawa'i eta iúrikakarewaipa!

Romanos 15:14

Nuparapenaveana némunarukeneana, nukasiñawa'i nuti eta eye'e, eta étaviuchiraipa eta iúriwa étapa eta ímatiekene'aira'i tamutu eta máimiturapiana ema Viákenu. Yátupi'iware ítuka'i échejirika.

Romanos 15:4

Ema Viya tiwaneka'i ena víyara'anaini profetana nájucha'i eta máechajiriruwana te Takapika'ukene Ajureka. Eta, tikamapurawakareyare'i eta táimitusira'aviyare'i, apaesa táetumecha'avi eta vé'isira, takurisamurecha'avinaware. Tímituka'avi'iware yátupina eta vikasiñawa me Viya eta máijarasiraparaka eta viúrikakarewaya.

1 Corintios 12:10

Narari'iware ena máijararuana'i eta nakuchusiraya eta tiáramikareana. Ena apamuriana náijarakasipachu eta nakametarairuiraya maye'e ema Machanewa Viya, eta máechejiriruwana'i ema Viya. Ena apamuriana máijarakaware eta náimatiasirawaneya ena achaneana nája'apuka nákani máwa'aruana'i ema Machanewa Viya, nája'awarepuka ena máwa'eruana'i ena éreanana. Ena apamuriana máijarakaware eta tiúri'ichuya eta náechejisiraya eta apaechejiriruwana. Ena apamuriana máijarakaware eta naitusirayare, nápepika náechejisi'a eta apaechejiriruwa.

1 Corintios 12:8

Narari'i ena máimikatakawaka ema Machanewa Viya eta náitusiraya téchejikana, náimituresiraya. Ena apamuriana máijarakawakaware máejerareyare eta nakaikutiarairaya eta mapanereruana. Émanaichu'isera ema Machanewa Viya tíjaraka'i eta juka.

1 Corintios 13:2

Te takuija'ipukaini eta vémunaraiwaina'ini, tájinapa vikunachakaréma'i me Viya. Tayanapane vikametarairu'ipukaini eta vimetakasiwana'i te anuma, támutu'iwarepukaini víturuekene'aini, étaipa te máija'uchapukaini makayejeka'ini ema Viya eta ichapekene mari táichavenena'ini eta viyaseasiraina'ini eta vikasiñawairaina'ini eta maye'e.

1 Corintios 13:8

Tájinapa títaima'i eta vémunaraiwayare, vímiyanawainapa eta vítaresiraya. Eta jena sacheanayare, vímatiekene'a tamutu. Waipa vikamunu eta vimetakasiwana eta metarapianayare tási'akeneanayare me Viya. Tájinapa viátajiwaima'i eta visamirayare eta apaechejiriruwana.

1 Corintios 14:26

Nuparapenaveana, ani taka'eyare eta iúrujisirawanayare. Enerejikawa eti íputsiakawayare eta ejirairaya. Éneichuware tinerejikawayare mákani tíjarakawayare ema tímiturekayare. Éneichuware te matiari'inapuka mákani mawara'a'i tikametarairuyare eta mametakasiwana'i me Viya, tájinachucha táichawa'i. Tísapakare'iware eta échejisirayare te apaechejiriruwana. Takamunu'isera matiari'iyare ema tiapepirikaya. Tamutu eta júkana, étara tikajurukayare eta nasuapajiraiwaiya ena echamuriana.

1 Corintios 8:11

Taka'e, échapawaya eti ímatiekene'airaipa, machu émejekapawacha ema echamuri. Émaichu'i iúmuriwa'i eta mawacharesira'e'i ema Cristo eta máepenira'i te crusu.

2 Corintios 4:6

Ema Viya, te máepiyakainapa eta juka apake'e, makawanairipipa tatiari'iyare'i eta tijara'i, témitiakayarepa eta timapikukenéni'i, ene maka'e'i eta viye'e, tímimaticha'avi'i eta majaraiwa ema Machicha. Tétavikawa'i eta tajaraiwa'i te visamureana, ema, tímimaticha'avipaipa'i eta máetaviuchakene'i máuriwa'i ema Viya.

2 Corintios 6:10

Tikutimai'i eta vikatisamurewa'i ichape, viurisamurereakawa'i, vikutima'i eta páure'avi'i eta náimaira'avi'i, ichapemuriana'isera ena víjararuana'i eta nakaima'akene'i, ani, tájina víma'akenena, té'esera te apana vítaresira, tétavikawaya eta vikaima'akeneraya.

2 Corintios 8:7

Taicha namutu achaneana naecha eta iúriwa'i eti: Ichapemuri eta ekasiñawaira'i me Viya, tétavikawa'iware eta échemaraiwa'i, kamuri'eware eti ímitura'iana, ewapinawa'iware eta ekaemataneasira'i ema Viya, tétavikawa'iware eta émunaraiwa'i eta viye'e. Eta taka'e, táurika tápajukawa'iwareni eta enakiruwana ekajirisiraya.

2 Corintios 9:11

Tási'a, ema Viya tíjaraka'enapa eta íma'akeneanayare apaesa ímiyanawayare'i íjarakasireka, puíti'ipa eta viámakeneyare enakiruwana'i naye'e ena vichamuriana, ichape eta na'asulupayachirayare'i ema Viya.

Efesios 1:17

Ema, makaiyakene'i ema Viákenu Jesucristo, máetaviure'i eta majaraiwa te mávi'a'i te anuma, nuyaseaka'i máijaraka'e'ini eta échemaraiwaina'ini maicha ema Machanewa Viya, apaesa ímatiekene'a'ini yátupina eta emétakasiwanaya eta mapanereruana'i ema Viya, nuwara'a ímatipaipaichaini ema.

Efesios 2:7

Eta juka émavene'i ema Viya, mawara'a'i máimereka eta viúrikakarewana máijararu'aviyare eta viye'e te jena sácheyare, taicha tétavikawa'i eta máemunasira'avi'i táichavene'i eta viúrujiasira'i ema Jesucristo.

Efesios 3:8

Wa'i németeakawa'ini nútinasami'ini manerejika, taicha narari'i'i ena títupajijiapanawana'i eta nuye'e, tijapanunu'isera ema Viya, nútisamipa manerejiru'i, mawaraira'i numetapana'e eta máichuira'e'i eti apana eti apawasana, eta ejakapiraya eta táurikakarekene víkuchi maicha ema Cristo, tétavikawaya eta viúrikakarewayare.

Efesios 6:19

Éneichuware, te eyujarasirana, eyaseuchanu'ini me Viya, apaesa máijarakanu'ini ema eta nuwapinairawa, takuijaware ta'apapirikanu eta néchejisirayare ena achaneana. Nuwara'a tasuapakare'ini naye'e eta najakapakarewa'i maye'e ema Viya.

Filipenses 1:9

Nuyaseaka'iware ema Viya eta iápajusirawaina'ini eta émunaraiwaya. Ítupajijiakawa'ini, támutu ímatiekene'a, apaesa ímatiparaka'ini eta enerejisiraya eta táurikene'i,

Colosenses 2:3

Nájina mákuti ema Cristo, ema tíjaraka'avi'i tamutu eta vítupajijiasirawana'i, véchemara'iwaka'i máicha.

Colosenses 3:10

puíticha, amairi'apa arairupa eta juka ítaresira'i machicha'eipa ema Viya: tajurukapaipaini eta ekutirayare ema eta masantuwa'i étapa eta máuriwa'i ema.

Santiago 3:13

Te natiari'inapuka te etaraku nákani náechema'a'i tamutu, tatuparaka'i náichayare eta táurikeneana, yátupinaware eta namansuwayare. Étapa tímikaecherachayare'i eta náitusira'i.

2 Pedro 3:18

Tajurukapaichuchaini eta ímatiraina, eta máemunasira'e'i ema tikatiucha'avi'i ema Viákenu Jesucristo. Tétavikawa'ini eta vijirauchira, te vinarasirana, te véjamisirana ¡vímiyanawayare! ¡Amén!