1 Corintios 1:10 - Táurinakene máechejiriruwa’i ema Viya tikaijare

¹⁰ Nuparapenaveana, nechejika'e te maijare ema Viákenu Jesucristo nuyaseaka'e emutu iúrujikawa'ini etanainaichu'ini eta epanereruana, wa'iware ekuiputsimuri'akaka taurina eta ítaresiraina émunakaka, tauruikawa eta epanereruana.

Ignaciano

^10-11 Nupara­pe­naveana, ¿tájaha­papuca ecayema éti vaipa tétupicava eta epane­reruana? Núti nusamai­ri­ricahi eta íputsia­si­ra­va­va­caripa. Taicha tacahehi eta nameta­si­ranuhi ena suchicha­naveana esu vichamuri vénaraha Cloé. Nupara­pe­naveana, nutupa­ra­ca­heyare te máijare ema Viáquenu Jesucristo, tácuticáca eta epane­reruana. Nuvaraha étanai­narichu eta epane­reruana. Vaipa ecuipu­tsiacaca.

1 Corintios 1:10 ပူးပေါင်းရင်းမြစ်များ

San Mateo 9:16

“Najina tepakaka'areka taye'e eta arameru amáratataji, taicha eta ichasime muriare atataji takachuriakayare'i tetsayuka taye'e eta arameru. Taka'e eta taetsayu ichapepanainapa.

Marcos 2:21

“Najina tepakaka'areka taye'e eta arameru amáratataji, taicha eta ichasime muriare atataji takachuriakayare'i tetsayuka taye'e eta arameru. Taka'e ichapepanainapa eta taetsayu.

Marcos 3:24

Nímikutichina'eya, ena machanerana ema akenuka, ena wa'i típutsimuri'akakanaima'i, te tiputsimuri'akakanapa énajikakainapa tiakipaikakana,

San Juan 10:19

Eta nasamira'i ena achaneana eta juka máechejiriruwana'i ema Jesús, típutsimuriawawakawarepa.

San Juan 17:23

piti piáwa'akanu'i nuti, tási'a, nuti náwa'akawaka'i ena apaesa yátupina'ini ena etanainaichuyare eta napanereruana, apaesa ena apamuriana achaneana te juka apake'e étaina'ini náimatiaraina'ini eta piwanesiranu'i, étapa eta pémunasirawaka'i takuti'i eta pémunasiranu'i nuti.

San Juan 7:43

Taka'e ena achaneana tiputsimuri'akakanapa maichavene ema Jesús.

San Juan 9:16

Narari'isera ena fariséuona naka'epa: –Ema mákara wa'i machaneraina ema Viya, taicha wa'i mapikaucha'ini eta sáwarumu'uana. Ena apamuriana, ániwarepa naka'e'i: –¿Wáipaine'isera máituruekene'aima'i máicha eta tiáramikareana te yátupina'ini makapekaturara'i'íni? Taka'e, apánapanenejipa eta napanereruana, tiakapaemajirikakanapa ena,

Hechos 4:32

Namutu ena te'ikana'i, tisuapajira'iana'i, tikutikaka'i eta napanereruana eta nakajikakaira'i. Namutu nákani téchana'i eta náima'akeneana nakaye'ekeneana'i, wa'i nayawani'akaka'ini.

Romanos 1:13

Nuparapenaveana, nuwara'a numetaka'e apaesa echa, ichapemuri'i eta nuwaraira'i níteka níma'apana'e, puíticha, wícha'asera nítujikawa. Eta nuwaraira nuyana eye'e etavene eta nimimaticha'e'ini eta Arairu maechejiriruwa ema Viya, tákuti'ini te nupaikainapa te apana awasareana.

Romanos 12:1

Taka'e, nuparapenaveana, nuwara'a ákaikutiara yátupina eta majapanuira'e'i ema Viya. Eta táetaviuchira'i eta majapanuira'e'i, ekatupara'a'i íjarakawa yátupina eta iáke'eana étapa eta iáchanewana eta é'isiraina émainachucha ema Jesucristo, takuti'i eta iámawa'u'i me Viya, jé'esare, tétavikawaya eta ekurisamurechiraya ema taye'e tamutu eta ekaemataneasirana ema.

Romanos 12:16

Ekurisamurechakakaya ena echamuriana. Wa'i ekukasiñawawairika, ákutikaka'i naye'e ena mánsuana'i, wá'iware ekukasiñawa eta ítusira'i.

Romanos 15:30

Nuparapenaveana, nuyaseaka'e te máijare ema Viákenu Jesucristo étapa eta vémunasirakaka'i maicha ema Machanewa Viya. Nuyaseaka'e ímikatakanu'íni eyaseuchanu me Viya te eyujarasirana.

Romanos 16:17

Nuparapenaveana, nuwara'a ekuneuchaware naye'e ena tipanerechana'i típutsimuri'a'eana taicha nawara'a'i ti'apapika'eana eta te é'iru'i. Ena nani nakatianaka'i eta juka vímiturapi'i iárawa'u'i.

1 Corintios 1:11

Nuka'e eta nechejiriruwa, nuparapenaveana nemunarukeneana, taicha necha'i eta nametasiranu'i ena suchichanaveana esu vichamuri Cloe eta íputsikakaira wa'i tákutikaka'ini eta ekachanerakaka.

1 Corintios 11:18

Jukari'isera eta juka tikati'i nuye'e. Nusamairika'i te iúrujisirawana íchirana eta culto, waipa takutikaka'ini eta epanereruana, íputsimuriawawakapa. Németeaka nuti kañari'i'i eta íchawakenewa'i.

1 Corintios 12:25

Eta taka'e, te vikaematane, tamutu eta viáke'e tiyamurika'i, tímikatajirikaka'i, ichape'i eta táejiasirakaka'i, wa'i táiputsiakaka'ini.

1 Corintios 3:3

Taicha eti wicha'a támutu'ini ínajika'ini eta tajamurachakeneana eta iáke'eana! Taicha ekapinarujirikakaicha'a, ekatianajirikakaicha'a, íputsimuriajirikakaicha'a, eta epanereruana ekutiricha'a eta napanereruana'i ena apamuriana achaneana masuapajiraira'anaicha'a.

1 Corintios 4:16

Eta taka'e, nékatiaka'e'i ímiyanawa eta e'isirainuina eta núriwa'i.

2 Corintios 10:1

Nuti Pablo, nuyaseaka'e eta ímatiranuína eta némunasira'e'i. Nukuti'i eta máemunaraiwa'i ema Cristo. Etiari'ipuka eti ímijacha'i népiyakawa'i nuri te emira'u; tási'a, te nuyere'i'eware, tétavikawa'iji eta nuwínarajiwa'i mapikauraira'anu'iji.

2 Corintios 13:11

Tiuri puiti, nuparapenaveana, ítatijirikawa'i. Etánukayare eta táurikeneana eta ítaresirana. Ekurisamurechakaka. Takuija'ini eta semanerena eta eye'e. Tákutikaka eta epanereruana. Máijaraka'e'ini ema Viya eta tanarasiraina eta iáchanewana, taicha tétavikawa'i eta máemunaraiwa'i ema.

2 Corintios 13:9

Ichape eta ekurisamurechira'aviyare te yátupinapa étupirikawa. Étijiwainapa erata'ayare ekaratakawa, waipa nútiparakaima'i. Puiti eta nuyasearapi nuti me Viya, tamutuyarepa tichawa eta táuriwa'i eta ítaresira.

2 Corintios 5:20

Taka'e, víti mawaneru'avi'i ema Cristo víchu'awakayare'i namutu. Tímikutijirikawaipa émakenena'ini máechejikawaka'ini ema Viya. Puiti viyaseakawaka'i namutu nakasiñawa maye'e ema Jesucristo; wáipaware tipikakarakawanaima'i eta náikuñaya'ini.

2 Corintios 6:1

Tási'a, viti mawanara'avi'i ema Viya, viyaseaka'eyare ímiyanawa tauri eta é'isira'i ema. Wa'i ekuemepurureka eta máemunasira'e'i, majakapira'e'iware.

Gálatas 4:12

Esamanucha'a, nuparapenaveana, nuwara'a ákutinu'ini nuti taicha nuti nuchawaipa'i nukuti'eipa eti. Wa'ineni etaina'ini taichanu eta taja'apuka icharakanu'ini.

Filipenses 1:27

Eta ítaresiraya, ímereka yátupina eta é'isiraina eta máimiturapiana ema Cristo. Tayanapane wá'ipuka nukuiteka eta eye'e, ímiyanawasera eta étumechirawaina eta iúrujiasirakaka'i, nusamairirika'e'ini táuri'ini eta ímiyanirawa'i é'ika emutu, etanainaichu'i eta epanereru, ewapinawa'i eta ekametarairuira eta vé'iru'i taye'e eta viúchukuiraya,

Filipenses 3:16

Étasera wara'akare, eta wámutu viti ve'ika eta vikapayaruipa etanainaichupa eta vipanerecha.

1 Tesalonicenses 5:13

Échapajirikawakaya ena, émunasinawaicha, taicha ena tiúri'i eta náimikatasira'e'i, takuija ekuichirawaina eti eta naye'e.

2 Tesalonicenses 2:1

Puíti'ipa, nuparapenaveana, eta machavirayare ema Viákenu Jesucristo eta viurujusirawayare maye'e, puiti viyaseaka'e

1 Timoteo 5:21

Nutuparakavicha muraka, pítauchayare yátupina eta juka numetarapiana'i piye'e, wa'i pikunerejikawaka, nákutikaka eta píjarasiraina eta piye'e justicia.

2 Timoteo 4:1

Puiti nutuparakaviyare muraka te máijare ema Viya, émapa ema Viákenu Jesucristo. Taicha ema, títekawaneyare eta makawakureiraya te juka apake'e. Viti vítareruanaicha'a énapa ena náepenakeneanaipa vikayasesere'inapa te mamira'u tája'a'ipuka eta vikaemataneasirana'i ema

1 Pedro 2:11

Némunarukeneana nuparapenaveana, puiti tímikutijirikawa'i apawasa'e'ini, taicha iávi'aicha'a te juka apake'e. Eta taka'e, waipa táurika'ini ícha'ini eta tajamurachakeneana eta iáke'eana. Taicha eta, tawara'a'i tákamitiekene'a eta iáchanewana.

1 Pedro 5:10

Ema Viya, tíchu'a'avi'i, mawara'a'i visiapa te máwasa, táichavene'i eta vé'isira'i ema Jesucristo. Ánipinesera eta ekatajiwairaya puiti juka sácheana. Émasera ema Viya, tétavikawa'i eta majapanuraiwa'i. Ema, tímararaka'e'i eta ekamichira'i; tási'a ema, tíjaraka'enapa eta ewayuchirawaya eta etúmewaya.