1 Corintios 1:20 - Táurinakene máechejiriruwa’i ema Viya tikaijare

²⁰ Tájina takunachakarewaina me Viya eta máitukakene'i ema achane títupajijiakawa'i, mákani timiturekara'ipuka, tayanapane makarichu'i naye'e ena apamuriana tímatiekene'ana'iware eta taye'eana eta juka apake'e. ¡Ema Viya maipichasikapa eta maitupaijiasirawaini ema achane eta te juka apake'e!

Ignaciano

²⁰ Eta tacahe puiti, tájina tacuna­cha­ca­re­vai­nasami me Viya eta máituca­quenehi ema achane títupa­ji­jia­cavahi, mácani máestropuca, tayanapane macarichuhi nayehe ena apamuriana tímatie­que­ne­ha­na­hivare eta tayeheana eta juca apaquehe. Taicha tájina vahi étapa­racaina mayehe ema Viya eta júcana taicha súnsuru­pia­nachucha eta mayehe éma.

1 Corintios 1:20 ပူးပေါင်းရင်းမြစ်များ

Romanos 1:22

Tikasiñawawaikana'i taicha tímijachawana'i títupajijiakawana, tétavikawa'isera eta namaiturerewana'i.

1 Corintios 3:19

Taicha eta náitukakeneana'i ena achaneana te juka apake'e, súnsurupianachucha eta máimaira'i ema Viya. Taicha eta Takapika'ukene Ajureka, taka'e'i: “Ena tímijachawana'i náimatiekene'a, énajiwachucha tímiakipaikawana'i maicha ema Viya, taicha eta namáetupisirawana'i.”

1 Corintios 1:19

Taicha taka'e'i eta maechejiriruwa ema Viya te Takapika'ukene Ajureka: “Tamapuruji'i eta náitukakeneanaini ena títupajiji'anaini'i, nukamitiakayarewa eta náechemaraiwana'i ena techemara'ianaini.”

1 Corintios 2:6

Étisera ánakiapaipa eta é'isira'i. Ímatiekene'áwakaipa. Taka'e, táurikapa puiti vímitukaka eta apamuri echéjirirukawa. Eta juka títukakareana tiási'ana'i me Viya. Wa'i tási'akenena'ini maye'e mákani vikutikene achane. Énaina'ipukaini tási'a'ini naye'e ena ichapekeneana akenukana, taicha wa'i tánasima'i eta napanereruana ena.

San Mateo 13:22

Natiari'iware ena apamuriana nakuti eta ewaraki takaewakene'i te tatarakukuji eta itapekiji, te nasamararaka eta echéjirirukawa, natupiruwane'i nasuapa, étasera eta tawayuakawaka'i eta tájiparakana, étapa eta nawaraira'i tirrikuchawana. Tamutu eta juka táemetavika'i eta nawaraira'i té'ikanuana.

San Juan 12:31

Étapa juka sacheanayare eta apake'e kayesere'inapa, tási'a ema Wínaraji kakijikasinapa taye'e te juka apake'e.

Hechos 17:18

Natiari'i ena té'ikana'i eta máimiturapi ema tikaijare epicúreos, énapa ena apamuriana tikarawa'uana'iware eta náimiturapiana ena estoicos. Téchejirikawanapa maye'e ema Pablo. Wá'isera nákaikutiarapa'ini eta makayemapa'i. Naka'epa: –¿Tája'asamipuka takayema'i eta mapanereru'i ema maka? Ena apamuriana: –Ema maka tikametarairura'i taye'e jákani apanaware masiñarajianaichu. Naka'e'i ena eta juka, taicha ema Pablo mametakawaka'i eta máepenira'i ema Jesús étapa eta máechepusira'i, mápechirawa'i títareka.

Romanos 1:20

máima'asi'ineni ema Viya Eterno eta viye'e, vécha'isera eta matiari'ira'i, taicha tamutu víma'a eta máepiyaruana'i, etaipa eta apake'e étapa eta tatiari'ikeneana'i, émaichu'i ema Viya téchapajirika'i tamutu eta táepanirawa'i eta juka apake'e, puíticha eta juka viáwakure'i, eta taka'e tajina naetseraruima'i.

1 Corintios 1:26

Ímatiwaichu'i, eti nuparapenaveana, te tíchu'a'epa ema Viya, wa'i ámutu'ini ímati'ini eta táichararakawa'i eta ítaresira'i te juka apake'e. Wá'iware ámutu'ini tuparairuka'ewakaina'ini, wá'iware ámutu'ini ekaima'akenewaka'ini.

1 Corintios 1:27

Tayanapane ena achaneana náimijacha'epuka súnsu'ena eti, manerejiru'e'isera ema Viya, taicha mawara'a'i máimikatsiriakawakayare'i ena tímijachawana'i títupajijiakawana. Tinerejika'eipa eti wá'ichu túmejiku'ena'ini, mawaraira'i máimikatsiriakawakayare'i ena tímijachawana'i túmejikuana.

1 Corintios 1:28

Ema Viya manerejika'i ena achaneana naepurukeneana'i namaesachakeneana taye'e te juka apake'e, mawaraira'i makaepa'a ena timijachawana títupajijiakawana.

1 Corintios 2:8

Ena akenukana'i, wa'i náimati'ini eta mapanereruana ema Viya. Nájina émanaina'ini ema ichapekene akenuka máimati'ini. Taicha te náimati'ini eta mapanereruana ema Viya, wá'ichupukaini nakuémetataka'ini te crusu ema Viákenu, ema Tata, ema tikarataka eta vitaresirana.

1 Corintios 3:18

Wa'i ekuejekapawa eta ímijachira'i ímatipa tamutu eta juka vítaresira'i. Étisera ekarawa'uya eta me Viya. Ema, tímituka'eya eta ítupajijiasirawanaya yátupikeneana. Échemaraiwaina máicha.

1 Corintios 6:2

Étijiwayare'i étupirikaka eta íchawakenewana'i. Wa'i étinayare etanuka ena masuapajiraira'ana'i, taicha járajapayare eta sácheyare tikayasesere'ianaya te emira'u eti ena masuapajiraira'ana'i. Puítisera eta íchawakenewana'i ánichichakeneana'i, eti tatuparaka étupirikaya.

1 Corintios 11:32

Taicha mawara'a'i vétupirikayare'i. Waipa vikaikuñaima'i taye'e eta nakaikuñairayare ena apamuriana achaneana máimatira'ana'i ema Viya.

Santiago 4:4

¡Tétavikawapa eta emaetupisirawa'i eti achaneana! ¿Wa'i echa eti, eta vikajiriarera eta tamauirikeneana te juka apake'e, timikutijiriwa'i vikatianaka'ini ema Viya? Namutu nákani naicha eta tamaurikeneana nakatianakayare ema Viya.