1 Corintios 1:18 - Táurinakene máechejiriruwa’i ema Viya tikaijare

¹⁸ Natiari'i ena achaneana náimijacha'i súnsurupiana eta máepenina'avi'i te crusu ema Viákenu Jesucristo. Ena nani masuapajiraira'ana'i, énara táiturewanayare eta ekuñaraki. Vítisera viti makuchukureanayare, tiúri'i visama eta yátupikeneana tási'akene'i me Viya.

Ignaciano

¹⁸ Natiarihihi ena achaneana náimijachahi súnsurupiana eta juca nucame­ta­rai­ruirahi eta viúchucuiraya taicha eta máepeni­na­havihi te crusu ema Viáquenu Jesucristo. Ena nani masuapa­ji­rai­ra­hanahi énara táiture­va­nayare eta ecuñaraqui. Vítisera viti macuchu­cu­rea­nayare, tiúrihi visama eta yátupi­queneana tásiha­quenehi me Viya.

1 Corintios 1:18 ပူးပေါင်းရင်းမြစ်များ

Hechos 13:41

‘Íma'a, eti épurura'iana'i, iáramekayare eyanapa ejuna, taicha titekapainapa eta sache nichayare eta tiaramikareana emáima'akeneana'i eta emasuapakene'i eti, natiari'inapuka ena nametaka'e.’ ”

Hechos 17:18

Natiari'i ena té'ikana'i eta máimiturapi ema tikaijare epicúreos, énapa ena apamuriana tikarawa'uana'iware eta náimiturapiana ena estoicos. Téchejirikawanapa maye'e ema Pablo. Wá'isera nákaikutiarapa'ini eta makayemapa'i. Naka'epa: –¿Tája'asamipuka takayema'i eta mapanereru'i ema maka? Ena apamuriana: –Ema maka tikametarairura'i taye'e jákani apanaware masiñarajianaichu. Naka'e'i ena eta juka, taicha ema Pablo mametakawaka'i eta máepenira'i ema Jesús étapa eta máechepusira'i, mápechirawa'i títareka.

Hechos 17:32

Te nasamapa eta máechejisi'aira'i eta máechepusira'i te máekari ema Jesús, natiari'i ena nakaeka'ichucha. Ena apana naka'epa: –Té'enaineware apa'ena péchejisi'aware eta juka, apaesa visamavi.

Hechos 2:47

Najiraucha nakunacha'i ema Viya. Taka'e, namutu ena apamuriana achaneana napikaucha'i ena. Tási'a, tamutu sácheana ema Viya máichu'awaka'i ena apamuriana tisuapanaware.

Romanos 1:16

Wa'i nimitsiriawa'ini eta nukametarairuira eta juka Arairu maechejiriruwa, taicha eta juka maitupajijiasirawa'i ema Viya, namutu nákani tisuapanaya najachapaya eta makatiurapi, natiwayare ena juriyuana enepa ena apawasana.

1 Corintios 1:21

Tamutusera eta mapanereruana'i ema Viya, tétavikawa'i eta tapachinawawaka'i. Narari'i ena tisuapanapa'i eta maechejiriruwa. Tayanapane ena apamuriana náimijacha'i súnsurupiana'i eta maechejiriruwa. Ena nani achaneana, tamapuruji eta náechemaraiwana'i, taicha wa'i táimimatichawaka'ini me Viya.

1 Corintios 15:2

Tási'a, puiti iuchuku'apaipa táichavene'i eta ímiyanirawa'i esuapa eta numetarairuana'i eye'e. Németeaka wa'i tamapurujima'i eta yátupira'i íjarasirawa'i eta é'isiraya eta juka esamakene'i.

1 Corintios 2:14

Énasera nákani achaneana wa'i máwa'aruanaina ema Machanewa Viya, wa'i najakapaima'i eta máimiturapiana, taicha náimijacha'i súnsurupiana. Wá'iware nárata'a nakaikutiara'ini, taicha tikamunukare'i eta máimitusirawakaina'ini ema Machanewa Viya.

1 Corintios 2:2

Taicha nuwara'a'i nímimaticha'eyare ema Jesucristo, nuwara'a'iware yátupina'ini ákaikutiara eta masiwachakene'i makatajiwaira'i ema eta máepenira'i te crusu.

1 Corintios 3:19

Taicha eta náitukakeneana'i ena achaneana te juka apake'e, súnsurupianachucha eta máimaira'i ema Viya. Taicha eta Takapika'ukene Ajureka, taka'e'i: “Ena tímijachawana'i náimatiekene'a, énajiwachucha tímiakipaikawana'i maicha ema Viya, taicha eta namáetupisirawana'i.”

1 Corintios 4:10

Viti, eta vikaemataneasira'i ema Cristo, tisunsucha'aviana'i ena achaneana, étisera étaviuchaipa'iji eta ítupajijiasirawa'i taye'e eta títukakareana maye'e ema Cristo, takutikene náimijacha'iware matumeraira'avisami. Eti, tétavikawaipaji eta etúmewawaka'i, tipikaucha'eanaipáji ena achaneana. Vítisami tájinapa vipikauchakarewaina'ini.

2 Corintios 10:4

Taicha nuti wa'i né'akakaima'i te nuwa'uana, tájinaware nakasiñaima'i. Marari'isera ema Viya ema tíjarakanu'i eta nítupajijiasirawaya nukamatinasi'ayare ena.

2 Corintios 4:3

Nakarichu nákaini wa'i narata'a nakaikutiaraima'i eta Arairu maechejiriruwa eta vimiturapi'i, énayare ena masuapajiraira'ana kaikuñanayare.

1 Tesalonicenses 1:5

Taicha te vímituka'epa eta máechejiriruwa ema Viya, eti etupiruwa'i ejákapa eta vimetarairuana, taicha ema Machanewa Viya tinakasamurecha'e'i eta táuriwa'i esama eta vímitusira'e'i. Ímati'avi'i eta mawanesira'avi'i ema Viya. Íma'a'iware eta viúriwa'i eye'e.

2 Tesalonicenses 2:10

Ema maka, máetaviuchainapa eta mawayuaraiwaya naye'e ena achaneana. Ena, tísapawanainapaipa náe'ika eta táiñe'ikeneana mawayuarakianapa'i. Wá'isera máyerema'i. Taka'e, ena nani achaneana máiturewana'i témitiekene'anainapa. Tikaikuñanainapa, taicha wa'i náwara'a'ini náe'ika eta yátupikeneana tiúriana echéjirirukawana.

Hebreo 12:2

Vikutiyarewa ema Viákenu Jesús, taicha eta tási'a maye'e eta vikasiñawaira'i me Viya émaichuware timitupirucha'avi. Ema, Jesús marata'a'i eta matajiwa te crusu wa'i masuapa'ini eta tatsiri'akarewa eta maepenira'i te crusu, taicha maecha'i te taekenepa matajiwa titekapayarepa eta maurisamurewayare'i. Tejakayarepa te mawaure ema Viya.

Hebreo 4:12

Taicha eta máechajiriruwa ema Viya, tétavikawa'i eta táitupajijiasirawa'i. Máicha, tamutu'i tarata'a, takachurika'i eta takasiriwa eta espada, takapayakayare'i te ama'e taye'e eta viáchanewana viti achaneana, tímecha'avi eta tamauriwa'i eta visamureana, tasiapaware eta vipanereruana, tímituka'aviware eta vétupirisirapaipa'i eta vítaresirana.