1 Corintios 1:30 - Táurinakene máechejiriruwa’i ema Viya tikaijare

³⁰ Puítisera eti, majakapakeneanaripa ema Viya. Máwa'aru'ewarepa ema Jesucristo maicha ema Maiya. Taka'e, ichapeipa eta échemaraiwa'i máicha, santu'eipa máicha, ekutipaipa eta masantuwa'i ema. Iuchukurepaipa'i taye'e eta tikaviurekarewana.

Ignaciano

³⁰ Puítisera éti, majaca­pa­que­nea­naripa ema Viya. Mávahá­ru­he­varepa ema Jesucristo maicha ema Maiya. Tacahe, ichaperipa eta échema­raivahi máicha. Sántuheripa máicha, ecutipaipa eta masantuvahi éma. Iúchucu­re­paipahi tayehe eta ticaviu­re­ca­revana.

1 Corintios 1:30 ပူးပေါင်းရင်းမြစ်များ

San Mateo 1:21

Taka'e, te máuchukapa ema amuya, pinakayare eta máijareyare Jesús. Ema tikatiuchayare ena achaneana, taye'e eta napekaturana.”

San Lucas 11:49

“Eta taka'e ema Viya eta maitupajijiasirawa'i, maka'e'i: ‘Nuwanekayare ena profetana, tási'a éneichuwa nuwanekayarewa ena apústuleana. Tási'a nakapakayarepa'i, napanajirikawakainapa ena apamuriana.’

San Lucas 21:15

Taicha nuti, níjaraka'eyare eta ítusirayare ekatiuchirawaya, nájina ákutima'i eta ítupaijiasirawaya, ichape ekachuriakayare ena iánaranaya.

San Juan 1:18

Yátupikene, nájina náimati'ini eta máima'i ema Viya, makarichukene ema Machicha, émaichu'ineni ema Viya kachanekakana'i ema Maiya, éma'i tímimaticha'avi'i ema Maiya.

San Juan 14:6

Ema Jesús májikapawarepa: –Nútira né'ikakare'i, núti'ichuwa yátupikenenu'i. Nútiware nukaitarera'i, nájina apanaina ákasiñaima'i eta ítekapirayare me Tata.

San Juan 17:26

Nuti nimimaticha'i eta pijare, nimiyanawasera eta nimimatichiraviyare, apaesa eta pemunasiranu'i nuti ena'apanaware najakapa, tási'a nuti apanaware nawa'akawaka ena.”

San Juan 17:8

Náechaipa'iware eta yátupikenéra'i eta piwanesiranu'i. Eta taka'e, natupiruwa'i najakapa eta nímitusirawaka'i eta péchejiriruwana.

San Juan 8:12

Te táekenepa eta juka, tépanawawarepa tímitureka ema Jesús. Máichawakapa ena achaneana: –Nútira numikaucha'e'i eti achaneana te juka apake'e, eta taka'e, nákani té'ikanuanayare, wa'i téjekapawanaima'i. Taicha eta nímiturapiana, étapa timíkauchawaka'i. Tási'a, nakatichainapa eta timapiku, waipa napauchaima'i.

Hechos 26:18

Puiti nuwanekavi pímitukawakayare eta mawanairipiana maye'e ema Viya. Nakaiju'e ema, apaesa náitujikawa náima'a eta majaraiwa, náinajikapa eta náichakeneasana te timapiku, waipa nakue'ika ema Wínaraji. Nae'ikapa ema Viya, apaesa majapanu'e eta epekaturana. Apaesa nasiapamuri'aya ena náinapureana'i manerejiruana'i.’

Romanos 1:17

Taicha eta Arairu maechejiriruwa timecha'avi eta taichararakawa'i eta makatiuchira'avi'i eta vitápirawanaini: taichavene'e eta vikasiñawaira'i etachuchasera eta vikasiñawaira'i me Viya. Eta taka'e'i eta taechejiriruwa eta Takapika'ukene Ajureka: “Ema matapiraware eta makasiñawaira'i me Viya eta tikaitarekaya.”

Romanos 11:36

Taicha tamutu eta tatiari'ikeneana'i, takarichu tási'akeneana'i maye'e ema Viya. ¡Máitawakaka'i eta vikunachira'i ema Viya! Amén.

Romanos 12:5

ene vika'e'i víti, kamuri'avi'i, étanaichu'isera eta viake'e'i eta viúrujiasirakaka'i eta vé'isira'i ema Cristo, vímikatakakaira'i eta vikaemataneasira'i ema.

Romanos 16:11

Échejisinanuware ema apanaware nujaneana Heredión. Énapa ena machichanaveana ema víyara'aini Narciso, tétavikawa'i eta nasuapajiraiwa'i ena me Viákenu Jesucristo.

Romanos 16:7

Échejisinanuware ena nujaneanana Andrónico émapa ema Junias. Ena, nuchamurianaini'i eta vikaerataira'i. Tétavikawa'i vémunasira'i ena viti apústuleana. Ena, tínapukana'i nuye'e eta náe'isira'i ema Cristo.

Romanos 4:25

Ema Viya Maíjarakapa ema Jesús eta maepenina'aviyare'i taichavene'e eta vipeketurana, tási'a techepukapa te maekari eta makatiuchira'aviyare'i taichavene eta viviurewana.

Romanos 4:6

Éneichuwa ema David máechejisi'a'i eta náurikakarewa'i ena tikapekaturara'iana eta majakapirawaka'i ema Viya, tájina étaparakaina eta nakaemataneasira'i.

Romanos 5:19

Kamuri'avi'i viti takaerajiruana'i me Viya, táichavene'i eta mamasuapajiraiwa'i ema émana achane. Puítisera kamuri'avipa viti vijakapakareanaipa me Viya táichavene'i eta masuapajiraiwa'i ema Jesús.

Romanos 5:21

Taka'e, eta pekatu, ichape eta támaparauchira'avi'i taye'e eta vépenira. Étasera eta majapanuira'avi ema Viya tiámaparaucha'avipa'iware eta vijakapakarewa'i maye'e. Tási'a, píjaraka'avinawarepa eta vítaresiraya máichekuarakireyare máichavene'i ema Viákenu Jesucristo.

Romanos 8:1

Puítisera, viti viáwa'akanaipa'i ema Jesucristo, waipa vikaikuñáima'i.

Romanos 8:23

Ema Machanewa Viya máitsiwachaipa eta viáchanewana. Waipa táesachaima'i vicha eta pekatu. Wáipaware víchaima'i eta tamaurikeneana. Tási'a, títauchawainapa eta makachichaira'avinapa ema Viya.

Romanos 8:9

Puítisera eti, eta máwa'asira'eipa'i ema Machanewa Viya, waipa étaima'i epanerecha eta tawara'akeneana'i eta iáke'e. Étapa epanerechaya eta mawara'akeneana'i ema. Nákani wa'i máwa'aruanaina'ini ema Machanewa ema Viya, wá'iware machaneranaina'ini ema Cristo.

1 Corintios 1:2

eta juka najure'i eye'e eti vichamuriana ekawasana'i taye'e eta awasare Corinto puiti eti iáwa'aruipa ema Viákenu Jesucristo, taicha etupiruwa'i esuapa eta máichuira'e'i eti ema Viya, tichu'a'e'i esiapayare'e te mawasa, ekutipa ena apamuriana vichamuriana tikawasana'i te tamutu awasareana, taicha ekasiñawa'i eta eyujarasirana eta maye'e ema Viákenu Jesucristo, ema visuapakene'i Vimutu.

1 Corintios 1:24

Natiari'isera ena tisuapanapa'i eta máichuira'i ema Viya, ena israelítana énapa ena apawasanana'i, náimatipa ema Cristo, eta wanairukaira'i maye'e ema Maiya taicha ema tíjaraka'i ema Machicha eta máitupajijiasirawa'i étapa eta matumewa.

1 Corintios 12:18

Ema Viya manaka'i eta táematanerepianayarepachu'i eta juka táunawana'i eta viáke'e. Taicha taka'e'i eta mapanereru'i ema Viya te tépiyaka'avinapa.

1 Corintios 12:27

Ene eka'e'i eti eta é'isira'i ema Viákenu Jesucristo, eta iúrujisirawa'i maye'e, ekutikaka'i eta táunawana'i eta máke'e.

1 Corintios 12:8

Narari'i ena máimikatakawaka ema Machanewa Viya eta náitusiraya téchejikana, náimituresiraya. Ena apamuriana máijarakawakaware máejerareyare eta nakaikutiarairaya eta mapanereruana. Émanaichu'isera ema Machanewa Viya tíjaraka'i eta juka.

1 Corintios 4:15

Tayanapane kamuriana'i ena eye'eana'i máestroana tímituka'eana'i eta é'isiraina ema Cristo, diez mil náina'ipukaini, nútisera tímikutijirikawa'i nákarichu'ini éyanuina'ini maestro taicha nuti nímimaticha'e'i taye'e eta iúchukuirayare maicha ema Jesucristo.

1 Corintios 6:11

Eneni'i eka'e eti te wicha'a imati'ini ema Viya. Puitisera ejachapaipa eta iuriwayare epáchi'aipa eta epeketurana, puitisera santu'eripa'i maicha ema Viákenunu Jesucristo émapa ema Machanewa Viya.

2 Corintios 12:2

Nimati ema emana achane suapajira'i maye'e ema Cristo, katurse'añupa eta mamira'i ema Viya te anuma. Wa'isera necha te mama'ipuka eta make'e, wa'ipukasera etachuchaserapuka eta machanewa mama'i eta makawapurera'i, émasera ema Viya techa.

2 Corintios 4:6

Ema Viya, te máepiyakainapa eta juka apake'e, makawanairipipa tatiari'iyare'i eta tijara'i, témitiakayarepa eta timapikukenéni'i, ene maka'e'i eta viye'e, tímimaticha'avi'i eta majaraiwa ema Machicha. Tétavikawa'i eta tajaraiwa'i te visamureana, ema, tímimaticha'avipaipa'i eta máetaviuchakene'i máuriwa'i ema Viya.

Gálatas 1:4

Ema Viákenu tíjarakawa'i tépena te crusu taicha mawara'a'i tikuchuku'a'aviyare taye'e eta víkuñayare'ini táichavene eta vipekaturana, makamitiasina'avi'ipa'iware eta vijamurachiraini'i eta tamaurikeneana taye'e eta juka apake'e, eta taka'e'i eta mapanereru'i ema Tata Vikaiyakene.

Gálatas 3:13

Ániware taka'e eta Takapika'ukene Ajureka: “Mákani achane ichape eta maviurewa, tikaetatakasiyare'i te yukuki, eta táikutiara'i eta máikuñasirayare ema Viya eta máchanewa.” Viti achaneana, ichape eta víkuñayare'ini taicha eta vimaitauchira'i tamutu eta wanairipiana, émasera ema Jesucristo, tépenina'avi'i te crusu, tamuriasira'i tamutu eta víkuñayare'ini víti.

Efesios 1:10

Tamutu eta juka mapanereruana'i títauchawayarepa'i, jákani tatuparakipa'i. Te jena sácheyare manerejikaripa, ema Viya manakainapa ema Machicha Jesucristo akenukakeneyare'i, téchayare'i tamutu eta táichararakawana, nasuapayare'iwa namutu ena tiávi'ana'i te anuma, énapa ena tiávi'ana'i te juka apake'e.

Efesios 1:14

Eta máwa'asira'avi'i ema, títametaka'aviparaka eta vijakapiraya eta víkuchiana'i maye'e ema Viya te táitekapapa eta viúchukuiraya viti machichanaveana'i, tási'a, tétavikawainapa eta vikunachirayare ema Viya taicha ichapekene eta máimikatasira'avi'i.

Efesios 1:7

Ema Viakenu Jesucristo máepusaika'i eta maitine te crusu maepenine'i, mawaraira'i tikatucha'aviyare'i, makaepa'apa eta vipekaturana, taichavene eta maemunasira'avira majapanuira'avi'i.

Efesios 2:10

arairuinapa eta vítaresira maicha ema Viya, émaichuware tikajuruka'avi eta vé'isira'i ema Jesucristo, mawaraira'i víchayare eta táurikeneana, eta víchira'i, vítaucha'i eta mapanereruana akane.

Efesios 4:30

Wa'i ekuisapawa ícha jákani tamaurikeneana, machu ímipanerereka ema Machanewa Viya. Eta máwa'asira'e'i tímikutijirikawaipa'i eta manasira'ini eta maikutiara eta eye'e, taicha ímatikareipa'i, te taítekapapa jena sácheyare viúchukuirayare.

Efesios 5:26

Taicha mawara'a'i tisantucha'aviyare'i, tási'a, masipasina'avipa eta viáchanewana eta visuapira'i eta máimiturapiana, eta masipasira'avi'i taye'e eta maechejiriruwa etapa eta vikaikachasirai.

Filipenses 3:9

puiti eta náwa'asira'i ema; wa'i étaina'ini eta táuriwa'i eta né'isira'i eta viye'erepiana. Ema Viya tijakapanupa táichavene'i eta nukasiñawaira'i me Cristo. Taicha namutu ena tikasiñawana'i ema, tijakapakareanaya me Viya.

Colosenses 1:14

taicha ema Viákenu Jesucristo tépena'i te crusu eta makaepa'airaya eta vipekaturana, viúchuku'aipa'i máicha.

Colosenses 3:16

Étaviucha'ini eta iúnasiraina te esamureana eta máechejiriruwana ema Cristo. Étumechakaka'ini eta ímitusirakakaya eta échemaraiwayare, ewapinawa'ini te esamureana eta ejiraira te iúrujisirawana, ejirayare eta majiria'uana ema Viya, eta e'asulupayachirayare'i ema.

1 Tesalonicenses 5:23

Tiuri puiti, máijaraka'eni ema Viya táuriwaina eta epanereruana, yátupina'ini takuija'ini ekuichirawaina eta iáwa'ásira'i ema, majaneasina'e'ini eta iáchanewana, eta iáke'eana, takuija eta etapirawaina'ini te machawapa ema Viákenu Jesucristo.

Tito 2:14

Ema, máepenina'avi'i, mawaraira'i makaichepaikaya tamutu eta víchira'i eta tamaurikeneana'i. Máepachinachayare tamutu eta tamaeperajiwana eta viáchanewana. Taicha mawara'a'i machanerakene'aviyare. Taka'e, puiti vichaya eta táurikeneana.

Hebreo 9:12

Ema Cristo, jé'eware ema mávi'a'i taye'e eta yátupikene Santísimo te anuma, waipa makamawa'u'ini eta táitine eta sárareana chikeru, chíwaina'ipukaini, eta mámawa'u'i ema, étakenepa eta máitine, éta'eichu'i máicha ema, vimutu'isera viti makuchukureana'i, tási'a, máitawakakaipa eta vítaresiraya.

Santiago 1:5

Taka'e, te tatiari'inapuka eta téchakare, te wá'ipuka íturuekene'a'ini, eyaseakayare ema Viya eta ítupajijiasirawaina, ema Viya tíjaraka'eyare, taicha ema tájina mayawanakenena, wá'isera tikajacha'avima'i eta viyaseasirana jákani vikamunukeneana.

1 Pedro 1:2

emutu eti, yátupikene'i eta manerejisira'e'i ema Tata Vikaiyakene taicha taka'e'i eta mapanereru'i akane eta táepanirawa'i. Émaipa ema Machanewa Viya, tiáwa'aka'eipa máepachiasira'e'i eta epekaturana eta te máitine ema Jesucristo. Apaesa ejachapa ichapemurikene eta majapanuraiwa etapa eta viuriwayare.

2 Pedro 1:1

Nuti Simón Pedro, mawanaranu'i ema Jesucristo. Maye'enu'i apústule. Nukajure'e eti nuchamuriana, taicha tétavikawa'i eta ewapinairawa'i eta juka vé'iru'i. Puiti eti apanawa ejakapakare'iware me Viya, ekaikuchipaware eta iúchukuiraya maicha ema Viákenu Jesucristo.

1 Juan 5:6

Te títekapa ema Jesucristo, tímerekawapa te juka apake'e, une eta makaikachasiya'i. Éneichuware eta máitine máepusairu'i eta máepenira'i te crusu. Ema Machanewa Viya, émapa títametaka'avi.

Apocalipsis 14:4

Ena nakana matapirawareana'i ena te mamira'u ema Cordero. Tájinaware wa'i náechipejikawa'ini, naviraina'ini esu esena. Ena nani, ena náinapureana'i masantuchakeneana'i ema Viya émapa ema Cordero.

Apocalipsis 5:9

Tijirana'i eta juka jirasare arapiru, ánipa naka'e: “Pikarichu píti tituparakavi'i eta pikaratasirayare eta ajureka, pivepistasirayare eta taye'eana sello, Tituparakavi'i taicha píjarakawa'i píti tímikapakavi'i, eta pepusaisira'i eta pítine eta viwacharesira'avi'i vimutu te mamira'u ema Viya víti apaimamajikene'avi'i te juka apake'e, apánapaneneji'iware eta vechejiriruwa. Apawasana te juka apake'e.